Maluko 5:23 - Luganuzi Luswanu Kuli Wanhu Wose 2002

²³ yakamunena muno yakutya, “Umuhinza wangu mudodo yatamigwe, yali behi no kufwa. Cibite nghukunena, wukamuwicile miwoko yako, ho yapone no kuwumipa!”

I CILAGANE CIPYA 1991

²³ yakumunena muno yakutya, “Umuhinza wangu mudodo yatamigwe, yali behi no kufwa. Cibite nghukunena, wukamuwicile miwoko yako, ho yapone no kuwumipa!”

Maluko 5:23 ပူးပေါင်းရင်းမြစ်များ

2 Watemi 5:11

Ninga Naamani yakawuka yakoligwe ne likuwo muno akuno yakutya, “Ane waco, nali kwihwesa 'mba, Elisha kolawila kononze, yaze yanombele kuli Muwaha Mulungu, u Mulungu wakwe, yawalaze no muwoko wakwe mono mo wuli wutamwa, yamhonye wutamwa wangu wo wukoma!

Zabuli 107:19

Holeka wakawa kumulilila, Muwaha Mulungu mumo mu magazo gawo, nayo yakawaponya mu magazo gawo.

Zabuli 50:15

Ale wunyhemaje lono wuli mu wugaye, nane nokuponya, nagwe konghumya.”

Matayo 8:3

Nayo Yesu yakagolola muwoko wakwe, yakamupamiza, yakatya, “Nyendile wukwemwe.” Hobaho du u munhu yuyo yakakwemwa u wukoma wakwe.

Maluko 16:18

Na hono webate nzoka, hamba kung'wa cinji co cose cono cina sumu, sicowatamisa yaye.” Kanyhi wowawicila miwoko yawo i watamwa, nawo watamwa wopona.

Maluko 5:24

Ale, Yesu yakabitana nayo. Ne liwuta yiwaha lye wanhu likamutyatya, likawa limufinhile mbavu zose.

Maluko 6:13

Wakagalavya macisi menji, wakawabaka watamwa wenji mafuta, wakawaponya.

Maluko 7:32

Ale, wakamuletela munhu mono yali cibwibwi kanyhi yali ciziwi, wakamunena yamuwicile miwoko.

Maluko 8:23

Nayo Yesu yakamwibata muwoko munhu yuyo we cibofu, yakamutegula kunze ye cikaya ca Betesayida. Yakamubaka mate mu meso, yakamuwicila miwoko yakwe, yakamuwuza, yakutya, “Wule, wukusuma kuwona cinji.”

Luka 13:13

Yakamuwicila miwoko yakwe; lo lulo lulo muwili wakwe wukagoloka, yakamulumbo Mulungu.

Luka 4:38

Yesu yakawuka mu nhang'anilo yiyo yo wuhembelo, yakenjila mu nyumba ya Simoni, u mukwewe we cicekulu wa Simoni, yali yebatwe na mhungo mbaha, wakamulomba yamuponye,

Luka 4:40

Lono lizuwa lyali lyeza behi no kugwila, wose wono wali wena watamwa we matamwa ge hayo hayo, wakawaleta kuli mwene, nayo yakawawicila miwoko yakwe wose, yakawaponya.

Luka 7:12

Ale, yaza sejelela he 'lango liwaha lyo kwinjilila mwi'kaya, yakawona wanhu wadinghuye muzelelo mono yafwiye, mwana we ciwene wo mucekulu mufwile. Wanhu wenji wa mwi'kaya lilyo, wali wali hamonga no mucekulu yuyo.

Yohana 11:3

Ale wawo walumbuze wakatuma munhu kuli Yesu, wakutya, “Muwaha, mwendece wako yatamigwe!”

Metumo ge Watumwa 28:8

Kukawa u Sogwe wa Pubuliyo yali yatamigwe mhungo, no kuhala sakami. Pawulo yakabita kumuwona, yakalomba nayo, yakamuwicila miwoko, yakamuponya.

Metumo ge Watumwa 6:6

Wakawawika ha mwande ye watumwa, nawo wakawalombela no kuwawicila miwoko.

Metumo ge Watumwa 8:17

Wakawawicila miwoko yawo, nawo wakabocela u Muhe Mono Yelile.

Metumo ge Watumwa 9:12

nayo kawona munhu litagwa lyakwe Ananiya yakwinjila, yakumuwicila imiwoko yakwe, ho yatuje kuwona.”

Metumo ge Watumwa 9:17

Ananiya yakabita, yakenjila mu nyumba yiyo. Nayo yakamuwicila Sawulo miwoko yakwe, yakatya “Ndugu yangu Sawulo, u Muwaha Yesu, mono yakulawiye mu nzila yono waziza, yo yanhumile wutuje kuwona kanyhi, wumemywe u Muhe Mono Yelile.”