Maluko 4:39 - Luganuzi Luswanu Kuli Wanhu Wose 2002

³⁹ Ale, Yesu yakasinhuka, yakalitacila lilyo likukunzo liwaha lye mbeho, no kugatya i mawingo ge lilenga, “Nyamala! Tule!” Baho i mbeho yikatula hakanyamala twii.

I CILAGANE CIPYA 1991

³⁹ Ale, Yesu yakasinhuka, yakalitacila lilyo likukunzo liwaha lye mbeho, no kugatya i mawingo ge lilenga, “Nyamala, Tule!” Baho i mbeho yikatula hakanyamala twii.

Maluko 4:39 ပူးပေါင်းရင်းမြစ်များ

Jobu 38:11

Nghalilonjela nghatya, ‘Kowa kuza sunga ahano, ninga si kopuluta! Ne mawingo gako mawaha, geze kudumila bahano.’

Zabuli 107:29

Yakawutuza mukukunzo wunyamale twii, nago mawingo gakanyamala.

Zabuli 148:8

Mumulumbe nanye nyo moto, ne mvula ye mabwe hamonga ne seluji, hamonga nagwe go mbeho yo mukukunzo, mono wibate wulajilize wakwe.

Zabuli 29:10

U Muwaha Mulungu yo yatemile lihwazi lye malenga Muwaha Mulungu yo mutemi, yatemile cibitilila.

Zabuli 65:7

kunyamazaga wukolome we lilenga, ne lizozo lye mawingo galyo, agwe kunyamazaga sunga ne lizozo lye wanhu.

Zabuli 89:9

Agwe wutemile vilungo vye lilenga, no kugatuza mawingo galyo kolo gakwinuka.

Wutuluce 14:16

Ale, winule nghome yako mucanyha ye lilenga, nago malenga gokwitemanula hejete, nawo Waisilayeli wosuma kukola hakavu, ha ciligati ye lilenga.

Wutuluce 14:22

Nawo Waisilayeli wakakola hakavu hagati ye lilenga, ne majinji ge malenga gakawa gemile ku lubavu lwawo lo kulume no lubavu lo kucekulu.

Zimbazi 8:29

Na lono yalilajilizaga lilenga hanhu hayo, ho lilece kupuluta vyono yalilajilize. Na lono yawusimizya musinji we yinze, ane nali kuko.

Yelemiya 5:22

Hambi ane nha yo nene Muwaha Mulungu, alu so cici si mukunyogopa yaye? Hamba socici si mukucicima hali'ne ng'o? Ane nha nawuwika musawawa wuwe wo mupaka we lilenga, wuwe wo mupaka we vilo vyose, wono lilenga si lyosuma kuwuponghola yaye. Heya hamba mawingo galyo gatunhume muno muno, ninga si gosuma kuponghola yaye. Ne mawingo, heya gokoloma muno muno, ninga hamba nhavivyo si gosuma kulapucila ku nhumbi yo mupaka yaye.

I Cililo 3:31

Hambi Muwaha Mulungu wetu, nha yali lusungu, hamba si kocileka cibitilila.

Nahumu 1:4

Nayo kalilajilizaga lilenga, nalyo liwa kunyala, kanyhi kanyazaga ne makolongo. Sunga ne migunda yono yili ku Bashani yiwa kunyala, ne litunda lya Kalimeli nalyo, liwa ne liwala nha lye mahanze gono ganyalile, ne maluwa ga ku Lebanoni gawa kuwomba.

Matayo 8:26

Yesu yakawatya, “Nye mo wanhu wo wihuwilo wucefu, nhawulenyi mukogopa?” Hodu yakawa kwinuka, yakavitacila imbeho ne mawingo, navyo vikawa kunyamala twii.

Maluko 4:38

Nayo Yesu yali yali kunyuma ye ngalawa yagonile, yeciwize muto. Ale, i wejizwa wakamusinhusa wakamutya, “Mwijizi, alu wukuwona si cinji vyono caza kongomela?”

Maluko 9:25

Nayo Yesu yaza kuliwona lipuga lye wanhu lyeza kumwikongholela lumangho hamwande yakwe, yakalitacila lililya licisi lyavu yakulitya, “Agwe go licisi mono wukumunoza u mwana yuyu yawe cibwibwi kanyhi yawe ciziwi, nghukutya, wulawe muli mwana yuyu, hamba wulece kwinjila muli mwene kanyhi!”

Luka 4:35

Ninga Yesu yakalitacila yakutya, “Nyamale, wuwuce muli munhu yuyo.” Ne licisi lyaza kumubamiliza hasi, haciligati yawo, likawa kuwuka muli munhu yuyo, hamba kumutamisa yaye.

Luka 4:39

Yesu yakema behi nayo, yakayitacila mhungo, nayo yikamuleka. Ho baho yakawa kwinuka no kuwetumamila.

Luka 8:24

Wejizwa wawalya wakamubitila Yesu, wakamusinhusa wakutya “Muwaha, Muwaha, ceza kufwa!” Yesu yakasinhuka, yakavitacila imbeho ne mawingo mawaha ge malenga, gakatula, hakanyamala twii.