Maluko 14:2 - Luganuzi Luswanu Kuli Wanhu Wose 2002

² Ninga hamba nhavivyo wakatya, “Cilece kumwibata mwizuwa lye sikukuu, ho yilece kuwa wuma muli wanhu.”

I CILAGANE CIPYA 1991

² Ninga hamba nha vivyo wakatya, “Cilece kumwibata mwizuwa lye sikukuu, ho yilece kuwa wuma muli wanhu.”

Maluko 14:2 ပူးပေါင်းရင်းမြစ်များ

Zimbazi 19:21

Heya, i wanhu wosuma kwiwicila nghani nyinji zo kwituma. Ninga wuhile wo Muwaha Mulungu, wo wufisilizwaga du.

Zimbazi 21:30

I mahala go munhu, hamba lukumyo, hamba wizuce, si vyosuma kukutaza cinji, hono Muwaha Mulungu yo yalece kuwa hamonga nagwe.

I Cililo 3:27

Kanyhi yicinojeye ciyijize wukangalizi wuwu lono cikali wadodo.

Matayo 26:2

“Mumanyile vyono, vilawa vyeza kupuluta vilo vyejete cowa mwizuwa lye sikukuu ya Pasaka, no Mwana wo Munhu kolavywa ho yatumbikwe mu musalaba.”

Matayo 26:5

Ninga hamba nha vivyo, si wakasaka inghani yiyo ho yitumwe mwi'pango lye Sikukuu, ho halece kuwa wuma muli wanhu.

Maluko 11:18

Nawo Iwakohani wawaha ne wejizi wo Wulajilize, wali weza kuzihulika zizo, wakanza kulondola nzila yo kumongomezeza. Ninga hamba nhavivyo wamogopa, ku soko i lipuga lye wanhu likezina muno so mejizo gakwe.

Maluko 11:32

Na hono citye, ‘Walawa kuli wanhu!’ ” Wakogopa i lipuga lye wanhu, hambi wose nha wali wehuwiye vyono Yohana yali muwizi mbeka.

Maluko 14:1

Na lono vyali vikali vilo vyejete du, ho yiwe sikukuu ya Pasaka na ye mikate yono siyisasize. Iwakohani wawaha ne wejizi wo Wulajilize, walondolaga nzila yo kumwibata Yesu ko wusugu ho wamuwulaje.

Maluko 14:3

Nayo Yesu lono yali yali ku Betaniya, mu kaya ya Simoni Mukoma. Na lono yalizaga zindigwa ha meza, yakaza mucekulu yunji mono yali yena supa ye mafuta go wulenzi go wuguzi wukamu, yakayitula supa yiyi, yakamujidila Yesu mafuta gago mu mutwe wakwe.

Luka 20:6

Na hono citye, walawa kuli wanhu, wanhu wose wocitowanga ne mabwe, hambi wose nha wehuwiye vyono Yohana yali muwizi.”

Luka 22:1

Ale vikasejelela vilo vyo kulila mikate yono siyisasize, vyono vitezagwa vye Pasaka.

Yohana 12:19

Holeka Wafalisayo wakalongana weneco wose, wakutya, “Alu mwawona! Si cosuma kwituma nghani yo yose! Lanje, vyono we yinze wose wakumutyatya.”

Yohana 7:40

Wanji wa mwipuga lililya lye wanhu, wamuhulika yakulonga zinghani zizi, wakatya, “Mbeka munhu ayu yo muwizi.”