Maluko 2:8 - Luganuzi Luswanu Kuli Wanhu Wose 2002

⁸ Ninga Yesu yakagamanya kamonga i mahweso gawo, yakawatya, “Alu socici mukwihwesa nhavivyo mu zinhumbula zenyu?

I CILAGANE CIPYA 1991

⁸ Ninga Yesu yakagamanya kamonga i mahweso gawo, yakawatya, “Alu socici mukwihwesa nha vivyo mu zinhumbula zenyu?

Maluko 2:8 ပူးပေါင်းရင်းမြစ်များ

1 Zinghomo 29:17

Nane manyile nha vyono agwe wukuwa kuzijela nhumbula, nagwe wukuwa kwendezwa ne wanhu wono wena nhumbula zono zikogopile gwegwe. Alu nane, ku soko ye cogopo cono nina naco kuli'gwe, holeka ndavya vinhu vivino vyose, so wendezwe wangu nene no mweneco. Kanyhi nghondya no kuyiwona ne nyemo yono yili muli wanhu wako wawa, wono wehangulize baha so vinhu vyono wakulavizye gwegwe.

Zabuli 139:2

Agwe wuzimanyile zose zono nitumaga, kanyhi wugamanyile sunga, ne mahweso gangu gose.

Zimbazi 15:26

Nayo Muwaha Mulungu, yagasulile mahweso ge wanhu wabi. Langa mwene kendezwaga ne zinghani za mu wendo.

Zimbazi 24:9

Ne lihweso lyo mulele, kwituma wubi du. Ne wanhu nawo, wamusulile munhu mono kekalaga yakubedegala wayagwe.

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Ezekiyeli 38:10

Ne zinghani zizi, zo Muwaha Mulungu yakumulonjela Gogu yakutya, “Ne mapango gago kolo gakondya kuza, agwe Gogu kolokwanza kwihwesa zo wuhile wubi du mu nhumbula yako.

Matayo 12:15

Ninga Yesu yaza yimanya nghani yiyo, yakawuka i hanhu baho. Ne wanhu wenji wakamutyatya, nayo yakawaponya watamwa wose.

Matayo 16:7

Ninga iwene wakawa kulongana weneco wose, wakutya, “Alo yakulonga nha vivyo vyono cisemwa kusoleleza ne mikate lo.”

Matayo 9:4

Nayo Yesu yakagamanya i mahweso gawo, yakawatya, “Alo so cici mukwihwesa zimbi mu zinhumbula zenyu?

Maluko 2:7

“Yadahile nhawule kulonga nha vivyo? Ayu yakumutovula Mulungu! Vyono hasina munhu mono kosuma kunenela wubi, langa u Mulungu mweneco du, yo yasumile kunenela wubi.”

Maluko 2:9

Alu yahayi imhelu muno, yo kumutya u munhu yuyu mono yadejepe, kunenelwa wubi wako, hamba yo kumutya, ‘Winuce, witwice citanda cako wubite?’

Maluko 7:21

Hambi mugati, mu zinhumbula ze wanhu nha mo galawaga mahweso mabi, gono gakuleta wusenyha, wuhizi, wuwulaji,

Luka 24:38

Ninga mwene yakawatya, “So cici mwina woga, na so cici mwina mahwele mu zinhumbula zenyu?

Luka 5:22

Ninga Yesu yakawatanga mahweso gawo, yakapitula yakawatya, “Alo mukwihwesa cici mu zinhumbula zenyu?”

Luka 6:8

Ninga Yesu yakawamanya i mahweso gawo, yakamutya u munhu wo muwoko wono wudejepe “Winuce, wime haciligati.”

Yohana 21:17

Lwe kadatu kanyhi yakamutya, “Ati Simoni go mwana wa Yohana, wunyendile ane 'mbi?” Nayo Petelo yakakalala vyono Yesu yamuwuzize kadatu yakutya, “Wunyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

Yohana 6:64

Ninga hamba nhavivyo ho wali wanji wa muli nyenye wono si wehuwiye.” (Yesu yalonga nhavivyo, hambi nha yali yamanyile kulawa mwamulizo, vyono wa nani wono si wehuwiye, na kanyhi nani mono komugaluka.)

Metumo ge Watumwa 5:3

Ninga Petelo yakamuwuza yakutya, “Ati, Ananiya, alo so cici Setani yakumemizye nhumbula yako, ho wumukoce u Muhe Mono Yelile, ho wukacepule nusu ye zipesa zono wawuguza mugunda?

Metumo ge Watumwa 8:22

Ale wunene wubi wako wuwu, wumulombe Muwaha, na lunji konenelwa lihweso lya mu nhumbula yako.

Wahebelaniya 4:13

Kanyhi hasina hamba ciwumbwa co cose cono cihundice hali Mulungu, ninga vyose vili calinze ha meso gakwe. Na ase wose cololonga hali mwene ze metumo getu munhu na lwakwe.

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono, yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.’