Maluko 4:19 - Luganuzi Luswanu Kuli Wanhu Wose 2002

¹⁹ ninga i mahwele ga kononze yiyi, ne makoco ge sawo, ne masulumizi ge mawala gose, gakuwenjila no kuyititiliza inghani yiyo, nawo hamba siwakulela mikalo.

I CILAGANE CIPYA 1991

¹⁹ ninga i mahwele ga kononze yiyi, ne makoco ge sawo, ne masulumizi ge mawala gose, gakuwenjlia no kuyititiliza inghani yiyo, nawo hamba siwakulela mikalo.

Maluko 4:19 ပူးပေါင်းရင်းမြစ်များ

Zimbazi 23:4

Weze ne mahala, wulece kwikataza muno so wulondola wugoli.

Zimbazi 23:5

Hambi sawo, nha yopuluta musunho kotya yina mabawa no kuguluka nha 'ndi.

Muganuzi 4:8

Namuwona munhu yunji mono yasina mwana hamba nduguye, hamba nhavivyo, mwene si kalekaga kwituma milimo, kanyhi mwene hamba si yakuwa kuca ne sawo yakwe, hamba si ketuzaga akuno yakwiwuza yakutya, “Ale mwene, nghumwitumamila nani mwene mono yakunyambuza nghwikapisa sunga ndece kusangalala mu ziswanu?” Ayo mbeka yo nghani ya bwete du kanyhi yo nzila'mbi ye nyikala.

Isaya 5:2

Yawutipanga muhangha, yakawusa mabwe gose, yakahadika mizabibu miswanu muno. Yakazenga ne cilingo co kwamilila, yakahimba ne likombo lyo kukobonjela zi zabibu. Yakalindila sunga mu wupilo we zi zabibu. Ninga zabibu zose zikawa nghali.

Isaya 5:4

Wulenyi, ho yili nghani yinji yono yisigaye, yono si nayinoza mu mugunda wangu we mizabibu? Alu nhawule si wulelile zabibu ziswanu, zono nali nanjiliye, langa wukulela zabibu nghali, zono si nali nanjiliye?”

Matayo 13:22

I mbeyu ayilya nayo yono yagwila mu mabici ge mamivya, yihwanile u munhu mono yakuyihulika inghani, ninga i mahwele ga mononze yiyi hamonga ne masulumizi gayo ge zisawo, zikuyititiliza inghani yiyo, holeka u munhu yuyo si yakusuma kulela mikalo.

Matayo 19:23

Baho nayo Yesu, yakawa kuwalonjela i wejizwa wakwe yakutya, “Mbeka nghumutyenyi, vyono yowa kukamu muno muno kuli munhu mugoli, ku winjile mu wutemi wa ku wulanga.

Matayo 3:10

Hambi inhemo nha yikondizye kuwikanizwa so wutemanga imilela yo mubici, holeka u mubici wo wose wono si wulelaga mikalo miswanu, wodumulwa no kutagwa mu moto.

Maluko 4:18

Iwanhu wanji nawo, wehwanile nhe zimbeyu zilya zono zagwila mu mamivya. Aco co cihwanicizo ca wawo wono wakuyihulika inghani yiyo,

Luka 10:41

Ninga Muwaha yamupitula yakatya, “Gwe Malita, Malita, nhawule wukwigaza no kwihwelela ku soko ya vinhu vinji,

Luka 21:34

“Ninga musuje, zinhumbula zenyu zize zilece kuvuhigwa ko wubuguci, no wugale, ne mahwele go wikale wuwu, lizuwa lilyo ho lilece kumutinicizenyi nha mutego.

Yohana 15:2

Mwene kaliwusaga muli'ne ilinhambi lyo lyose lyono si lilelaga mikalo, ne linhambi lyono lilelaga, kalidumulilaga ho licile kulela muno.

Walumi 12:2

Kanyhi mulece kwiga imikalile ya lulu ya mononze yiyi, langa u Mulungu yamupitulenyi mu zinhumbula zenyu ko kugapitula imahala genyu. Baho langa ho mosuma kuwumanya u wuhile wo Mulungu, no kuyizuka inghani yono swanu, yono yikumunojeza, kanyhi yono yikwilaniciye.

Waefeso 2:2

Na mwipango lilyo mwekalilaga mu mikalile mibi ya mononze yiyi, nanye mukawa mukumuhulika u muwaha wo muhe mubi we vilungo wa mu mwanya, wo muhe wono wuwatemile alu, iwanhu wono si wakumuhulika u Mulungu.

Waefeso 6:12

Hambi u wulugu wetu nha si cikwihoma ne wanhu, langa cikwihoma ne litewa lyavu lya mu yinze ye cimuhe, cikwihoma ne watemi, ne wawaha na wono wena i vilungo, wono wayitemile i yinze yiyi ye citi.

Wafilipi 4:6

Mulece kwihwelela muli cinji co cose, langa mu wulombe wenyu, mumulombaje u Mulungu i visakwa vyenyu, mumulombaje akuno mukumulumba mu zinhumbula zenyu.

1 Timoteyo 6:17

Wuwalonjelaje iwanhu wagoli we vinhu vye mikalile ya lulu, walece kwidunhumula, hamba kuwika u witumbilo wawo mu sawo yono siyidahile kwitumbilwa, langa wamwitumbilaje Mulungu, mono ko wuswanu wakwe, kacipela i vinhu vyose civisangalalile.

2 Timoteyo 4:10

Hambi Dema nha yandeka, mwene yenda ze yinze ya lulu, yakabita ku Tesalonike. Kileseke nayo yabita ku Galatiya, na Tito yabita ku Dalumatiya.

2 Petelo 1:8

Na kolo mukuwa no winji wa zizi zose, zomunozenyi muwe muli wetumi, no kutuga cambuzi mu wumumanya Mutwa wetu Yesu Kilisito.

Yuda 1:12

Na ku so mazozo gawo gono gasina cogopo, i wanhu wawo waweza manamha mabi mu wihangulize wenyu mu ndigwa yo Muwaha, wakuwa kwiyilanga weneco du, kanyhi wenha i mavunde gono gasina malenga, gono gakupemheluswa ne mbeho no kutegulwa ako na ako. I wene wenha mibici yono si yilelaga mana hamba yiwe co cipango cayo co kulela, wenha kotya i mibici yono mikulwe ne milela yayo, wafwiliye lukulu.