Maluko 12:10 - Luganuzi Luswanu Kuli Wanhu Wose 2002

¹⁰ Wulenyi, si mwasoma i Mandiko gaga gono gakutya, ‘Ilibwe lyono walilema iwazenji alu lyanozwa liwe lyo libwe liwaha lyo musinji,

I CILAGANE CIPYA 1991

¹⁰ Wulenyi, si munasoma i Mandiko gaga gono gakutya, ‘Ilibwe lyono walilema iwazenji alu lyanozwa liwe lyo libwe liwaha lyo musinji,

Maluko 12:10 ပူးပေါင်းရင်းမြစ်များ

Isaya 28:16

Ninga 'lu, muhulicize zono Muwaha Mulungu yakumulonjelenyi yakutya, “Alu nane nghuwika mu Sayuni musinji wono wuli vilungo, kanyhi wukamile. Kanyhi nghuwika ne libwe lye nhuzi lyo wuguzi wukamu, lyono lyowa lyandicigwe zinghani azi, ‘Wihuwilo wono wukamile, wina no wukangalizi.’

Matayo 12:3

Nayo Yesu yakawapitula yakawatya, “Wulenyi, mukali nasoma vyono yavinozanoza Dawudi, hamonga na wono yali yali hamonga nawo, mu cipango lono wali wadabuka?

Matayo 19:4

Yesu nayo yakawapitula yakatya, “Alu, nye, ho simwasoma mu Mandiko Gono Gelile, nha vyono u Mulungu mono yamuwumba u munhu ku wulawa ha mwamulizo, yawumba, u mulume no mucekulu,

Matayo 21:16

Hobaho wakamutya Yesu, “Alu ho siwukuhulika vyono wakutya?” Nayo Yesu yakawatya, “Heya nghuhulika! Alu anye, mukali si nagasoma lo Mandiko gaga Gono Gelile? Gono gakutya, ‘Kuwejiza iwana wadodo, sunga ne wagalika wose, ho wakulavizye lilumbo lyono likwilaniciye!’ ”

Matayo 21:42

Baho nayo Yesu yakawatya, “Alo mukali si nayisoma inghani yiyi mu Mandiko Gono Gelile? Yono yikutya, ‘Ilibwe lyono walilema i wazenji alu lyo lyaweza lyo libwe liwaha lyo musinji. No Muwaha yo yayinozize inghani yiyi. Nayo yo nghani yo wizine muno muno kuli'se!’

Matayo 22:31

Ninga kuli zo wuzuce we wafu, ho simwasoma azilya zono u Mulungu yamulonjelenyi?

Maluko 12:26

Ninga ze wafu vyono wazukulagwa, Alo simunasoma citabu ca Musa mwifungu lyono likulonga ze cititika cono cakaga moto? U Mulungu yamulonjela Musa yakatya, ‘Ane yonene Mulungu wa Abulahamu, na Isaka na Yakobo.’

Maluko 12:9

“Ale lu, u munya mugunda ho kotendaci? Kokuza yawongomeze i walimi wawo, no kuwukoza mugunda wuwo we mizabibu kuli wanhu wanji.

Maluko 13:14

“Molowona liwifyo lyo wuhodanjice limile hono si hanhu halyo. (Mono yakusoma yezuce nhunizo yayo!) Na baho iwanhu wono wali mu Yudiya, wamanyhile mu matunda.

Maluko 2:25

Nayo Yesu yakawatya, “Alu mukali nasoma yaye, vyono yetuma Dawudi mwipango lono yali yadabuka? U mwene hamonga ne wayagwe wono yali yena nawo,

Luka 6:3

Yesu yakapitula yakawatya, “Alo nghani yiyi si mwasoma, vyono yetuma Dawudi, mwene hamonga na wono yali yena nawo, mwipango linji lono wali wadabuka?

Walumi 9:33

nha vyono gakutya i Mandiko Gono Gelile: “Langa ta, nghuwika mu Sayuni, libwe lyo wikobale, Ne litalawe lyono lyowagwisa! No munhu mono komwihuwila yuyo mono lyo libwe lilyo, yuyo si kolokozwa soni.”