Maluko 15:32 - Luganuzi Luswanu Kuli Wanhu Wose 2002

³² Ati mwene yo Kilisito, u Mutemi wa Isilayeli! Ale, lu ta, yatime mu musalaba ho ciwone no kwihuwila.” Sunga ne wanhu wawalya wono watumbikwa mu musalaba hamonga nayo, nawo wakamutovula.

I CILAGANE CIPYA 1991

³² Ati mwene yo Kilisito, u Mutemi wa Isilayeli! Ale, lu ta, yatime mu musalaba ho ciwone no kwihuwila.” Sunga ne wanhu wawalya wono watumbikwa mu musalaba hamonga nayo, nawo wakamutovula.

Maluko 15:32 ပူးပေါင်းရင်းမြစ်များ

Isaya 44:6

Nayo Muwaha Mulungu mono yatemile, kanyhi mono kawadimaga Waisilayeli u Muwaha Mulungu we mihanga, yakutya nhavi, “Ane yo nene mulongozi, na wo mundumo, ane mono nili Mulungu nili wene, na hasina kanyhi mulungu yunji langa nene du.

Zefaniya 3:15

Muwaha Mulungu kakondya kuwudumya u wuling'anizwe wako, kanyhi kakondya kuwawusa ne walugu wako wose. U Muwaha Mulungu, u Mutemi wa Isilayeli, yali hamonga nanye. Holeka kusina soko kanyhi yono yoleka muwe no woga.

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

Matayo 1:17

Ale, kwali na ndelo yikumi na yine, ku wulawilila ha Abulahamu sunga ha Dawudi, na kanyhi ndelo yikumi na yine, ku wulawila ha Dawudi sunga lono i Wayahudi wahamizizwa no kutegulwa ku Babiloni, na kanyhi ndelo yikumi na yine ku wulawilila baho lono i Wayahudi wasolelwa mateka no kutegulwa ku Babiloni sunga mu vilo vya Kilisito.

Matayo 27:42

“He! Yawaponyaga wanji ninga alu kuwiponya mweneco, hamba si yakusuma yaye! Ati u mwene yo mutemi we Wayahudi! Heya, yatime le, mu musalaba, nase ho cimwihuwile.

Matayo 27:44

Sunga na awalya wono wali watumbikanwe hamonga nayo, wakamuliganga.

Maluko 15:26

No wusonjezwe wakwe wali wandikwe hacanyha yo musalaba, nhavi, “U mutemi we Wayahudi.”

Maluko 15:27

Ne wahizi wejete nawo wakatumbikanwa hamonga na Yesu. Yunji ku lubavu lwakwe lo kulume no muyagwe ku lubavu lwakwe lo kucekulu. [

Yohana 1:49

Hobaho Nataneli yakamutya, “Mwijizi, yo gwegwe Mwana wo Mulungu, yo gwegwe Mutemi wa Isilayeli.”

Yohana 12:13

ale, wakasola i manhambi ge mitende, wakalawila, wakabita kumuhinjiliza, wakazoza wakutya, “U Mulungu yalumbwe! Mumoti mono yakuziza mwitagwa lyo Muwaha. Mumoti mutemi wa Isilayeli.”

Walumi 3:3

Ninga ho yowa wule hono wanji wayawo si wali wehuwilwa? Hambi inghani yiyo yowuwusa u wihuwilwa wo Mulungu?

2 Timoteyo 2:18

Awo wajilila, kanyhi wali kutali ne mbeka, kanyhi wakuwatajila wanji mu wukangamyanje mu wihuwilo wawo, vyono ti, u wuzuce wetu wakondya kupuluta.