Maluko 10:43 - Luganuzi Luswanu Kuli Wanhu Wose 2002

⁴³ Ninga kuli'nye, yilece kuwa nhavivyo, langa mono kosaka kuwa muwaha muli nyenye, yimunojeye yawe mwitumami wenyu.

I CILAGANE CIPYA 1991

⁴³ Ninga kuli nye, yilece kuwa nha vivyo, langa mono kosaka kuwa muwaha muli nyenye, yimunojeye yawe mwitumami wenyu.

Maluko 10:43 ပူးပေါင်းရင်းမြစ်များ

Maluko 10:42

Nayo Yesu yakawacema yakawatya, “Mwene mumanyile vyono wono watezwaga watemi we Makungugo, vyono wawatemaga wanhu wawo kwe vilungo, ne wawaha wawo vyono wena wulajilize muli wanhu wawo.

Maluko 10:44

Mono yakusaka kuwa mulongozi, yimunojeye yawe mwitumami wa wose.

Maluko 9:35

Yesu yakekala hasi, yakawacema wawalya we likumi na wejete, yakawatya, “Hono munhu yakuhila yawe mulongozi, yimunojeye yawe wa munyuma wa wose, na mwitumami wa wose.”

Luka 14:11

Hambi muli wose mono yakwikumya mweneco, nha konyetywa, nayo mono yakwinyetya, yo kokumywa.”

Luka 18:14

Nghumutyenyi, yuyo mutoweza kodi, yawuya kwakwe kuno yakondizye kwilamula no Mulungu. Ninga ayulya u Mufalisayo, si nhavivyo. Hambi muli wose mono yakwikumya mweneco, nha konyetywa na mono yakwinyetya yo kokumywa.

Luka 22:26

Ninga yilece kuwa nhavivyo muli nyenye, langa u muwaha muli nyenye yaweze nha mudodo, nayo mono kowa mulongozi, yaweze nha mono yakwituma.

Luka 9:48

Yakawatya. “Muli wose, mono komubocela mwana yuyu mudodo mwi'tagwa lyangu, yakumbocela nene: na muli wose mono yakumbocela nene, yakumubocela mono yanhuma, hambi u mudodo muno muli nyenye, nha yo muwaha wa wose.”

Yohana 18:36

Yesu yakamupitula yakatya, “Wutemi wangu si we yinze yiyi. Wutemi wangu mhali wuwe we yinze yiyi, mhali vilewane ne wetumami wangu, ho ndece kulavywa kuli Wayahudi, alu ninga wutemi wangu si wa kononze ng'o.”

Walumi 12:2

Kanyhi mulece kwiga imikalile ya lulu ya mononze yiyi, langa u Mulungu yamupitulenyi mu zinhumbula zenyu ko kugapitula imahala genyu. Baho langa ho mosuma kuwumanya u wuhile wo Mulungu, no kuyizuka inghani yono swanu, yono yikumunojeza, kanyhi yono yikwilaniciye.

Wagalatiya 5:13

Hambi anye mo wandugu zangu, nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.