Maluko 12:14 - Luganuzi Luswanu Kuli Wanhu Wose 2002

¹⁴ Wakamubitila, wakamutya, “Mwijizi, nha cimanyile vyono agwe uli munhu we mbeka, mono kulongaga ze mbeka du, hamba sikucelelelaga munhu wo wose. Hamba lilumbo lya munhu, nha si cinji kuli'gwe, ninga kuwejizaga imbeka ye nzila yo Mulungu. Wule, viswanu kumulipa kodi Kayisali, hamba ng'o? Alu cilavye, hamba cilece kulavya?”

I CILAGANE CIPYA 1991

¹⁴ Wakamubitila, wakamutya, “Mwijizi, nha cimanyile vyono agwe uli munhu we mbeka, mono kulongaga ze mbeka du, hamba sikucelelelaga munhu wo wose. Hamba lilumbo lya munhu nha si cinji kuli gwe, ninga kuwejizaga imbeka ye nzila yo Mulungu. Wule, viswanu kumulipa kodi Kayisali, hamba ngʼo? Alu cilavye, hamba cilece kulavya?”

Maluko 12:14 ပူးပေါင်းရင်းမြစ်များ

2 Zinghomo 18:13

Ninga Mikaya yakamupitula yakamutya, “Ane nghwihuwiza mwi'tagwa lyo Muwaha Mulungu mumi, nha vyono nolonga du zono mweneco Muwaha Mulungu kononjela nizilonje!”

2 Zinghomo 19:7

Holeka munojeye mumogope Muwaha Mulungu, mulanjilile mu witume wenyu, hambi Muwaha Mulungu, u Mulungu wetu, nha si kawukangalilaga wungwele, hamba wuhijila mbejele kuli munhu, hamba wubocela mafupo.”

Nehemiya 9:37

Na ku soko yo wubi wetu, holeka vyose vyono yisi yikulela, vibitaga kuli watemi wono wacipela. Nawo wakucitema, kanyhi wakucinozeza nha vyono wakusaka weneco, hamonga ne mitugo zetu. Holeka cili mu wugaye wuwaha muno muno!”

Zabuli 120:2

Gwe go Muwaha Mulungu, wumhonye kuli wanhu wakonji kanyhi walambi.

Zabuli 55:21

Ne zinghani zakwe zitelemeye, si nhe tilazi, ninga nhumbula yakwe, ayo yisulumilaga wulugu du. Nghani zakwe zili telele zinha mafuta, ninga, zitemaga kotya mumaje mukali.

Yelemiya 42:20

mweza kwituma nghani 'mbi muno muno. Mumanye nha vyono nyenye nyo weneco, mukasaka ane nimulombelenyi kuli Muwaha Mulungu, u Mulungu wenyu, kanyhi mukehuwiza nha vyono, mokwituma zose nha vyono mwene komulajilizenyi.

Mika 3:8

Ninga ane, Muwaha Mulungu kamhela vilungo vyo muhe wakwe, hamonga no wusume, no wuling'anizi, kamhela 'ne vilungo, ho niwalonjele Isilayeli u wubi wawo vyono winha.

Matayo 22:16

Holeka wakawatuma i wayawo wanji, hamonga ne watyatyi we cipuga ca Helode. Wakabita kuli Yesu, wakamuwuza wakutya, “Gwe Mwijizi, ase cimanyile vyono kulongaga mbeka, na kanyhi vyono kwijizaga i mbeka yo wuhile wo Mulungu kuli wanhu, hamba sikogopaga munhu wo wose, hambi ililumbo lyo munhu nha si cinji kuli'gwe.

Matayo 22:17

Ale cilonjelaje ta vyono wukwihwesa. Wule ta, yili viswanu kumulipa kodi Kayisali hamba ng'o?”

Maluko 12:13

Ale, Iwafalisayo wanji, hamonga ne watyatyi we cipuga ca Helode, watumwa ho wamugwizize Yesu mu wulonje wakwe.

