Maluko 11:23 - Luganuzi Luswanu Kuli Wanhu Wose 2002

²³ Nghumulonjelenyi mbeka vyono, hono munhu yalilonjele litunda lili yatye, ‘Wukulice wutagwe mwi'lenga!’ Hono yalonje kuno yasina mahwele mu nhumbula yakwe, langa yehuwiye vyono zose zono yalonjile zonozeka, heya kotendelwa inghani yiyo.

I CILAGANE CIPYA 1991

²³ Nghumulonjelenyi mbeka vyono, hono munhu yalilonjele litunda lili yatye ‘Wukulice wutagwe mwilenga!’ Hono yalonje kuno yasina mahwele mu nhumbula yakwe, langa yehuwiye vyono zose zono yalonjile zonozeka, heya kotendelwa inghani yiyo.

Maluko 11:23 ပူးပေါင်းရင်းမြစ်များ

Zabuli 37:4

Wuyilondolaje nyemo yako kulawa kuli Muwaha Mulungu, nayo kokupela vyose vyono wukusaka mu nhumbula yako.

Matayo 14:13

Nayo Yesu yali zihulika zizo, yakawuka i hanhu baho, yakatulucila mu ngalawa, yakabita hanhu hanji hono hali helejehile ho yatule yali wene. Ninga i wanhu waza kumanya, wakamutyatya, wakujenda kwe migulu, wakulawilila mu makaya gawo.

Matayo 17:20

Yesu yakawatya, “Ku soko yo wihuwilo wenyu wucefu. Nghumulonjelenyi mbeka, hono muwe mwina u wihuwilo wudodo du nha vyono yinha yi mbeyu ya haladali, mosuma kulilonjela i litunda lili, mukutya, ‘Wuwuce ahano, wubite ahalya,’ nalyo mbeka lyobita. Hasina nghani yo yose yono yali yiwe si yisumice kuli'nye. [

Matayo 21:21

Yesu yakawapitula yakawatya, “Nghumulonjelenyi mbeka, vyono hono muwe no wihuwilo wono wusina mahwele, si mosuma kunoza nha vivi du, langa mosuma sunga na hono mulilonjele ilitunda lili mutye, ‘Wukulice wukegumile mwi'lenga,’ nayo vyo yowa nha vivyo.

Luka 17:6

Nayo Muwaha yakawatya, Hono mwali muwe no wihuwilo wudodo kotya nhe mhece ya haladali, mwali muwulonjele mubici wuwu wo mukuyu mukutya, kulice wukehadice mwi'lenga, nawo wali wumuhulicenyi.

Yohana 14:13

Na yo yose yono molomba mwitagwa lyangu, nokwituma, ho Sogo yo Munhu yakumizywe muli mwanagwe.

Yohana 15:7

Hono mwikale muli nene ne zinghani zangu hono zikale muli nyenye, ale, mulombe co cose cono mukusaka, nanye mopegwa.

1 Wakolinto 13:2

Na kanyhi yisumice niwe ne cipegwa ciswanu co kuyiganula nghani yo Mulungu, no kuzimanya ze cinyele zose, sunga no kusuma kuzimanya zose, kanyhi ndahile kuwa no wihuwilo wono wukwilaniciye, sunga sume kugahamya matunda, ninga hamba nha vivyo hono niwe sina wendo, ane si nili cinji yaye.