Maluko 5:15 - Luganuzi Luswanu Kuli Wanhu Wose 2002

¹⁵ Wakamuziza Yesu, wakamuwona no munhu yuyulya mono yali yena litewa lye macisi yekaye hasi, yavwalile ne myenda, yena ne mahala gakwe, yatulile, nawo wakogopa muno.

I CILAGANE CIPYA 1991

¹⁵ Wakamuziza Yesu, wakamuwona no munhu yuyulya mono yali yena litewa lye macisi yekaye hasi, yavwalile ne myenda, yena ne mahala gakwe, yatulile, nawo wakogopa muno.

Maluko 5:15 ပူးပေါင်းရင်းမြစ်များ

1 Zinghomo 13:12

Na ku wulawa baho, Dawudi yakamogopa Mulungu, yakatya, “Alu ho nolitegula wule Lisanduku lye Cilagane kwangu?”

1 Zinghomo 15:13

Hambi anye nha mwali muli hasina ha lulongozi, ho mulidinghule nyenye, lono ase calidinghulila. Nayo Muwaha Mulungu, u Mulungu wetu, yakacilipiciza, vyono si camuhemba mwene nha vyono yali yicinojeye cimuhembe.”

Jobu 13:11

No wuwe wakwe we vilungo, womogofyenyi.

Zabuli 14:5

Baho 'lu langa, wocicima ko woga, hambi u Muwaha Mulungu, nha yali hamonga na wose wono wali ling'ani.

Matayo 12:29

“Hamba u munhu kosuma nhawule kwinjila kwa vilungo mu nyumba ya mono yali vilungo, ho yasume kumuboka i viya vyakwe, lono si yamuye kumuwopa yuyo u munhu we vilungo? Langa baho ho kosuma kumuboka i viya vyakwe.

Matayo 26:53

Wulenyi, si mumanyile vyono ndahile kumulomba Baba, nayo kosuma kundetela lwa kamonga, mapuga yikumi na mejete ge wamalayika?

Matayo 4:24

Ne zinghani zakwe zikamanyika mu yisi yose ya Siliya. Ne watamwa wose wono wali na wugazice wo wose, kotya, wono wali wena macisi mavu, wono wena lukwale, wanhu we vilema, wose wawo wategulwa kuli mwene, nayo yakawaponya wose.

Matayo 9:33

Ne licisi lyaza kuwa lyalavywa muli munhu yuyo we cibwibwi, lo lulo lulo yakawa kulonga kanyhi. Ne wanhu wakezina muno muno akuno wakutya, “Inghani yono yinha yiyi, yikali si nejela hamba mu Isilayeli!”

Maluko 5:14

Nawo wadimi we zingubi zizo wakatiza, wakayiganula i nghani yiyo kwi'kaya na mu migunda. Iwanhu wakaza ho wawone nyhici yono yiweye.

Maluko 5:16

Ne wanhu wono waziwona zizo, wakawaloloseza wanhu wanji vyono yimuweye u munhu mono yali yena macisi, na ze zingubi zizilya.

Maluko 5:18

Na lono Yesu yenjilaga mu ngalawa, u munhu yuyulya mono yali yena imacisi, yakamunena yawezane nayo.

Maluko 5:4

Hambi nha kali kenji wamuwopaga ne zipingu hamonga ne manyolo, ninga mapango gose yasumaga kugadumula manyolo gago, no kuzibenanga zipingu zizo, hamba hasina munhu mono yasuma kumwimila.

Maluko 5:9

Holeka Yesu yakamuwuza, yakutya, “Alu litagwa lyako gwegwe nani?” Nayo yakapitula, yakutya, “Litagwa lyangu nene ‘Mhuga’ hambi ase nha cili wenji.”

Luka 10:39

Malita yali yena mwanakwawe mono yacemwaga Malyamu, yuyu yakekala behi na Yesu, yakuhuliciza zinghani zakwe.

Luka 8:27

Nayo Yesu yaza kutima mu'si viketang'anila na munhu monga mono yali yena macisi, yakulawa mwi'kaya, u munhu yuyo mu vilo vinji si yavwalaga myenda, hamba si yekalaga mu kaya, langa yekalaga mu vitenjelo.

Wakolosayi 1:13

U Mwene yacikomboza mu wulawa mu vilungo vye citi, yakacileta cipolile mu wutemi wo Mwanagwe u mwendece,

2 Timoteyo 1:7

Hambi u Muhe mono capegwa no Mulungu, si Muhe mono kocinoza ciwe woga, a, a, ng'o, langa yo Muhe mono kocipela wendo no wiyidime.

1 Samwili 16:4

Nayo Samwili yakazinoza zose nha vyono Muwaha Mulungu yamulonjela yetume. Yakawa kubita ku Betelehemu, nawo i walongola we likaya, wali weza kumuwona yakuza, wakawa kubita kumuhinjiliza akuno wakucicima. Wakamuwuza wakatya, “Wukuza kuli'se wina no mulamu?”