Maluko 12:2 - Luganuzi Luswanu Kuli Wanhu Wose 2002

² Na mu wupilo we mikalo, yakatuma mwitumami wakwe kuli wawalya iwalimi, ho yamuletele mikalo yo mugunda wakwe.

I CILAGANE CIPYA 1991

² Na mu wupilo we mikalo, yakatuma mwitumami wakwe kuli wawalya iwalimi, ho yamuletele lipinga lye mikalo yo mugunda wakwe.

Maluko 12:2 ပူးပေါင်းရင်းမြစ်များ

2 Watemi 17:13

Ninga Muwaha Mulungu yali yakondya kuwasugula Isilayeli na Yuda, mu nzila ye wanhu wono yawatumaga, hamonga ne wawizi, yakuwalonjela yakutya, “Mupituce muzilece zinzila zenyu zimbi, mwibate wuhile wangu, ne mejizo gangu gono gali mu wulajilize, wono nawalajiliza walezi wenyu, nghamulonjelelenyi nanye mu nzila ye wetumami wangu wawizi.”

2 Zinghomo 36:15

Ninga u Muwaha Mulungu, u Mulungu we walezi wawo, yakajendelela kuwatumila wawizi, wawasugule wanhu wakwe. Hambi nha yakawawonela lusungu wanhu wakwe, hamonga ne Nyumba yakwe.

Ezila 9:11

gono wacipelela mu nzila ye wawizi. Wakacilonjela vyono, yisi yono cobita cikayiteme, yo yisi yo wubi winji, ku soko i wanhu wono wekalaga mumo, wali wakondya kuyimemya wubi, hamonga ne makomaza.

Zabuli 1:3

U munhu we liwala lilyo, yehwanile mubici wono muhadikwe behi no muvwilo we malenga, wono wulelelaga mana mu madaha gayo, ne mahamha gayo hamba si ganyalaga yaye. Nayo kamoteswaga muli zose zono ketumaga.

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Yelemiya 44:4

Ninga hamba nhavivyo, nane vyo nghajendelela du, kumutumilenyi wetumami wangu wawizi, wono wazaga kumulonjelenyi vyono, mulecele lukulu kwituma makani gago ge cikomaza, gono si nigendile yaye.

Mika 7:1

Woyi hee! Hambi ane nha neza nha munhu mono yadabuce, mono yagana musina mikalo yono yisigazwe mu mibici, hamba zabibu mu manhambi ge mizabibu. Hambi zabibu zose hamonga ne mikalo yo mukuyu, nha vyakondya kuhepwa.

Zakaliya 7:7

Zizi zo yalonda Muwaha Mulungu, mu milomo ye wawizi walongozi mu vipango vyono na Yelusalemi, likaya lyono lyelile, lyali likali lina no lukumyo, kanyhi limemile ne wanhu. Na lono wanhu wali wenji, wono wekalaga mu makaya, gono gali galipilime likaya, sunga na mu zi'si za kutakama, na mu mwalambalo wa mu matunda ga ku lubavu lwa ku mwezi.

Matayo 21:34

Na mwi'pango lyo wupilo we zizabibu waza kusejelela, yakawatuma i wetumami wakwe wabite kuli wawalya iwalimi, ho wakasole mikalo yakwe.

Maluko 12:1

Yesu yakanza kulongana nawo mu cihwanicizo yakutya, “Munhu yunji yalima mugunda we mizabibu. Yakawusitila no mululu, na haciligati yayo, yakahimba likombo lyo kukobonjela divayi, yakazenga ne cilingo citali. Yakawukoza mugunda wuwo kuli walimi, u mwene yakatuluka muhinzo sunga ku yisi ya kutali.

Maluko 12:3

Ninga wawalya walimi wakamwibata, wakamutowanga, wakamuwinga yasina hamba cinji.

Luka 12:48

ninga mono si yali yamanyile yono yimonojeye yetume, nayo ketuma zono zinojeye wulipicizwe, yuyo kotowa hadodo. Mono yapejigwe vinji, vyosakwa vinji, nayo mono wamukoza vinji muno, wolosaka vinji kuciza kuli mwene.

Luka 20:10

Mwipango lyo wupilo we mizabibu, yuyo munhu yakatuma mwitumami wakwe kuli wawalya walimi, wamupele mikalo ya mu mugunda we mizabibu, ninga walimi wakamutowa, wakamuwinga yali bwete.

Wahebelaniya 1:1

I katali u Mulungu yalonga ne wasetu kali kenji, na mu nzila nyinji, mu nzila ye wawizi,