Maluko 2:26 - Luganuzi Luswanu Kuli Wanhu Wose 2002

²⁶ mwene yenjila mu Nyumba yo Mulungu mu vilo vyono Abiyazali yali mukohani muwaha, yakalya i mikate yono yali cilavywa kuli Mulungu. Yono Iwakohani wali wene du wo wali wakomboywe kulya i mikate yiyo. Ninga hamba nhavivyo, Dawudi yakayilya, kanyhi yakawapela ne wayagwe nawo wakalya.”

I CILAGANE CIPYA 1991

²⁶ U mwene yenjila mu Nyumba yo Mulungu mu vilo vyono Abiyazali yali mukohani muwaha, yakalya i mikate yono yali cilavywa kuli Mulungu. Yono Iwakohani wali wene du wo wali wakomboywe kulya i mikate yiyo. Ninga hamba nha vivyo, Dawudi yakayilya, kanyhi yakawapela ne wayagwe nawo wakatya.”

Maluko 2:26 ပူးပေါင်းရင်းမြစ်များ

2 Samwili 15:24

Nayo Zadoki u mukohani yali yali hamonga nawo, ne walawi wakawa walidinghuye Lisanduku lye Cilagane. Wakalisimya Lisanduku lye Cilagane hasi, wakalindila sunga wanhu wose wakawuka mwi kaya. U mukohani Abiyatali, nayo yali yali hamonga nawo.

2 Samwili 15:29

Hobaho Zadoki hamonga na Abiyatali, wakalindinghula Lisanduku lyo Mulungu lye Cilagane, wakalinjiza mu Yelusalemi, nawo wakekala kuko.

2 Samwili 15:35

Nawo Zadoki hamonga na Abiyatali i wakohani wowa wali kuko. Nagwe weze kuwalonjela zose zono kowa kuzihulika zikulongwa mumo mwi'kulu.

2 Samwili 20:25

Sheva yali yo mwandici, Zadoki na Abiyatali, wali wo wakohani.

2 Samwili 8:17

Nayo Zadoki u mwana wa Ahitubu, hamonga na Ahimeleki u mwana wa Abiyatali, awa wakawa wo wakohani. Nayo Selaya yakawa yo mwandici we libalaza.

1 Watemi 1:7

Adoniya yakalongana na Yowabu (mu nghalo nyina Zeluya) hamonga na Abiyatali u mukohani, nawo wakavumila kumutaziliza mu nghani yakwe yiyo.

1 Watemi 2:22

Nayo mutemi yakamupitula yakatya, “Alu yaya, nhawule wukunyitya nimukombole Adoniya yamutole Abishagu. Ane nghuwona hanyuma konyitya nimukombolele no wutemi nhavivilya. Hamba nhavivyo, mwene Adoniya yo muwaha wangu. Abiyatali u mukohani hamonga na Yowabu wose wali ku lubavu lwakwe!”

1 Watemi 4:4

Benaya u mwana wa Yehoyada, yali yo muwaha we wasilikale wo wulugu. Zadoki na Abiyatali wali wo wakohani

1 Zinghomo 24:6

Ne wana wa Eleyezali ne wana wa Itamali, wo watowelwa kula. Hanyuma ho wakawa kwandikwa na Shemaya Mulawi u mwandici, u mwana wa Netaneli. No mutemi Dawudi yali yali baho, hamonga ne wetumami wakwe, Zadoki mukohani, na Ahimeleki u mwana wa Abiyatali, hamonga ne walongola wose we zimhuga ze cikohani, hamonga ne zimhuga ze Walawi, wose wawo, wali wali baho wakuzihomelela zizo.

Matayo 12:4

U mwene Dawudi, yenjila mu Nyumba yo Mulungu hamonga ne wayagwe, wakawa kulya i mikate yiyilya yono yali yiwicigwe hali Mulungu. U mwene, hamba wawo i wayagwe, si wali wakomboywe kuyilya i mikate yiyo, langa i wakohani du wali wene.

Maluko 2:25

Nayo Yesu yakawatya, “Alu mukali nasoma yaye, vyono yetuma Dawudi mwipango lono yali yadabuka? U mwene hamonga ne wayagwe wono yali yena nawo,

1 Samwili 21:1

Dawudi yakawa kubita kuli mukohani Ahimeleki ku Nobu. Yali yeza kufika, Ahimeleki yakalawila kunze akuno yakucicima muno ho yamuhinjilize. Ahimeleki yakamuwuza Dawudi yakatya, “Alu nhawule kuza wuli wene?”

1 Samwili 23:6

Nayo Abiyatali u mwana wa Ahimeleki lono yeponezya no kwilunza na Dawudi kuko ku Keyila, yasoleleza hamonga ne efodi yakabita nayo.

1 Samwili 23:9

Ninga nayo Dawudi yali yeza kuzihulika zizi, nha vyono Sawuli yakuhila yamudindanize, yamuhome, hodu yakawa kumulonjela mukohani Abiyatali yakamutya, “Ale, wulete ahano efodi.”