Maluko 12:15

Ninga mwene Yesu yali yawumanyile u wukoci wawo, holeka yakawatya, “Alu so cici mukunjela? Mundajilaje ta silinje niyilanje.”

Maluko 14:45

Nayo Yuda yaza kuza du, yakawa kumubitila Yesu, yakawa kumutya, “Mwijizi!” Hanyuma yakawa kumunonela.

Luka 20:22

Ale cilonjelaje ta, hono viswanu kuli ase kumulipa kodi Kayisali, hamba ng'o?”

Luka 23:2

Wakanza kumusonjeza, wakutya, “Cimuwona yuyu yakuwafunda vibi i wanhu wetu, yakulemeza walece kulipa kodi kwa Kayisali, yakwiyitya ati mwene yo Kilisito Mutemi.”

Yohana 7:18

Ninga u munhu mono yakwilonjela mu wulajilize wakwe mweneco du, yakulondola u lukumyo lwakwe mweneco, ninga mono yakulondola u lukumyo lwa mono yamutuma, yuyo yaweza mwihuwilwa, na muli mwene musina wavu wo wose.

Walumi 13:6

Holeka ku soko yiyo anye mulipaga kodi, ku soko vyono i walongola wawo, wamwitumamilaga u Mulungu, lono wawe wakufisiliza vyono yiwanojeye kwituma.

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

2 Wakolinto 2:2

Hambi hono nimukalazenyi anye, alu nani kanyhi mono konhuza? Hono si wawalya du wono nawakalaza!

2 Wakolinto 4:1

Holeka, u Mulungu ku soko yo lusungu lwakwe luwaha, yacipela u mulimo wuwuno ho ciwitume, holeka nase si cikutukuwika mitima.

2 Wakolinto 5:11

Ale, ase ciyimanyile soko yo kumogopela u Muwaha, holeka ku soko yiyi, cikwihinda kuwakwega wanhu. U Mulungu yacimanyiye lukulu, nane nitumbiye vyono na nyenye nhavivyo mucimanyiye lukulu mu viselinji vyenyu.

2 Wakolinto 5:16

Holeka ku wulawa lulu, ase si comumanya munhu wo wose mu nzila ye cimunhumunhu. Hamba yiwe camumanyila Kilisito mu nzila ye cimunhumunhu, ninga alu si nhavivyo kanyhi.

Wagalatiya 1:10

Alu'mbi kanyhi nghusaka wukombolwe wa nani, we wanhu hamba wo Mulungu? Hamba nghusaka kuwendeza wanhu lo? Na hono noze nhavivyo, kwaco, ane si nali niwe mwitumami wa Kilisito.

Wagalatiya 2:6

Ninga i wanhu wawa wono wakutegwa wo walongola, hono mbeka vyo wali wenha, hamba yiwe si nhavivyo, kwangu si nghani yaye, hambi u Mulungu nha siyakuwa kuling'aniza so wulanga za kunze, ne wanhu wawa wali wasina cinji cono wali wadahile konjeleza mu Luganuzi lulu Luswanu nha vyono ane nghuluganula no mweneco.

Wukumbucize wo Wulajilize 16:19

Walece kuwa no wuwaguzi hamba kuwewonela wanhu. Kanyhi walecele lukulu kubocela mafupo. Hambi mafupo hamonga ne vipegwa, nha vibofuzaga meso ge wanhu we mahala, ne wanhu wenenenyhezi. Sunga viwa kuwanoza wawa kulavya wulamuzi wono si wuli ling'ani.

1 Watesalonike 2:4

Ase cilongaga nhondo zose nha vyono yendile u Mulungu, hambi nha yo mweneco mono yaciwona ase cikwiliye, yakawa kucipela u mulimo wuwu wo Luganuzi Luswanu. Wo si wuhile wetu hamba hadodo ho ciwendeze wanhu, langa cikuhila kumwendeza u Mulungu, mono yazimanyile zinhumbula zetu sunga mo mugati.