Maluko 13:9 - Luganuzi Luswanu Kuli Wanhu Wose 2002

⁹ “Ninga 'nye musuguce. Hambi iwanhu nha wolomutegulenyi kuli mahakama, no kumutowenyi mu matang'anilo go wuhembelo. Molotegulwa ha mwande ye walongola ne watemi ku soko yangu, ho muhomelele kuli wene.

I CILAGANE CIPYA 1991

⁹ “Ninga nye musuguce. Hambi iwanhu nha wolomutegulenyi kuli mahakama, no kumutowenyi mu matangʼanilo go wuhembelo. Molotegulwa ha mwande ye walongola ne watemi ku soko yangu, ho muhomelele kuli wene.

Maluko 13:9 ပူးပေါင်းရင်းမြစ်များ

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yaling'anizwe. Nayo mono yakumubedegala u nduguye, yuyo kotegulwa ku wuling'anizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Maluko 1:44

“Wulece kumulonjela munhu wo wose ze nghani yiyi, langa wubite wukelajile kuli mukohani, na kolo wakondya kuhomelela vyono wapona, ale, wulavye i cilavywa nha vyono yalajiliza Musa, ho yiwe wuhomelezi kuli mwene so wupone wako.”

Maluko 13:5

Yesu yakanza kuwalonjela yakutya, “Musuguce, ho mulece kukongwa na munhu.

Maluko 13:8

Ne likungugo linji lyolokwihoma ne likungugo liyagwe, no wutemi wunji wolokwihoma no wutemi wuyagwe, ne hanhu hose, holowa ne matulo ne mazala. Ne zinghani zizi, wowa kotya nha wo mwamulizo wo wusungu wo kulelela mwana.

Maluko 6:11

Ne hanhu ho hose hono iwanhu wolema kumubocelenyi hamba kumuhulicenyi, muwuce baho, ninga mukung'unhe manghundi gono gali mu magulu genyu, ho yiwe wuhomelezi kuli wene.”

Luka 9:5

Wanhu hono walece kumubocelenyi, muwuce mwi'kaya lilyo, na lono mukuwuka, mugakung'unhaje manghundi gono gali mu magulu genyu, gawe wuhomelezi kuli wene.”

Yohana 15:20

Mukumbucile inghani yono namulonjelenyi, yono natya, “U mwitumami si yamucizize u muwaha wakwe.” Hono ane wangaza, womugazenyi na nyenye nhavivyo. Na hono wawe wayibata inghani yangu, woyibata ne nghani yenyu nhavivilya.

Yohana 16:2

Wanhu wolowa kumuwinjenyi mu matang'anilo gawo go wuhembelo. Kanyhi icidaha cikuza cono, muli wose mono kolomuwulajenyi anye, kowona nha yakumwitumamila u Mulungu.

Metumo ge Watumwa 21:11

Nayo yakaza kuli'se, yakasola musipi wa Pawulo, yakewopa mweneco mu magulu na mu mawoko, yakatya, “U Muhe Mono Yelile yakutya nhavi, Iwayahudi ku Yelusalemi wolomuwopa nhavivi u munhu munya musipi wuwu, nawo womutajila mu miwoko ye wanhu wono si Wayahudi!”

Metumo ge Watumwa 7:54

Wawo wanyamhala we libalaza, waza kuzihulika zizi, wakahomeka muno muzi nhumbula, wakamwikang'anhilila kwe 'kuwo.

Metumo ge Watumwa 9:16

Nane no mweneco, nomulajila zi nyinji zono zimunojeye yagazwe ku soko ye litagwa lyangu.”

Wafilipi 1:29

Hambi anye nha mwapegwa cipegwa co kumwitumamila Kilisito, si so kumwihuwila du, langa na so kugazwa ku soko yakwe nhavivilya.

2 Watesalonike 1:5

Na zizo zose, zikucimanyiza vyono u wuling'anizi wo Mulungu wo we ling'ani, ne ndumilizo yayo ho mowa muwunojeye u Wutemi wakwe wono wukuleka anye mukugazwa.

2 Yohana 1:8

Holeka mulanjilile, ho muze mulece kwajiliza cono mwali mucipiligaliye, langa muze mutuje cihumbilizwa cono cikwilaniciye.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwatajila wanji wayenyu mu jela, nanye motuga magayo mu vilo yikumi. Holeka, mweze muli wehuwilwa kuli'ne, sunga ko ku wufwe, nane nomupelenyi wumi, co cihumbilizwa cenyu co wusume wenyu.’

Wugubule 2:13

Manyile kono wikaye. Agwe wikaye ku wikalo wuwaha wa Setani! Ninga hamba nhavivyo, wukali wibatiliye litagwa lyangu, hamba si wakana u wihuwilo wako wa kuli'ne, sunga na mu vilo vya Antipa, muhomelezi wangu mwihuwilwa, lono yawulajilwa i hanhu hono kekalaga Setani.