Maluko 13:34 - Luganuzi Luswanu Kuli Wanhu Wose 2002

³⁴ Yolowa nha munhu mono yakuwuka mu kaya yakwe yakubita ku muhinzo, yakuwalecela i wetumami wakwe wulajilize, munhu no mulimo wakwe, yakamulonjela no mulindiliza mulango yekale meso.

I CILAGANE CIPYA 1991

³⁴ Yolowa nha munhu mono yakuwuka mu kaya yakwe yakubita ku muhinzo, nakuno kunji yakuwalecela i wetumami wakwe wulajilize, munhu no mulimo wakwe, yakamulonjela no mulindiliza mulango yekale meso.

Maluko 13:34 ပူးပေါင်းရင်းမြစ်များ

Matayo 16:19

Nane nokupela gwegwe zifunguwo zo wutemi wa ku wulanga, na yowa, co cose cono kocidindila mono'nze, cowa cadindilwa nhavivyo na ku wulanga, na co cose cono kocidigulila mono'nze, naco cowa cadigulilwa nhavivyo na ku wulanga.”

Yohana 10:3

U mulindiliza mulango we libululu, kamudigulilaga yuyo, ne zingholo zikuwa kumuhulika lizi lyakwe, nayo yakuwa kuzicema kwe matagwa zingholo zakwe, yimonga yimonga, kazitulusaga zilawile kunze.

Walumi 13:6

Holeka ku soko yiyo anye mulipaga kodi, ku soko vyono i walongola wawo, wamwitumamilaga u Mulungu, lono wawe wakufisiliza vyono yiwanojeye kwituma.

1 Wakolinto 15:58

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma, vyono si wolokwajilila bwete.

Wakolosayi 3:24

Akuno mukumanya vyono u Mulungu kolomupelenyi i mafungu go wuhazi gono yawawiciye i wanhu wakwe. Mumwitumamilaje Kilisito u Muwaha!

Wakolosayi 4:1

Nanye mo wawaha, muwatendelaje kwe ling'ani ne mbeka i wetumami wenyu, akuno mukukumbucila vyono nanye nha vivyo mwina u Muwaha wenyu ku wulanga.

Wugubule 3:7

“Kuli malayika we likanisa lya Filadelifiya wandice nhavi, ‘Ayi yo nghani yono yikulawa kuli mwene mono yelile kanyhi we mbeka, mono yena wufunguwo wa Dawudi, mono kawudigulaga, hamba hasina kanyhi munhu mono kosuma kudinda, mono kadindaga, hamba hasina kanyhi munhu mono kosuma kuwudigula.