Maluko 5:13 - Luganuzi Luswanu Kuli Wanhu Wose 2002

¹³ Nayo yakagakombola. Ale, gago macisi mavu gakalawila, gakenjila mu zingubi zizilya. Ne litewa lyose lye zingubi elufu nyejete, likavulumucila he weta zikenjila mwi'lamba, no kufwila mumo.

I CILAGANE CIPYA 1991

¹³ Nayo yakagakombola. Ale, gago macisi mavu gakalawila, gakenjila mu zingubi zizilya. Ne litewa lyose lye zingubi elufu nyejete likavulumucila he weta sunga zikenjila mwilenga, no kufwila mumo.

Maluko 5:13 ပူးပေါင်းရင်းမြစ်များ

1 Watemi 22:22

Muwaha Mulungu yakaliwuza yakatya, ‘Alo komukoca wuwe kutya nhawule?’ Nalyo licisi likapitula likatya, ‘Ane nobita nghawanoze wawizi wose wa Ahabu, walonje zo wulambi.’ Nayo Muwaha Mulungu yakalitya licisi, ‘Ale wubite wukamukoca, nitumbiye vyono komusuma.’ ”

Jobu 1:12

Muwaha Mulungu yakamutya Setani, “Ale viswanu, ne vinhu vyose vyono yena navyo, nha vili mu muwoko wako. Langa nghukulonjela vyono, wulecele lukulu kumutamisa Jobu mweneco.” Hodu hobaho Setani yakawa kuwuka hali Mulungu.

Jobu 2:6

Nayo Muwaha Mulungu yakamutya Setani, “Ale viswanu, Jobu yali mu miwoko yako, ninga langa du, wulece kumuwulaga.”

Matayo 7:6

“Mulece kuzipela izimbwa ivinhu vyono vyelile, ho zilece kupituka no kumulumanjenyi, hamba mulece kuzigumila izilulu zenyu ha mwande ye zingubi, ho zilece kuzikanyanjila.”

Matayo 8:32

Yesu yakagatya macisi, “Ale, Bitenyi.” Nago gakalawila muli wanhu wawo, gakenjila mu zingubi. Ne litewa lyose lye zingubi likavulumucila he weta, likagwila mwi'lamba mugati, ne zingubi zose zikafwila mu malenga.

Maluko 5:12

Ale, imacisi gago gakamunena Yesu, gakutya, “Wucitegulaje ku zingubi zizo, cikenjile muli zene.”

Maluko 5:14

Nawo wadimi we zingubi zizo wakatiza, wakayiganula i nghani yiyo kwi'kaya na mu migunda. Iwanhu wakaza ho wawone nyhici yono yiweye.

Yohana 8:44

Anye muli wana wo sogo yenyu Setani, no wusulumizi wa yuyo sogo yenyu, wo mwendile kuwituma. Mwene yali muwulaji kulawa mwamulizo, hamba si kemaga mu mbeka, vyono muli mwene, imbeka yili musina. Hono yakulonga wulambi, kalongaga i zakwe mweneco, nha vyono yenha, hambi nha mulambi, kanyhi yo sogwe yo wulambi.

1 Petelo 3:22

mono yabita ku wulanga, nalu yekaye ku lubavu lo kulume lo Mulungu, yawatemile wamalayika, ne wawaha, na wono walawiliciye.

Wugubule 20:7

Ne myaka yiyo elufu monga kolo yikumalika, Setani nayo ho yalawopolelwa yalawile mu jela.

Wugubule 9:11

Kanyhi zene zina no mutemi mono yazitemile, nayo yo malayika wa ku wuninyina, ne litagwa lyakwe ku nonga ye Cihebelaniya, wamucemaga, Abadoni, na kunonga ye Cigiliki kacemwaga, Apoliyoni, nha cinji “Muwulaji.”