Maluko 11:22 - Luganuzi Luswanu Kuli Wanhu Wose 2002

²² Yesu yakawatya, “Mwihuwilenyi Mulungu.

I CILAGANE CIPYA 1991

²² Yesu yakawatya, “Mwihuwilenyi Mulungu.

Maluko 11:22 ပူးပေါင်းရင်းမြစ်များ

2 Zinghomo 20:20

No wusiku wali weza kwela, i mitondo yaco, hakali mitondo muno muno, i wanhu wose wakawa kubita ku nyika ya Tekowa. Nawo lono wali wakondya kwiwikaniza ho watuluce, mutemi Yehoshafati, yakawalonjela yakatya, “Anye nyo wanhu wa Yuda na Yelusalemi! Mumwitumbilaje Muwaha Mulungu, u Mulungu wenyu, kanyhi mweze mukamile. Kanyhi mwihuwile zinghani zono wawizi wakwe womulonjelenyi, nanye holeka motuga wuswanu.”

Zabuli 62:8

Nye nyo wanhu, mumwitumbile Mulungu nhondo zose, kanyhi mumulonjele ne visakwa vyenyu. Hambi Mulungu nha wo wutizizo wetu.

Isaya 7:9

Hamba nhavivyo, nayo Isilayeli nha si yili vilungo yicize Samaliya, ne likaya liwaha lya Samaliya, hamonga ne Samaliya yeneco, nayo si yili vilungo yicize mutemi Peka. “Holeka hono wulece kwihuwila, mbeka hamba si kosuma kusikamywa.”

Matayo 14:29

Yesu yakatya, “Ale, wuze.” Hobaho Petelo yakawa kutima mu ngalawa, yakawa kujenda mucanyha mu malenga, yakumubitila Yesu.

Matayo 17:20

Yesu yakawatya, “Ku soko yo wihuwilo wenyu wucefu. Nghumulonjelenyi mbeka, hono muwe mwina u wihuwilo wudodo du nha vyono yinha yi mbeyu ya haladali, mosuma kulilonjela i litunda lili, mukutya, ‘Wuwuce ahano, wubite ahalya,’ nalyo mbeka lyobita. Hasina nghani yo yose yono yali yiwe si yisumice kuli'nye. [

Matayo 21:21

Yesu yakawapitula yakawatya, “Nghumulonjelenyi mbeka, vyono hono muwe no wihuwilo wono wusina mahwele, si mosuma kunoza nha vivi du, langa mosuma sunga na hono mulilonjele ilitunda lili mutye, ‘Wukulice wukegumile mwi'lenga,’ nayo vyo yowa nha vivyo.

Maluko 9:23

Yesu yakamutya, “Ati hono kosuma! Zose nha zisumice kuli munhu mono yena wihuwilo.”

Yohana 14:1

Yesu yakawalonjela, yakatya, “Mulece kugazika mu zinhumbula zenyu, Mumwihuwiye Mulungu, ale munyihuwile na nene.

Wakolosayi 2:12

Hambi lono mwabaputizizwa, nha mwazikanwa hamonga na Kilisito, na kanyhi mumo mu wubaputizo nha mwazukulanwa hamonga nayo mu nzila yo wihuwilo wenyu mu vilungo vyo Mulungu mono yamuzukula muli wafu.

Tito 1:1

Ane yo nene Pawulo, u mwitumami wo Mulungu, kanyhi mutumwa wa Yesu Kilisito nghwandika. Ane haguywe ho niwuzenje u wihuwilo we wahagulwa wo Mulungu no kuwatonga ho wayimanye i mbeka yo wuhembi wetu,