Maluko 11:18 - Luganuzi Luswanu Kuli Wanhu Wose 2002

¹⁸ Nawo Iwakohani wawaha ne wejizi wo Wulajilize, wali weza kuzihulika zizo, wakanza kulondola nzila yo kumongomezeza. Ninga hamba nhavivyo wamogopa, ku soko i lipuga lye wanhu likezina muno so mejizo gakwe.

I CILAGANE CIPYA 1991

¹⁸ Nawo Iwakohani wawaha ne wejizi wo Wulajilize wali weza kuhulika zizo, wakanza kulondola nzila yo kumongomezeza. Ninga hamba nha vivyo wamogopa, ku soko i lipuga lye wanhu likezina muno so mejizo gakwe.

Maluko 11:18 ပူးပေါင်းရင်းမြစ်များ

1 Watemi 21:20

Nayo Ahabu yali yeza kumuwona Eliya yakuza, yakamutya, “Alu langa izuwali, wanyibata go mulugu wangu.” Nayo Eliya yakamutya, “Heya nakwibata. Hambi nha kwiyendela gwegwe go mweneco kwituma zimbi hali Muwaha Mulungu.

1 Watemi 22:18

Nayo Ahabu yakamulonjela Yehoshafati yakatya, “Ale, wawona! Zizi zo nghulonjeye, nha vyono, ayu Mikaya ane si kambililaga ziswanu ng'o, langa kambililaga zimbi du nhondo zose!”

1 Watemi 22:8

Nayo Ahabu yakapitula yakatya, “Ho yuli muwizi yunji mono yakucemwa Mikaya u mwana wa Imula. Ninga u munhu yuyo, ane nimusulile muno muno, vyono mwene yakali nambilila nghani swanu, hamba kamonga bwete, langa mwene kambililaga nghani 'mbi du nhondo zose.” Yehoshafati yakamutya, “Wulecele lukulu kulonga nhavivyo.”

Isaya 49:7

Mulungu mono yelile wa Isilayeli, u Mukombozi wawo yakumulonjela mono yakubedegalwa ne wanhu, na mono yakusulwa ne makungugo, na kuli mwitumami we watemi, yakutya nhavi, “Watemi kolo wakukuwona, wokwinucila walajile cogopo cawo kuli'gwe, ne wana we watemi, nawo woziwona zizo, nawo wokwinama hasi, wakupele lilumbo.” Na zizi zose zolokwijela, vyono Muwaha Mulungu kakondya kumuhagula mwitumami wakwe, U Mulungu mono yelile wa Isilayeli, mwene kakamisaga wihuwizo wakwe.

Matayo 21:15

Ale baho, nawo wakohani wawaha, hamonga ne wejizi wo Wulajilize wali weza kugawona i mapoto gono Yesu yanozize, hamonga ne wadodo wono wazozaga mu Nyumba yo Mulungu wehindile, wakutya “U lukumyo lweze kuli'gwe, go Mwana wa Dawudi,” wene wakasimba.

Matayo 7:28

Nayo Yesu yali yeza kukondya kuzilonga izinghani zizo, imapuga ge wanhu gakezina muno so mejizo gakwe.

Maluko 1:22

Ne wanhu wose wono wamuhulika, wakezina i mejizo gakwe, hambi nha siyejizaga nha vyono wejizaga iwejizi wawo wo Wulajilize, langa yejizaga nha munhu mono yena wulajilize.

Maluko 11:32

Na hono citye, ‘Walawa kuli wanhu!’ ” Wakogopa i lipuga lye wanhu, hambi wose nha wali wehuwiye vyono Yohana yali muwizi mbeka.

Maluko 12:12

Iwakohani wawaha ne Wejizi wo Wulajilize ne wanyamhala, wakatanga vyono i cihwanicizo cico calongaga weneco. Holeka wakajela kumwibata, ninga wakalyogopa i lipuga lye wanhu. Holeka wakamuleka wakawa kubita.

Maluko 3:6

Lo lulolulo i Wafalisayo wakalawila kunze ye nhang'anilo yo wuhembelo, nawo wakeheha hamonga ne cipuga ce wanhu wa Helode, vyono womuwulaga Yesu.

Maluko 6:20

Na Helode yamogopaga Yohana, hambi nha yali yamanyile vyono mwene yali munhu we ling'ani kanyhi yelile, holeka yakamukamisa. Helode yali yendile kumuhuliciza Yohana, hamba yiwe kolo yamuhuliciza, yagazikaga muno.

Luka 19:47

Yesu yakawa kwijiza vilo vyose mu Nyumba yo Mulungu. Ninga Wakohani wawaha, ne wejizi wo Wulajilize ne walongola we wanhu, wasakaga kumuwulaga,

Luka 2:47

na wose wono wamuhulicizaga, wakezina mahala gakwe ne mapitulo gakwe.

Luka 20:19

I wejizi wo Wulajilize ne Wakohani wawaha, wakatanga vyono cihwanicizo cici, cali ciwadomile weneco, na ku soko yiyo, wahilaga wamwibate baho baho, ninga wakogopa wanhu.

Luka 4:22

Wose wakendezwa nayo, wakezina so zinghani ziswanu zono yalonga, wakatya, “Yuyu si yo mwana wa Yusufu?”

Yohana 7:1

Hanyuma ya zizi, Yesu yajendaga mu Galilaya, hamba si yendaga kujenda mu Yudiya, vyono i walongola we Wayahudi wahilaga kumuwulaga.

Yohana 7:19

Alu Musa si yamupelenyi Wulajilize? Hamba nhavivyo, hasina yunji muyenyu mono kawibataga u Wulajilize. Alu ku sokoci mukusaka kumbulaga?”

Yohana 7:46

Nawo Wasilikale wakawapitula wakatya, “Yakali nejela hamba nhavi, munhu mono yalonga, nha vyono yakulonga yuyu.”

Metumo ge Watumwa 24:25

Ninga Pawulo yaza kwamula kulolosa zo wiling'ano na zo wiyimile na ze ning'aniza yono yikuza, Feliki yakogopa muno yakatya, “Alu wubite, ninga nokucema kanyhi kolo natuga cilejeho.”