Maluko 13:19 - Luganuzi Luswanu Kuli Wanhu Wose 2002

¹⁹ Hambi mwipango lilyo, nha kolowa no wugazwe wono wukali sinejela ku wulawa vyono u Mulungu yayiwumba yinze sunga nalu, hamba siwulejela kanyhi.

I CILAGANE CIPYA 1991

¹⁹ Hambi mwipango lilyo nha kolowa no wugazwe wono wukali sinejela kuwulawa vyono u Mulungu yayiwumba yinze sunga nalu, hamba siwulejela kanyhi.

Maluko 13:19 ပူးပေါင်းရင်းမြစ်များ

I Cililo 1:12

“Alu Yelusalemi yikumulilila munhu wo wose mono yakupuluta, yikutya, ‘Ta muwone! Hasina hamba yunji mono yatuga magayo mawaha gono genha gaga nha vyono ane ninha.’ Magayo gono Muwaha Mulungu yamheleye mwi'kuwo lyakwe.

I Cililo 2:13

Woyi he gwe Yelusalemi! Go mwendece wangu Yelusalemi! Alu waco ho nolonga cici kanyhi? Ho nosuma wule kukusindamika? Hambi nha hasina munhu hamba monga, mono yatamiswa nha vivi. Hambi magayo gako nha gasina mupaka nhe lilenga. Hasina hamba witumbilo kanyhi.

I Cililo 4:6

Ne wanhu wangu watuga wulipicizwe wuwaha muno si nhe wanhu wa Sodoma, wono wepamila ne lifwa lye nhinicizo mu muwoko wo Mulungu.

Danyeli 12:1

Nayo malayika mono yali yavwalile myenda ye bafuta, yakanonjela nene Danyeli, yakatya, “Mwi'pango lyono kolokuziza Mikayeli u mulongola we Wamalayika, mono kawadimaga wanhu wako, baho lyolowa yipago lyo wugaye wuwaha muno. Wugaye wono wukali nejela mu madaha go gose, ku wulawa vyono lyamuliziza likungugo, sunga mu madaha gago. Na kolo likuza lidaha lilyo, i wanhu we nghungugo yako, wono matagwa gawo gandicigwe mu citabu co Mulungu, wose wolopona.

Danyeli 9:12

Hambi 'gwe nha wakondya lu kwituma zono watya vyono kocitendela 'se, hamonga ne walongola wetu. Wukayilipiciza Yelusalemi kwe magazo mawaha gono gakali hamba si gananozwa mwi'kaya linji lyo lyose mono yinze yiyi.

Danyeli 9:26

Na ku ndumilizo ye vilo vivyo, u mulongola muhagulwa wo Mulungu, kolowulagwa mbula soko. Nalyo likaya hamonga ne Nyumba yo Mulungu, vyolokongomezwa ne wasilikale wo mutemi we vilungo. Nayo ndumilizo yolokuza nhe lihwazi. Kanyhi wolokuza wulugu hamonga ne magazo, vyono Mulungu yakondya kuviwikaniza.

Yoweli 2:2

Nalyo kanyhi lyolowa yizuwa lya citi no wukalale, yizuwa lye mavunde no wutitu tuku. Hambi litewa yiwaha lye zinzije, nha lyologubika matunda kotya citi. Cikali hamba si nejela cinhu cono cinha vivi, mu vilo vyono vyapuluta, hamba mu vilo vyono vikuza si cilejela yaye.

Matayo 24:21

Hambi mu vilo vivyo nha vyolowa vyo wugaye wuwaha muno muno, wono wukali si nejela hamba hadodo kuwulawa ku mwamulizo we yinze sunga nalu, hamba si wulejelela lukulu kanyhi.

Maluko 10:6

Ninga ku wulawa ku mwamulizo wo wuwumbwe we yinze, u Mulungu yawumba mulume no mucekulu.

Maluko 13:18

Mulombe i zinghani zizi, ho zilece kwijela mu vilo vye mbeho nghali.

Maluko 13:20

Na hono u Muwaha yali yalece kuvicepula i vilo vivyo, hasina hamba munhu mono yali yapone. Ninga ku soko ye wahagulwa wakwe, holeka Muwaha yavicepula i vilo vivyo.”

Wukumbucize wo Wulajilize 28:59

nayo kolomuletelenyi nyenye ne wana wenyu i matamwa gono si ganogaga, hamonga ne matamwa go wileceze, gono gowa gasina muganga.

Wukumbucize wo Wulajilize 4:32

“Mujele ta kuzilanga, ze vilo vyono vyapuluta, ze vilo vyono mwali mukali nalelwa. Zinghani zono zejela katali muno muno, lono Mulungu yamuwumbila munhu mononze. Kanyhi mulanje no wuwaha we yinze vyono winha. Wulenyi! Yowa yejela nghani yinji mbaha yono yinha yiyi? Hamba ho yuli yunji muyenyu, mono kowa yayihulika nghani yono yihwanile yiyi?

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swee.