Maluko 2:17 - Luganuzi Luswanu Kuli Wanhu Wose 2002

¹⁷ Yesu yaza kuwahulika, yakawatya, “Wono si watamigwe, siwasakaga muganga, langa wawalya du wono watamigwe. Sinizize niwaceme wono wali ling'ani, langa i wanyo wubi.”

I CILAGANE CIPYA 1991

¹⁷ Yesu yaza kuwahulika, yakawatya, “Wono si watamigwe, siwasakaga muganga, langa wawalya du wono watamigwe. Sinizize niwaceme wono wali lingʼani, langa i wanyo wubi.”

Maluko 2:17 ပူးပေါင်းရင်းမြစ်များ

Isaya 1:18

Alu Muwaha Mulungu yakutya nhavi, “Ale, muze cilongane cizimale. Vyono hamba masutya genyu gawe madunghu ninga ane nomukwemenyi muwe wazelu swee nha seluji. Hamba gawe madunghu kasu, gowa mazelu swee, nho wukunzeje we ngholo nzelu.

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Yelemiya 17:9

“Alo mwene, nani 'mbi mono kosuma kuyimanya nhumbula yo munhu? Hambi nhumbula yo munhu nha yo nghoci muno kuciza vinhu vyose, kanyhi yina wutamwa wono si wosuma kuponywa yaye.

Matayo 18:10

“Ale mwilanjililaje! Mulece kumubedegala yunji muyagwe ne wadodo wawa. Nghumulonjelenyi imbeka, vyono i wamalayika wawo kuko ku wulanga, wekalaga nhondo zose ha mwande yo Sogo yangu mono yali ku wulanga. [

Luka 15:10

Ale, nghumutyenyi, vyo wosangalala wamalayika wo Mulungu, ku soko yo munhu monga munyo wubi mono yakunena.”

Luka 15:29

Ninga mwene yapitula yakamutya sogwe, ‘Kumbucile baba, vyono myaka yiyi yose nghwitumamilaga, hamba nghali si nabeza malajilizo gako, ninga wumhelile cici? Wukali namhela hamba cipene cidodo vivi, ho noze nane sikukuu ne wendece wangu.

Luka 15:7

Ale, nghumutyenyi, kowa nyemo nhavivyo ku wulanga so munhu mubi monga mono yakunena, si nha awalya wanhu makumi cenda ne cenda wono wakiwona wali ling'ani wono si wakusaka kunena.

Luka 16:15

Nayo yakawatya, “Anye mwinozaga muli waswanu ha meso ge wanhu, ninga Mulungu yo yazimanyile zinhumbula zenyu, hambi cono cijelaga cina lukumyo hali wanhu, Mulungu yakuciwona nha takataka du.”

Luka 19:10

Hambi Mwana wo Munhu nha yaza kulondola no kuponya i wanhu wono wajiliye.”

Yohana 9:34

Nawo wakamupitula wakumutya, “Waco 'gwe, nha walelelwa mu wubi wose, alu ho kosuma nhawule kucijiza ase?” Hodu wakawa kumuwinjila kunze ye nhang'anilo yo Wuhembelo.

Yohana 9:40

Iwafalisayo wanji wono wali hamonga nayo, wazihulika zinghani zizi, nawo wakamuwuza wakutya, “Hambi nase cili wabofu?”

Metumo ge Watumwa 20:21

Nawahomelela wose, Wayahudi hamonga ne wanhu wono si Wayahudi, ho wamupitucile Mulungu no kumwihuwila Muwaha wetu Yesu.

Metumo ge Watumwa 26:20

Ninga nghamula kamonga kuwaganulila wanya Damesiki na wanya Yelusalemi na wa mu yisi yose ya Yudiya, kanyhi na kuli wanhu we Makungugo ganji. Nghawaswaswaniza wamupitucile Mulungu, kanyhi walajile mu metumo gawo, vyono wakondya kupituka mu zinhumbula zawo.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.