Maluko 14:41 - Luganuzi Luswanu Kuli Wanhu Wose 2002

⁴¹ Nayo yali yeza kuwaziza lwe kadatu yakawatya, “Alu mukali mugonile mucehile? Ninga alu hodu zakwila! Icipango nha cakondya kuza! U Mwana wo Munhu yakukombolwa kuli wanhu wabi.

I CILAGANE CIPYA 1991

⁴¹ Nayo yali yeza kuwaziza lwe kadatu yakawatya, “Alu mukali mugonile mucehile? Ninga alu hodu zakwila! icipango nha cakondya kuza! U Mwana wo Munhu yakukombolwa kuli wanhu wabi.

Maluko 14:41 ပူးပေါင်းရင်းမြစ်များ

1 Watemi 18:27

Na lulo yali misi mugati. Nayo Eliya yakaseka yakutya, “Ale, mumuceme muno muno! Mwene nha yo mulungu! Na lunji yali mu ndoto za misi, hamba lunji yacehile, lunji kabita muhinzo, lunji yagonile, holeka mumusinhusaje!”

1 Watemi 22:15

Nayo Mikaya yali yeza kufika hali mutemi Ahabu, mutemi Ahabu yakamuwuza yakutya, “Ati Mikaya mutemi Yehoshafati hamonga nane cosuma kubita cikayihome Lamoti, hamba ng'o?” Mikaya yakamutya, “Heya wubite nane nitumbiye vyono Muwaha Mulungu kokupela wusume.”

2 Watemi 3:13

Nayo Elisha yakamutya Yolamu u mutemi wa Isilayeli, “Wubite wukawawuze wawizi wono sogo Ahabu hamonga no nyina yako Yezebeli wawawuzaga.” Ninga Yolamu yakapitula yakatya, “Ng'o ye Elisha! Hambi Muwaha Mulungu nha kakondya kucitajila mu miwoko yo mutemi wa Mowabu.”

Muganuzi 11:9

Gwe go muzelelo wusangalalile wudodo wako, nhumbula yako yiwusangalalile wuzelelo wako, witume nghani yo yose yono wendile kwituma, wutyatye wuhile we nhumbula yako, ninga akuno wukumbucile vyono Mulungu kokuling'aniza, mu nghango ya zizo zose.

Ezekiyeli 20:39

Alu Muwaha Mulungu yakutya, “Nye nyo Waisilayeli, alu munoze nha vyono nyenye weneco mukuwona vyowa viswanu. Mosuma kubita mukavitumamile vihwani vyenyu hono mwende. Ninga nghumusugulenyi nha vyono, zizo zilaza kuwa zapuluta, baho langa ho molowa munojeye muhulice 'ne, no kuleka kulyavufya litagwa lyangu lyono lyelile, so wulavizya vilavywa i vihwani vyenyu.

Matayo 26:2

“Mumanyile vyono, vilawa vyeza kupuluta vilo vyejete cowa mwizuwa lye sikukuu ya Pasaka, no Mwana wo Munhu kolavywa ho yatumbikwe mu musalaba.”

Maluko 14:10

Ale, Yuda Musikaliyota, muyagwe na wawalya we likumi na wejete, yakabita kuli wakohani wawaha ho yamukombole Yesu kuli wene.

Maluko 14:18

Na lono walizaga zindigwa ha meza, Yesu yakatya, “Mbeka nghumulonjelenyi, muyenyu yunji mono cikulizana hamonga nane, kongaluka.”

Maluko 14:35

Yakatela ha mwande hadodo, yakagwa hasi, yakalomba vyono, hono yiwe yisumice, yalece kucagana cipango cico ce magazo.

Maluko 14:40

Ale, yakaza kanyhi kuli wejizwa wakwe, yakawagana wagonile. Nhondo hamba si wasuma bwete no kunugula ne meso gawo. Hamba siwamanya na yono wopitula.

Maluko 14:42

Ale, yinucenyi, cibite. Lanjenyi ta, ayo u munhu mono yakungaluka yaza!”

Maluko 7:9

Nayo Yesu yakajendelela kutya, “Anye nha mumanyile kwilega ko wusugu ililajilizo lyo Mulungu, ho muyityatye imyoto yenyu!

Maluko 9:31

kusoko yawejizaga iwejizwa wakwe. Yakawatya, “Umwana wo Munhu kolavywa kuli wanhu wono womuwulaga, ninga kolo yawulagwa, hanyuma ye vilo vidatu kozuka kanyhi.”

Yohana 12:23

Nayo Yesu yakawatya, “Icidaha co kukumizywa u Mwana wo Munhu, cakondya kufika!

Yohana 12:27

“Alu nhumbula yangu yikugazika, wule, alu noze cici? Hamba nitye, ‘Baba wulece kucikombola icidaha cici cificile?’ Ninga yo soko yono yaleka ane nghaza, ho nicikolele i cipango cici ce magazo.

Yohana 17:1

Yesu yaza kukondya kulonga zizo, yakagalamila kucanyha ku wulanga yakatya, “Baba icidaha cafika! Ale wumukumyaje mwanago, nayo mwanago ho yakukumye.”

Yohana 7:30

Baho wanhu wakasaka kumwibata, ninga hasina hamba munhu mono yejelela kumwibata, vyono cidaha cakwe cali cikali nafika.

Yohana 8:20

Yesu yazilonga zinghani zizi lono yejizaga mu Nyumba yo Mulungu, lono yali mu cinyumba cono cali wuwiko we cisanduku ce vilavya. Hamba munhu si yamwibata, hambi i cidaha cakwe nha cali cikali si nafika.

Metumo ge Watumwa 7:52

Wahayi muyagwe ne wawizi, mono si wamugaza iwakuku zenyu? Wakawawulaga awalya wono Mulungu yawatuma wawalonjele wanhu zo wuze wa Mono yali ling'ani, alu nanye mukamugaluka, no kumuwulaga.

Walamuzi 10:14

Langa mubite muyililile milungu yono mwayihagula, yiyo yo yomuponyenyi lone muli mu magazo.”