Maluko 10:24 - Luganuzi Luswanu Kuli Wanhu Wose 2002

²⁴ Ne wejizwa wakezina muno so zinghani zakwe. Yesu yakawalonjela kanyhi, yakatya, “Nyo wanangu, kukamu muno kuwinjila mu Wutemi wo Mulungu!

I CILAGANE CIPYA 1991

²⁴ Ne wejizwa wakezina muno so zinghani zakwe. Yesu yakawalonjela kanyhi, yakatya, “Nyo wanangu, kukamu muno kuwinjila mu Wutemi wo Mulungu!

Maluko 10:24 ပူးပေါင်းရင်းမြစ်များ

Zabuli 17:14

Gwe go Muwaha Mulungu, wumhonyaje no muwoko wako kuli wanhu wawo, i wanhu wono walangaga za mu sawo ya mononze yiyi du. Wuwalipicizaje kwe magayo gono wawawicila, gawe gawakwiliye ne wana wawo, wawalecele sunga ne wezukulu zawo.

Zabuli 52:7

“Lanjenyi ta zono zimwagane munhu ayu! Mwene si yenda Mulungu yawe wutizizo wakwe, langa mwene yaketumbila winji we sawo yakwe, no kuwulondola mumo wihundiko wakwe!”

Zabuli 62:10

Mulecele lukulu kwitumbila wuhizi, hamba kwikumizya sawo yo wuhizi, kanyhi mulece kuzitumbila zisawo hamba ziwe zonjezece muno.

Zimbazi 11:28

Nawo wono wetumbiye zisawo zawo, wololagala nhe mahamha mwi'bahu. Ninga we ling'ani womoteswa nhe mahamha mwi'fuku.

Zimbazi 18:11

Nawo wagoli, wawonaga nha vyono, sawo yawo yosuma kuwadima nhe lilulu litali, kanyhi nhe majinji matali, gono gali vilungo, gono galipilime likaya.

Zimbazi 23:5

Hambi sawo, nha yopuluta musunho kotya yina mabawa no kuguluka nha 'ndi.

Yelemiya 9:23

U Muwaha Mulungu yakutya nhavi, “I wanhu we mahala, walece kwikumya so mahala gawo, hamba wono wena vilungo, ku soko ye vilungo vyawo. Nawo i wagoli nhavivyo, walece kwikumya ku soko yo wugoli wawo.

Habakuki 2:9

Woyi hee kuli nye! Mono mwazigolifya zimhuga zenyu ne sawo yono muyibocile kwe vilungo, akuno mukuzinoza zikaya zenyu ziwe zipolile zisina mbali!

Zefaniya 1:18

Na mwi'zuwa lyono Muwaha Mulungu kololajila likuwo lyakwe, fweza ne zahabu zawo zose, hamba si zolowaponya yaye, hambi i yinze yose, nha yolowa yakondya kutakamizwa no moto we likuwo lyakwe. Hambi nha kolowadumya wanhu wose wono wekaye mono'nze, ko mudumyo wo wogofye wuwaha.

Matayo 19:25

Nawo i wejizwa waza kuzihulika zizo, wakezina muno muno, wakamuwuza, wakutya, “Alu yo nani mbi, mono kosuma kupona?”

Maluko 1:27

I wanhu wose wakezina, wakewuza wakutya, “Alo cici co cici? Ma, go mejizo mapya lo? U Munhu ayu, yena wulajilize wo kugalajiliza i macisi mavu, sunga nago gakumuhulika!”

Maluko 10:23

Yesu yakalanga kose kose, yakawatya iwejizwa wakwe, “Nha kukamu ta kuli wagoli, kuwinjila mu Wutemi wo Mulungu.”

Luka 16:14

Ninga Wafalisayo wali weza kuzihulika zizo zose, vyono wene wali wendile muno sawo, wakamubedegala Yesu.

Yohana 13:33

“Wanangu, cowezana nanye hadodo vivi du. Monondola, Ninga nalu nghumulonjelenyi nha vyono nawalonjela iwalongola we Wayahudi, ‘Ane kono nghubita, anye si mosuma kuza.’

Yohana 21:5

Baho Yesu yakawawuza, yakutya, “Alu wazelelo, mukali nebata hamba cinji hongo?” Nawo wakatya, “Heya, cikali nebata hamba cinji.”

Yohana 6:60

Holeka wenji wa muli wejizwa wakwe, waza kuzihulika zizo wakatya, “He, azi nghani nghamu! Nani'mbi mono kosuma kuzihulika?”

Wagalatiya 4:19

Mo wanangu, ane kanyhi nghumugazicilenyi muno nha vyono kagazikaga mucekulu mono yali magulu mazito mu cipango co kusawa, sunga Kilisito yalaza kuwa yalunzwa muli nyenye.

1 Timoteyo 6:17

Wuwalonjelaje iwanhu wagoli we vinhu vye mikalile ya lulu, walece kwidunhumula, hamba kuwika u witumbilo wawo mu sawo yono siyidahile kwitumbilwa, langa wamwitumbilaje Mulungu, mono ko wuswanu wakwe, kacipela i vinhu vyose civisangalalile.

1 Yohana 2:1

Mo wanangu nghumwandicilenyi zizi, ho mulece kwituma wubi. Ninga yisolaga munhu ketuma wubi, cina nayo yumonga mono kacilombelaga kuli Baba, yo Yesu Kilisito, mono yali ling'ani.

1 Yohana 4:4

Ninga anye mo wana, muli wo Mulungu, kanyhi mwakondya kuwasuma wawo wawizi wo wulambi, hambi Muhe mono yali muli nyenye, nha yali vilungo muno muno, kuciza muhe mono yali muli wene, vyono wene wawo wo wanhu wa kononze.

1 Yohana 5:21

Mo wanangu, mwilegaje ne milungu yo wulambi!

Wugubule 3:17

Agwe wukwiyitya, ‘Ane nili mugoli, nina vinhu vyose, hamba si nyanjize cinji co cose.’ Kumbe si wumanyile vyono agwe wuli musocele, kanyhi wuli munhu wo kuwonelwa lusungu, wuli muciwa, kanyhi wuli mubofu, kanyhi wusawuce!