Maluko 4:32 - Luganuzi Luswanu Kuli Wanhu Wose 2002

³² Ninga kolo yahadikwa, yicindikaga no kuwa ibici iwaha kuciza mabici gose ga mu mugunda. Ne manhambi gayo gawezaga mawaha, sunga ne zindeje za mu mbago zisumaga kuzenga manhuli gazo mu mubeho wayo.”

I CILAGANE CIPYA 1991

³² Ninga kolo yahadikwa, yicindikaga no kuwa ibici iwaha kuciza mabici gose ga mu mugunda. Ne manhambi gayo gawezaga mawaha, sunga ne zindeje za mu mbago zisumaga kuzenga manhuli gazo mu mubeho wayo.”

Maluko 4:32 ပူးပေါင်းရင်းမြစ်များ

Zabuli 104:12

Sunga ne zindeje nazo, zizengaga manhuli gazo, mu mibici yono yili baho, kanyhi zitimaga mu manhambi gazo ziwa kwimba.

Zabuli 91:1

Hono wuwe wuli mu wudimi wo Mulungu, Mono Yalawiliciye, na hono wiwicile lukulu muli mwene, mono yali vilungo,

Zimbazi 4:18

Nayo nzila yono wakolaga wanhu we ling'ani, yihwanile wuzelu we lizuwa lono likusosomoka, nalyo liwa kujendelela kutuga wuzelu muno sunga kolo welelecela.

Lwimbo Luswanu muno 2:3

Nha vyono winha mubici wo muyembe, wono wuli ha ciligati ye mabici ga mu mbago, Nhavivyo no mwendece wangu nayo, vyo yenha, mu ciligati ye walume wanji. Nane nali nyende niwe nikaye ha mubeho wayo, ne mikalo yayo, yili muzinzi lono nghuyijeza.

Isaya 11:9

Na mwi'tunda lyo Mulungu lyono lyelile lya Sayuni, molowa musina citamisi co cose hamba cibi co cose. Hambi yisi nha yolomema wumanye wo Muwaha Mulungu nha vyono lilenga limemile malenga kose.

Isaya 32:2

Nawo wawo wose, wolowa nho wihundiko so mbeho, kanyhi wolowa nho wicito so mukukunzo. Kanyhi wolowa nhe vikolongo vye malenga, vyono vikuhuluma mu nyika. Kanyhi wolowa nho mubeho muwaha we libwe liwaha, lyono lili mu yisi yono yilecigwe.

I Cililo 4:20

Wakamusola u Wehele wo wumi wetu, u Mutemi, mono Muwaha Mulungu yamuhagula. U munhu mono cali cimwitumbiye, nha vyono yo kocitaza muli walugu wetu.

Ezekiyeli 17:23

Mwi'tunda litali muno, lya mu yisi ya Isilayeli. Naco copasicila manhambi, no kulela mbeyu, no kuwa mubici muhagata muswanu muno. Ne zindeje ze mawala gose zilekala mumo, zolowona wuceho mu mubeho wayo.

Matayo 13:32

Ne mbeyu yeneco yiyo yo ndodo muno muno si nhe zimbeyu zose, ninga kolo yacindika, yiwilukaga si nhe vilimwa vyose, no kuwa mubici, wono sunga ne zindeje za mucanyha, zikusuma no kuzenga i manhuli gazo mu manhambi gayo.”

Maluko 4:31

Wihwanile nhe mbeyu ye haladali, yono ndodo kuciza mbeyu zose.

Maluko 4:33

Nayo yawaganulila i nghani yakwe mu vihwanicizo vinji vinha vivi, yaduwa nawo sunga mu nghango yono wasuma kwizuka.