Maluko 14:6 - Luganuzi Luswanu Kuli Wanhu Wose 2002

⁶ Ninga Yesu yakawatya, “Mulecenyi, alu nhawule mukumugaza? Kanyitumila mulimo muswanu.

I CILAGANE CIPYA 1991

⁶ Ninga Yesu yakawatya, “Mulecenyi, alu nhawule mukumugaza? Kanyitumila mulimo muswanu.

Maluko 14:6 ပူးပေါင်းရင်းမြစ်များ

Isaya 54:17

“Ninga hamba nhavivyo, howa hasina citwalo co cose cono cosuma kukutamisa yaye. Nagwe kowa wina yo kumupitula munhu wo wose mono yakukusitaka. Ane nowadima wetumami wangu nowapela no wusume.” Vyo yakutya Muwaha Mulungu.

Matayo 26:10

Yesu yakagamanya i mahweso gawo, holeka yakawatya, “Alu nhawule mukumugaza u mucekulu yuyu? Mwene kanyitumamila mulimo muswanu muno muno.

Maluko 14:5

Hambi nha gali gaguzwe pesa zono zificile dinali magana madatu, ho wapegwe waciwa!” Hodu wakamutacila u mucekulu yuyo.

Maluko 14:7

Hambi iwaciwa nha muwezanaga nawo nhondo zose, holeka mosuma kuwataza mwipango lyo lyose lyono mwendile. Ninga ane, si mosuma kuwezana nane nhondo zose.

Metumo ge Watumwa 9:36

Kwali na mwijizwa yunji we cicekulu kuko ku Yopa, litagwa lyakwe yacemwaga Tabita, mu Cigiliki Dolika, nhunizo yayo “Nzimba.” Mucekulu yuyo yali yamemile metumo maswanu, nayo yawatazaga iwaciwa vilo vyose.

2 Wakolinto 10:18

Nayo mono yakuvumilwa, si yulya mono yakwiyikumya mweneco ng'o, langa yo yulya muno Muwaha yakumukumya.

2 Wakolinto 9:8

U Mulungu kosuma kumupelenyi kuciza vyono mukuhila, ho muwe muvikwizize vyose mu visakwa vyenyu, ho mucile kuwa watazi mu milimo yose miswanu,

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wu mumanya u Mulungu.

2 Watesalonike 2:17

yazituzaje zinhumbula zenyu kanyhi yamusikamyenyi ho musume kwituma no kulonga ziswanu nhondo zose.

1 Timoteyo 5:10

yeze mono yena lilumbo yiswanu, umucekulu mono yawawiluse wanagwe viswanu, mono yawabocela wajenzi mukaya yakwe, mono yawazuguza magulu iwanhu wo Mulungu, yawataza wanhu mu wugaye wawo, kanyhi yelavya ku wituma metumo maswanu.

1 Timoteyo 6:18

Wuwalonjelaje wetume viswanu, wawe wagoli mu metumo maswanu, kanyhi wawe wacemezi, wono wewikanize mu wuhanga ne wanji zisawo zawo.

2 Timoteyo 2:21

Holeka hono munhu yeyeze ko kwilega ne makani gago gose go wavu, yuyo yo kowa co ciya ce vitumamilwa vye siya, vyono yakondya kuwikwa siya, nayo yuyo yakumunojezo Muwaha wakwe, nayo kanyhi yakuwa yewikanizize lukulu so mulimo wo wose muswanu.

2 Timoteyo 3:17

u munhu mono yakumwitumamilo Mulungu ho yawe yakwilaniciye, kanyhi yakondelezezwe lukulu ku wituma i milimo miswanu yose.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Tito 2:7

Yikunojeye gwegwe go mweneco weze wina musambo we metumo maswanu. Weze wuli mutuvu, ne mafundo gako geze gena wuzito.

Tito 3:14

Yiwanojeye wanhu wetu weyijize vyono yiwanojeye kuvitumila vidaha vyawo mu wituma ziswanu, ho wawataze wono wena wanjile we mbeka, ne mikalile yawo nayo yeze mikalile yono yinojeye.

Tito 3:8

Ne nghani yiyi ya mbeka. Nghukulomba wuzilongaje wusimbiliye zinghani zi zino, ho wawalya wono wamwihuwiye u Mulungu wawe no wuhile wo kucitumamila cilejeho cawo mu wituma ziswanu, zono swanu na zono zina cambuzi kuli wanhu.

Wahebelaniya 10:24

Kanyhi cihindaje mu wikombaniza sese wose munhu na muyagwe, akuno cikwiyoha kwiyikwejenhela ku wendo no wituma ziswanu.

Wahebelaniya 13:21

U Mulungu wo mulamu, yamukwilanicizenyi mu ziswanu zose, ho mwitume wuhile wakwe; nayo yetume muli sese, zono zikumwendeza mweneco mu nzila ya Kilisito. Kuli mwene, weze lukumyo cibitilila ne cibitilila. Heya.

1 Petelo 2:12

I mijendele yenyu muli wanhu wono siwamumanyile Mulungu, yinojeye yiwe miswanu muno muno, na kolo wakumuvilenyi nha muli wetuma vibi, wasume kugawona i metumo genyu maswanu, ho wamulumbile Mulungu mwizuwa lyo wuze wakwe.