Maluko 11:13 - Luganuzi Luswanu Kuli Wanhu Wose 2002

¹³ Baho, yakawuwonela cidaha u mukuyu wono wali wudedewaye mahamha menji. Yakawubitila ho yawone hono wuwe wina mikalo yo yose. Nayo yaza kuwuficila, yakawagana wusina hamba mukalo wo wose, langa mahamha gali wene du, hambi nha cali cikali sinaficila i cipango co mukuyu kulela mikalo.

I CILAGANE CIPYA 1991

¹³ Ale, yakawuwonela cidaha u mukuyu wono wali wudedewaye mahamha menji. Yakawubitila ho yawone hono wuwe wina mikalo yo yose. Nayo yaza kuwuficila, yakawagana wusina hamba mukalo wo wose, langa mahamha gali wene du, hambi nha cali sicinaficila i cipango co mukuyu kulela mikalo.

Maluko 11:13 ပူးပေါင်းရင်းမြစ်များ

Isaya 5:2

Yawutipanga muhangha, yakawusa mabwe gose, yakahadika mizabibu miswanu muno. Yakazenga ne cilingo co kwamilila, yakahimba ne likombo lyo kukobonjela zi zabibu. Yakalindila sunga mu wupilo we zi zabibu. Ninga zabibu zose zikawa nghali.

Isaya 5:7

Ale, wanhu wa Isilayeli, wo mugunda we mizabibu wo Muwaha Mulungu u Mudaha vyose, u Mulungu we mihanga. Nawo i wanhu wa Yuda, zo zabibu zono yazihadika. Nayo yali yetumbiye, nha vyono wokwituma zo wuhile wakwe. Ninga wene wakawa wawulaji. Yali yetumbiye nha vyono wokwituma ze ling'ani, ninga wanhu wakawa wakulila vyono si wakutendelwa ze ling'ani.

Matayo 21:19

Yakawuwona mukuyu wunji ha mhelo ye nzila, yakawubitila, ho yahepe imikalo yayo, ninga yakawagana wusina mikalo hamba hadodo, langa go mahamha du gali wene. Hodu yakawa kuwulonjela yakawutya, “Wulecele lukulu kulela kanyhi mikalo cibitilila!” Hobaho baho du, no mukuyu wuwo wukawa kunyala.

Maluko 11:12

Ne mitondo yaco, lono walawaga ku Betaniya, Yesu yakadabuka.

Maluko 11:14

Baho yakawutya mukuyu, “Hasina munhu mono kolya kanyhi mikalo yako sunga cibitilila.” Nawo iwejizwa wakwe wakazihulika i zinghani zizo.

Luka 10:31

Kukawa baho Mukohani yunji, nayo yakatenenhucila mu nzila yiyo; yaza kumuwona, yakamupuluta.

Lutu 2:3

Lutu yakawa kubita ku migunda, yakawa yakutyatya mu nyuma ye waduduzi, no kuhalaliza wuhemba wono wasigazaga. Yikejela vyono kumbe yali yali mu mugunda wono wali wa Bowazi mono yali we mhuga ya Elimeleki.

1 Samwili 6:9

Ninga nanye mweze mulilanjiliye hono liwe likukolela mu wulunji wo kubita ku yisi yalyo ku cikaya ca Bete-shemeshi, baho ho comanya vyono mbeka u Mulungu wa Isilayeli, yo yacileteye wongomezwe wuwu. Na hono yilece kuwa nhavivyo, naho comanya vyono kumbe Mulungu si yacitendeye zizo, langa ziyiziza zeneco du.”