Maluko 14:10 - Luganuzi Luswanu Kuli Wanhu Wose 2002

¹⁰ Ale, Yuda Musikaliyota, muyagwe na wawalya we likumi na wejete, yakabita kuli wakohani wawaha ho yamukombole Yesu kuli wene.

I CILAGANE CIPYA 1991

¹⁰ Ale Yuda Musikaliyota, muyagwe na wawalya we likumi na wejete, yakabita kuli wakohani wawaha ho yamugaluce Yesu kuli wene.

Maluko 14:10 ပူးပေါင်းရင်းမြစ်များ

Zabuli 41:9

Sunga no mwendece wangu muwaha mono nali nimwitumbiye, mono nali kuhangana nayo zindigwa zangu, nayo yakondya kumhituka no kwihoma nane!

Matayo 10:4

Simoni Mukanani, na Yuda Musikaliyota mono yamugaluka Yesu.

Maluko 14:11

Nawo Wakohani wawaha weza kuhulika inghani yiyo, wakasecelela muno, wakalagana nayo vyono womupela zipesa. Hodu nayo Yuda yakawa kwanza kulondola cilejeho co kumukombola Yesu kuli wene.

Maluko 3:19

Yuda Musikaliyota mono yamugaluka Yesu.

Yohana 13:2

Na ha ndigwa ze cinyamihe, lono Yesu yali yekaye hamonga ne wejizwa wakwe, Setani yali yakondya kumufunda Yuda Musikaliyota u mwana wa Simoni, ho yamugaluce Yesu.

Yohana 13:30

Nayo Yuda yaza kuyibocela nhonje yiyo, hobaho yakalawila kunze, naco cali cilo.