Maluko 16:11 - Luganuzi Luswanu Kuli Wanhu Wose 2002

¹¹ Ninga waza kuhulika vyono Yesu nha mumi, na vyono Malyamu Magadalena kamuwona, hamba siwehuwila yaye.

I CILAGANE CIPYA 1991

¹¹ Ninga waza kuhulika vyono Yesu nha mumi, na vyono Malyamu Magadalena kamuwona, hamba siwehuwila yaye.

Maluko 16:11 ပူးပေါင်းရင်းမြစ်များ

Jobu 9:16

Hamba mhali yandece nongane nayo, si nihuwiye vyono yali yasume kuhuliciza.

Wutuluce 6:9

Nayo Musa yakawa kubita kuwalonjela zizi zose Waisilayeli, ninga wene hamba si wamuhulika yaye, vyono zinhumbula zawo zali zakondya kutulilwa no wusungu ku soko yo wuwanda wawo muzito.

Matayo 28:17

Nawo waza kumuwona, wakamuhemba, hamba yiwe wanji muli wene, wali wena mahwele.

Maluko 9:19

Nayo Yesu yakapitula, yakutya, “Nye nyo lulelo lono lusina wihuwilo! Alu cokwikalana nanye sunga nili? Alu nomukangalilenyi sunga nili? Ale ta, mundetelaje yuyo muzelelo.”

Luka 24:11

Nawo i watumwa wakaziwona nghani zizi kotya nha nzwaji du, holeka si wehuwila.

Luka 24:41

Na lono wali wakali si wakwihuwila so nyemo no wizine, Yakawatya “Mwina cinji co kulya baha?”

Yohana 20:25

Holeka iwejizwa wayagwe wakamulonjela wakatya, “Cimuwona Muwaha.” Ninga Tomaso yakawatya, “Hono ndece kuziwona zinghomele ze misumali mu maganza ge miwoko yakwe, no kucitajila icidole cangu mu zinghomele zizo, no kuwutajila umuwoko wangu ha lubavu lwakwe, si nosuma kwihuwila.”