Maluko 15:34 - Luganuzi Luswanu Kuli Wanhu Wose 2002

³⁴ Na mu saa tisa ya mu misi, Yesu yakalila ne'zi iwaha yakutya, “Eloyi, Eloyi, lama Sabakatani.” Nhunizo yayo, “Gwe go Mulungu wangu, Gwe go Mulungu wangu, alu so cici wukundeka?”

I CILAGANE CIPYA 1991

³⁴ Na mu saa tisa ya mu misi, Yesu yakalila neʼzi iwaha yakutya, “Eloyi, Eloyi, lama Sabakatani.” Nhunizo yayo, “Gwe go Mulungu wangu, Gwe go Mulungu wangu, alu so cici wukundeka?”

Maluko 15:34 ပူးပေါင်းရင်းမြစ်များ

Zabuli 22:1

Mulungu wangu, Mulungu wangu! So cici wukundeka? Nhawule wuli kutali ku wunhaze, wuli kutali ne zinghani ze cililo cangu?

Zabuli 27:9

Wulece kwihundika hali'ne. Hamba wulece kunemela mwi'kuwo ane no mwitumami wako, agwe nhondo zose, yo gwegwe mono wuli mutazi wangu holeka wulece kunhaga, hamba kundeka gwe go Muwaha Mulungu go Muponyi wangu.

Zabuli 42:9

Nane nghumulonjela Mulungu, umudimi wangu nghutya, “Alo nhawule wukusemwa? Alu nha vyo nili mu wukalale du, ku soko yo wubanwe ne walugu?”

Zabuli 71:11

wakutya, “Ale, Mulungu yamuleka, holeka mutyatyenyi mukamwibate, hambi lu nha hasina kanyhi wo kumuponya!”

Isaya 41:17

“Na kolo wanhu wangu wakulondola malenga, lono malaka gawo ganyala so nyhilu ye malenga, ane Muwaha Mulungu nowapitula wulombe wawo. Ane no Muwaha Mulungu wa Isilayeli sinowaleka yaye.

I Cililo 1:12

“Alu Yelusalemi yikumulilila munhu wo wose mono yakupuluta, yikutya, ‘Ta muwone! Hasina hamba yunji mono yatuga magayo mawaha gono genha gaga nha vyono ane ninha.’ Magayo gono Muwaha Mulungu yamheleye mwi'kuwo lyakwe.

I Cililo 5:20

Alu nha wacileka sunga vilo vyeza vinji muno? Alo hamba si kocikumbucila kanyhi ng'o?

Danyeli 9:21

Na lono nali nghali njendeleye mu wulombe wangu, hodu yu yulya Gabuliyeli mono namuwona mu wugubulilwe wangu wulongozi, yakawa kuza yaguluce, yakatima hono nali nimile. Ne madaha gago, gali go madaha go kulavya vilavywa vye makumbiko ge cinyamihe.

Matayo 27:45

Na mu wulawa mu saa sita mu misi, sunga mu saa tisa, yisi yose yikawa mu wutitu.

Matayo 27:46

Na mu saa tisa, Yesu yakalila ne lizi yiwaha, yakatya, “Eli, Eli, lamasabakatani?” Inhunizo yayo, wo wutya, “Mulungu wangu, Mulungu wangu, so cici wukundeka?”

Maluko 15:25

Nayo yali saa tatu hakali mitondo ilipango lono wamutumbicila mu musalaba.

Maluko 15:35

Na wanji wa muli wanhu wono wali wemile bahalya wali weza kuhulika nhavivyo, wakatya “Hulicizenyi! Yakumucema Eliya.”

Luka 23:44

Yikawa nha saa sita ye misi, lizuwa likatukuwala, citi cikadinda mu yisi yose, sunga saa tisa,

Luka 23:46

Yesu yakalila ne lizi yiwaha yakatya, “Baba, nghuwika muhe wangu mu Miwoko yako.” Yaza kukondya kulonga zizi, hodu yakawa kufwa.

Metumo ge Watumwa 10:3

Yali nha saa tisa ne misi, yakawona ciwonelela mu wugubulilwe, Malayika wo Mulungu yakwinjila mugati no kumutya, “Kolineliyo.”

Wahebelaniya 5:7

Nayo Yesu lono yekalaga baha mono yinze, yakalila muno muno ne mahozi, lono yamuhembaga no kumulomba u Mulungu, mono yali yena vilungo vyo kumuponezya mwifwa, nayo yahulicizwa ku soko yali yamogopile u Mulungu.