Maluko 14:1 - Luganuzi Luswanu Kuli Wanhu Wose 2002

¹ Na lono vyali vikali vilo vyejete du, ho yiwe sikukuu ya Pasaka na ye mikate yono siyisasize. Iwakohani wawaha ne wejizi wo Wulajilize, walondolaga nzila yo kumwibata Yesu ko wusugu ho wamuwulaje.

I CILAGANE CIPYA 1991

¹ Na lono vyali vikali vilo vyejete du, ho yiwe sikukuu ya Pasaka na ye mikate yono siyisasize. Iwakohani wawaha ne wejizi wo Wulajilize, walondolaga nzila yo kumwibata Yesu ko wusugu ho wamuwulaje.

Maluko 14:1 ပူးပေါင်းရင်းမြစ်များ

Mwamulizo 37:18

Nawo i wawahaze wali weza kumuwonela kutali yakuza, hodu wakawa kwilumbaniza wamuwulaje.

Zabuli 52:3

Kanyhi agwe, wendile zimbi si nhe ziswanu. Agwe wuwendile u wulambi si nhe mbeka.

Zabuli 62:4

Heya, anye langa mukuhila mungwise du, ku wulawa mwi'lumbo lyangu. Ne nyemo yenyu 'nye, yili ku wulonga, zo wulambi du. Anye mulugutaga du ko wulonje, ninga mu zinhumbula zenyu, mukulijitiza.

Zabuli 62:9

Wanhu wose nha wehwanile muhe wo wehele, wawaha ne wadodo, wose yo nghani ya bwete du, na hono wuwapime, si waficile hamba kilo, wose wapelupelu muno si nho muhe wo wehele.

Wutuluce 12:1

Muwaha Mulungu yakawalonjela Musa na Haluni lono wali wakali kuko ku Misili yakatya,

Walawi 2:6

Wutiwaje wuwo wusaje ho wuwe kujidila mafuta mucanyha yayo, lono wukuwulavya kuli Muwaha Mulungu nha cilavywa.

Matayo 12:14

Hodu i Wafalisayo wakawa kulawila kunze, wakawa kulongana vyono wosuma kumongomeza Yesu.

Matayo 6:2

“Holeka na hono wumutaze u muciwa, wulece kwilajila hali wanhu, wulece kunoza nhe wanhu iwakoci vyono wanozaga mu matanganilo go wuhembelo, na mu zinzila, ho walumbwe ne wanhu. Mbeka nghumutyenyi vyono, wakondya kucituga icihumbilizwa cawo.

Maluko 14:12

Na mwizuwa lilongozi lye sikukuu ye mikate yono siyisasize, mwipango lyono wawulajilaga nyana ye ngholo we Pasaka, iwejizwa wakwe wakamuwuza, wakutya, “Wukusaka cikuwikanizize hayi ndigwa ye Pasaka?”

Maluko 14:2

Ninga hamba nhavivyo wakatya, “Cilece kumwibata mwizuwa lye sikukuu, ho yilece kuwa wuma muli wanhu.”

Yohana 11:47

Holeka i Wakohani wawaha, ne Wafalisayo wakekonghola hamonga, wakatya, “Alu conoza nhawule? Hambi munhu ayu nha yakunoza vitanjilo vinji muno.

Yohana 13:1

Isikukuu ye Pasaka, lono yali yikali nafika, Yesu yakamanya vyono cidaha cakwe cafika, co kuwuka mono yinze yiyi, yabite kuli Sogwe. Nayo yakawendela lukulu iwanhu wakwe, wono wali mononze sunga ko ku ndumo.

Metumo ge Watumwa 12:4

Petelo yaza kwibatwa, yakawikwa mu jela, yakamuwika hasi ya vipuga vine vye wasilikale wane wane wamwikalize. Helode yahilaga yamulavye cagalanze kuli wanhu, i Pasaka kolo yeza kupuluta.