Maluko 4:38 - Luganuzi Luswanu Kuli Wanhu Wose 2002

³⁸ Nayo Yesu yali yali kunyuma ye ngalawa yagonile, yeciwize muto. Ale, i wejizwa wakamusinhusa wakamutya, “Mwijizi, alu wukuwona si cinji vyono caza kongomela?”

I CILAGANE CIPYA 1991

³⁸ Nayo Yesu yali yali kunyuma ye ngalawa yagonile, yeciwize muto. Ale, i wejizwa wakamusinhusa wakamutya, “Mwijizi, alu wukuwona si cinji vyono caza kongomela?”

Maluko 4:38 ပူးပေါင်းရင်းမြစ်များ

Isaya 63:15

Gwe go Muwaha Mulungu, wucilangaje ase ku wulawa kuko ku wulanga ku wikalo wako, mu wele wako no lukumyo. Alo wupiligazi wako wa kuli'se, wuli hayi lo? Hamba vilungo vyako, vili hayi lu? No wendo wako wa kuli'se, hamonga no lusungu lwako, vili hayi lo? Wulece kucisemwa yaye.

Isaya 64:12

Alu na muli zizi zose, agwe ho kojendelela kwiyimila du? Alu mwene, ho sikocitaza ng'o, ho kocileka cijendelele kutamiswa mu nghango yono hamba si cosuma kuyikangalila?

I Cililo 3:8

Nane nghulilila wutazi, ninga Mulungu si yakusaka kuhuliciza ng'o.

Matayo 22:16

Holeka wakawatuma i wayawo wanji, hamonga ne watyatyi we cipuga ca Helode. Wakabita kuli Yesu, wakamuwuza wakutya, “Gwe Mwijizi, ase cimanyile vyono kulongaga mbeka, na kanyhi vyono kwijizaga i mbeka yo wuhile wo Mulungu kuli wanhu, hamba sikogopaga munhu wo wose, hambi ililumbo lyo munhu nha si cinji kuli'gwe.

Matayo 8:25

Iwejizwa wakamubitila, wakamusinhusa wakutya, “Muwaha, wuciponyaje ceza kongomela!”

Maluko 4:37

Baho, wukawa kwanza mukukunzo muwaha we mbeho, imawingo gakayitowa i ngalawa yiyo sunga yikanza kumema malenga.

Maluko 4:39

Ale, Yesu yakasinhuka, yakalitacila lilyo likukunzo liwaha lye mbeho, no kugatya i mawingo ge lilenga, “Nyamala! Tule!” Baho i mbeho yikatula hakanyamala twii.

Luka 8:24

Wejizwa wawalya wakamubitila Yesu, wakamusinhusa wakutya “Muwaha, Muwaha, ceza kufwa!” Yesu yakasinhuka, yakavitacila imbeho ne mawingo mawaha ge malenga, gakatula, hakanyamala twii.

Yohana 4:6

Hanhu baho, hali ne lisima lya Yakobo. Nayo Yesu vyono yali yakataye muno so muhinzo, yakekala he 'sima. Nayo yali saa sita ne misi.

Wahebelaniya 2:17

Holeka yali yimunojeye yehwane wanduguze muli zose, ho yawe Mukohani wawo Muwaha, mono yali lusungu kanyhi mwihuwilwa muli zose zono zibitile kuli Mulungu, ho wubi we wanhu wunenelwe.

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.

1 Petelo 5:7

Mumulecelaje u Mulungu zose zono zikumugazenyi mu zinhumbula zenyu. Hambi mwene nha yo yakumudimenyi.