Maluko 2:20 - Luganuzi Luswanu Kuli Wanhu Wose 2002

²⁰ Ninga lyolofika i lizuwa lono bwana halusi kolosolwa muli wene, baho langa ho wololeka kulya ndigwa.

I CILAGANE CIPYA 1991

²⁰ Ninga lyolofika i lizuwa lono bwana halusi kolosolwa muli wene, baho langa ho wuloleka kulya ndigwa.

Maluko 2:20 ပူးပေါင်းရင်းမြစ်များ

Zabuli 45:11

Lanje ta wuswanu wako vyono wukumwendeza mutemi, mwene yo mulume wako, holeka yikunojeye wumuhulice.

Lwimbo Luswanu muno 3:11

Nye nyo wacekulu wa mu Sayuni, muze ta, mumuwone mutemi Solomona. Mwene yavwalile mukumbo, wono nyina yamuvwika mu mutwe wakwe, mwi'zuwa lye halusi yakwe. Mwi'zuwa lyakwe lye nyemo no wusangalale.

Isaya 54:5

Hambi u muwumbi wako, nha yo mulume wako, ne litagwa lyakwe yakucemwa Muwaha Mulungu we mihanga. U Muwaha Mulungu mono yelile wa Isilayeli yo kolokuponya, hambi mwene nha yo mutemi we yinze yose.

Isaya 62:5

Kokwihwana nho muzelelo mono yakumusola muhinza mono si yamanyile walume, yawe bibi halusi wakwe. Holeka nagwe, yuyo mono yakuwumba, yuyo yo mono kokutola agwe. Kanyhi nha vyono bwana halusi kendezwaga na bibi halusi wakwe, Ale nhavivyo no Mulungu wako nayo vyo kokwendezwa nagwe.

Zakaliya 13:7

U Muwaha Mulungu we mihanga yakutya, “Winuce 'gwe go mumaje, wumuhungucile mudimi wangu, mono yakunyitumamila. Wumuwulagaje, ne zingholo zokwiyagala, Nane nowatowanga wanhu wangu.

Matayo 26:31

Hanyuma Yesu yakawatya, “Icilo cici ce zuwalili, anye wose motiza mondeka nili wene, hambi i Mandiko Gono Gelile nha gakutya, ‘Nomutowa u mudimi, Nazo izingholo zokwiyagala.’

Matayo 9:15

Yesu yakawapitula yakatya, “Alu mukwihwesa wono walalikwe ku halusi wosuma kulila, lono bwana halusi yakali yali hamonga nawo 'mbi? Aa, ng'o, langa icipango cofika cono bwana halusi kowuswa hali wene, ale mu cipango cico langa, ho woleka kulya.

Maluko 2:19

Nayo Yesu yakawatya, “Alu wono walalikwe ku halusi, wolecelaci kulya ndigwa hono bwana halusi yakali hamonga nawo? Na mu mapango gose lono wakali hamonga na bwana halusi, siwosuma kuleka kulya ndigwa.

Maluko 2:21

“Hasina munhu mono katemaga cilaka mu mwenda mupya, no kucihoneleza mu civwalo cihuma. Na hono yanoze nhavivyo, icilaka cico cipya, cototoloka mu civwalo cihuma, no wudemuce wayo wokwatilila hawaha.

Luka 17:22

Hanyuma yakawatya wejizwa wakwe, vyolokuza vilo, lono molohila kuwona lizuwa limonga, lya mu vilo vyo Mwana wo Munhu, hamba si mololiwona.

Luka 5:35

Ninga vilo vyolokuza; kolo wasolelwa bwana halusi, ho wololecela kulya mu vilo vivyo.”

Yohana 12:8

Hambi i waciwa nha mowa mwina nawo nhondo zose. Ninga ane si mowa nane nhondo zose.”

Yohana 13:33

“Wanangu, cowezana nanye hadodo vivi du. Monondola, Ninga nalu nghumulonjelenyi nha vyono nawalonjela iwalongola we Wayahudi, ‘Ane kono nghubita, anye si mosuma kuza.’

Yohana 16:28

Nalawilila kuli Mulungu, nghaza kononze, alu nghuyileka kanyhi yinze, nghubita kuli Baba.”

Yohana 16:7

Ninga nghumulonjelenyi mbeka, vyono, ho vyowa viswanu kuli nyenye hono mbite, ku soko ane hono ndece kubita, u Mutazi si komuzizenyi yaye. Ninga hono mbite, ale, nomutuma kuli nyenye.

Yohana 17:11

Nane nghuza kwako luno, si nili mono yinze kanyhi. Ninga iwene wali mononze. Baba Mono Welile, wuwakamisizaje mwitagwa lyako lyono wamhela, nghukunena wuwakamisaje, ho wawe nha yumonga, nha vyono ase nase cili yumonga.

Yohana 17:13

Alu ninga nghuza kwako, na zizi nghulonjela mononze, ho wasume kuhanga mu nyemo yangu, mu wukwilanicile.

Yohana 3:29

Bibi halusi yo wa bwana halusi, ninga mwendece wa bwana halusi, mono yemile yakuhuliciza, yakuwa na nyemo mbaha muno muno, lono yakumuhulika bwana halusi yakulonga. Ne nyemo yangu vyo yifisilizwe.

Metumo ge Watumwa 1:9

Nayo yaza kondya kulonga zizi; nawo lono wamulangaga, yakanyasulilwa ku wulanga, livunde likamugubiciza ha meso gawo, hamba kumuwona kanyhi.

Metumo ge Watumwa 14:23

Wakawahagula wanyamhala kulawa mu makanisa gose, ho walidime i Likanisa. Nawo waza kuwa walomba no kuleka kulya, wakawawika kuli Muwaha mono wamwihuwila.

Metumo ge Watumwa 3:21

U Mwene si koleka kwikala ku wulanga sunga kolo lyafika lipango lyo kunozwa wupya vinhu vyose, nha vyono Mulungu yalonjile muli wawizi wakwe wono welile wo wulawa katali.

1 Wakolinto 7:5

Mulece kwiyima kuli yono munojeye, langa hono muwe mulagane kunoza nhavivyo kwa cidaha du, ho mwiwuyile kanyhi lwa kamonga, ho Setani yalece kumuletelenyi majelo ku soko yo wusocele wenyu.

2 Wakolinto 11:2

Ane nha nghumuwonelenyi wivu, ninga wivu wa kuli Mulungu, hambi anye nha mwihwanile u muhinza musindile mono nimubanyiye u mulume monga du, nayo yo Kilisito.

2 Wakolinto 11:27

Netuma mulimo hamonga ne magayo, nekala meso hamba kugona cilo cose kali kenji, nghadabuka no kuwona nyhilu. Nghaleka kulya, nghekala mu mbeho nghali, akuno sina myenda.

2 Wakolinto 6:5

Cikatowangwa, cikatajilwa mu jela, no kuhowelezwa cagalanze, cetuma mulimo kuciza sunga cikakatala, cikagona meso hamba kulya.

Wugubule 19:7

Ale cisecelele kanyhi cisangalale, cimukumye, hambi i cipango ce halusi yo Mwana we ngholo nha cafika, bibi halusi nayo nha yewikaniza yakondya.

Wugubule 21:9

Hanyuma, yunji wa muli wawalya wamalayika mupunghati, wono wali wena agalya mabakuli mupunghati, gono gali gamemile imagazo mupunghati go mudumo, yakanyiziza yakanyitya, “Nzoo kuno! Nane nokulajila bibi halusi, u mugolece wo Mwana we ngholo!”