Maluko 3:5 - Luganuzi Luswanu Kuli Wanhu Wose 2002

⁵ Baho u mwene Yesu yakawalanga wose kwe 'kuwo, akuno yakukalala ku soko yo wukamu we zinhumbula zawo. Hanyuma yakamulonjela umunhu yuyo, yakutya, “Golola muwoko wako!” Nayo yakawugolola u muwoko wakwe, nawo wukawa wapona kanyhi.

I CILAGANE CIPYA 1991

⁵ Baho u mwene Yesu yakawalanga wose kwe kuwo, akuno yakukalala ku soko yo wukamu we zinhumbula zawo. Hanyuma yakamulonjela umunhu yuyo, yakutya, “Golola muwoko wako!” Nayo yakawugolola u muwoko wakwe, nawo wukawa wapona kanyhi.

Maluko 3:5 ပူးပေါင်းရင်းမြစ်များ

Mwamulizo 6:6

u Mulungu yakakalala muno muno so kumuwumba u munhu mono'nze. U Muwaha Mulungu yakakalala muno muno mu nhumbula yakwe.

1 Watemi 13:6

U mutemi Yelobowamu yakamulonjela muwizi, yakatya, “Dedede wunombele kuli Muwaha Mulungu, u Mulungu wako, yamhonye muwoko wangu!” Nayo muwizi yakawa kumulomba Muwaha Mulungu, no muwoko wo mutemi wukawa kunoga.

Nehemiya 13:8

Nghakalala muno, nghawa kuvigumilanga kunze vyombologoto vyose vya Tobiya.

Zabuli 95:10

Na mu myaka makumi mane, hamba si nendezwa nawo, nghawa kutya, ‘Mbeka wanhu awa, wo wanhu wono wajiliye! Hamba si wakuwusacila lukulu no wutonji wangu!’

Matayo 12:13

Hobaho yakawa kumulonjela u munhu yuyulya wo muwoko wono wudejepe, yakamutya, “Wugolole u muwoko wako.” Nayo yakawugolola, nawo wukawa muswanu telele nha vyono winha u muwoko muyagwe.

Maluko 3:4

Ale yakawawuza, yakutya, “Wulenyi ti, yili ling'ani mwizuwa lye Sabato kwituma viswanu hamba kwituma vibi? Kuponya wumi hamba kuwulaga?” Ninga iwene hamba siwalonga cinji yaye.

Luka 13:15

Ninga Muwaha yakamupitula, yakatya, “Nye mo wakoci, ma, muli nyenye, moyuli yunji mono si katulusaga ng'ombe yakwe hamba ndogowe yakwe, no kuzing'wesa mwizuwa lye sabato?

Luka 17:14

Yaza kuwawona, yakawatya, “Bitenyi mukelajile kuli wakohani.” Kukawa lono wabitaga, wakawa kwezwa.

Luka 6:10

Yaza kuwalanga wawalya wose wono wali wali baho, yakamutya yuyulya munhu, “Golola muwoko wako.” Nayo yakawugolola; no muwoko wakwe wukawa kunoga.

Yohana 9:7

no kumutya, “Wubite wukezuguze mu cilamba ca Silowami.” (nhunizo ye litagwa lili, wo wutya “Mutumwe.”) Nayo u mubofu yakabita, yakezuguza, yakawuya yakuwona.

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu wono si Wayahudi wamuziza u Mulungu.

2 Wakolinto 3:14

Ninga i mahala gawo gakamufywa. Sunga na lulu, lono cikusomwa i citabu ce Cilagane Cigwana, i cicitizo cico nha cikali cili baho du. Ne cicitizo cico cosuma kuwuswa du, lono munhu yakondya kwilunza na Kilisito.

Waefeso 4:18

ne mahala gawo gali mu wutitu. Wali kutali no wumi wo Mulungu, ku soko yo wulele wono wuli muli wene so cibede cawo.

Waefeso 4:26

Na hono muwe mukoligwe ne likuwo, mulece kulumba ilikuwo lyenyu limutegulenyi ku wituma wubi, kanyhi mulece kwikala ne likuwo lyenyu sunga lizuwa liswa.

Waefeso 4:30

Mulece kumukalaza u Muhe Mono Yelile wo Mulungu, hambi yuyo u Muhe nha yo citanjilo co Mulungu kuli nyenye, vyono anye muli wanhu wakwe, kanyhi co cihomelezi vyono ilizuwa lyokuza lono u Mulungu kolomukombozenyi.

Wahebelaniya 3:10

Ku soko yiyo nane nghawakolelwa likuwo i wanhu wawa, nghawa kutya, “I mahweso ge wanhu wawa gajiliye, wakali si nazimanya zinzila zangu.”

Wahebelaniya 3:17

Kanyhi wa nani wono u Mulungu yawakolelwa likuwo mu myaka makumi mane kuko ku nyika?

Wahebelaniya 5:9

Nayo yaza kukwilanicizwa, yakawa wo mwamulizo wo wukombozi we cibitilila kuli wose wono wakumuhulika,

Wugubule 6:16

Wakawa kugalonjela matunda na gago mabwe mawaha muno muno wakutya, “Ale, cigwilenyi si, mucihundicize ha yuyo mono yekaye mwigoda lyo wutemi, kanyhi ho ciwe kutali ne likuwo lyo Mwana we ngholo!

Walamuzi 10:16

Hobaho wakayileka milungu yawo mijenzi, wakamuhemba Muwaha Mulungu. Nayo Muwaha Mulungu, yakawawonela lusungu, yakagazika muno mu mutima wakwe so wugazwe we Waisilayeli.

1 Samwili 20:34

Hodu, Yonazani yakawa kuwuka ha meza ye zindigwa, akuno yakoligwe ne likuwo, hamba si yalya cinji yaye, mwi'zuwa lilyo lye kejete lye Sikukuu ye ndawo yo mwezi. Hambi nha yamukalalilaga Dawudi, vyono Sogwe yamukoza cevu.