Maluko 3:10 - Luganuzi Luswanu Kuli Wanhu Wose 2002

¹⁰ Yali yawaponya wanhu wenji, ne watamwa wose wamumemelelaga ho wamupamize.

I CILAGANE CIPYA 1991

¹⁰ Yali yawaponya wanhu wenji, ne watamwa wose wamumemelelaga ho wamupamize.

Maluko 3:10 ပူးပေါင်းရင်းမြစ်များ

Mwamulizo 12:17

Ninga u Muwaha Mulungu, yakamugumilila Falawo wugazwe wuwaha muno muno we matamwa, u mwene hamonga ne wanhu wa mu nyumba yakwe wose, ku soko ya Salayi u mugolece wa Abulamu.

Wuwale 11:33

Na lono wali wakali watuga nyama nyinji zo kulya, Muwaha Mulungu yakawakolelwa muno yikuwo, yakawahuga muno no wutamwa we lihuhuji.

Matayo 12:15

Ninga Yesu yaza yimanya nghani yiyo, yakawuka i hanhu baho. Ne wanhu wenji wakamutyatya, nayo yakawaponya watamwa wose.

Matayo 14:14

Nayo yaza kutima kwi'sangha, yakawona i lipuga iwaha lye wanhu, baho yakawawonela lusungu, yakawaponya i watamwa wawo.

Matayo 14:36

nawo wakamulomba yawakombole watamwa, ho wapamize du hambe limhembo lye civwalo cakwe, nawo wose wono wamupamiza, wakapona.

Matayo 4:23

Yesu yapilimaga mose mu yisi ya Galilaya, yakwijiza mu matang'anilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Maluko 5:34

Nayo Yesu yakamutya, “Go muhinza, wihuwilo wako wukuponya. Wubite wupolile, no wutamwa wako wuponele lukulu.”

Maluko 6:56

Na ko kose kono Yesu yabitaga, mu vikaya na mu makaya, hamba mu migunda, iwanhu wakawawika iwatamwa mu zisokoni, wakamunena wapamize hamba licindo lye civwalo cakwe du. Nawo wose wono wamupamiza, wakapona.

Maluko 8:22

Yesu yakafika ku Betesayida hamonga ne wejizwa wakwe. Na kuko, wanhu wakamuletela munhu yunji we cibofu, wakamunena yamupamize.

Luka 5:3

Yesu yaza kwinjila mu ngalawa yimonga yono yali ya Simoni, yakamusaka Simoni yayitezeze mu malenga kutali hadodo no mwejelele we lilamba, yakekala mu ngalawa yakagejiza mapuga ge wanhu yekaye mu ngalawa.

Luka 6:19

Ne wanhu wose wasakaga wamupamize, hambi vilungo nha vyalawaga muli mwene, vikawaponya wose.

Luka 7:2

Kuko kwali na muwaha we wasilikale yigana, Mulumi, mono yali yena mwitumami wakwe mono yali yamwendile muno. Mwitumami yuyu yali yatamigwe yeza yali behi no kufwa.

Luka 7:21

Mu cipango cico, Yesu yakawaponya wenji mu zinhamwa, no wugazwe, ne macisi, ne wabofu wenji yakawapela wuwone.

Metumo ge Watumwa 5:15

Na ku soko yiyo, wanhu wawawikaga watamwa mu nzila, wawawikaga mu vitanda na mu zinyhingo, Petelo kolo yakupuluta, hamba muzizi wakwe du wuwaficile wanji wayawo.

Wahebelaniya 12:6

Hambi u Muwaha nha kamufundaga wo wose mono yamwendile kanyhi kawatowaga iwana wose wono yakuwabocela.”