Maluko 10:1 - Luganuzi Luswanu Kuli Wanhu Wose 2002

¹ Nayo Yesu yakawuka baho, yakabita ku yisi ya Yudiya, sunga ko ku nhumbi nzagwe ye likolongo lya Yoludani. Ilipuga lye wanhu likamuziza kanyhi, nayo yakawejiza kanyhi nha vyono yali yazoweye.

I CILAGANE CIPYA 1991

¹ Nayo Yesu yakawuka baho, yakabita ku yisi ya Yudiya sunga ko ku nhumbi nzagwe ye likolongo lya Yoludani. Ilipuga lye wanhu likamuziza kanyhi, nayo yakawejiza kanyhi nha vyono yali yazoweye.

Maluko 10:1 ပူးပေါင်းရင်းမြစ်များ

Muganuzi 12:9

Nayo Muganuzi ku soko ye mahala gakwe, yakajendelela kuwejiza wanhu zo wumanye wakwe. Yakazihwesa muno mu nhumbula yakwe, yakazilondola-londola no kuyimanya imbeka yazo. Hanyuma yakawa kuziloloseza mu wumanye wakwe.

Yelemiya 32:33

Hambi nha wakondya kundeka 'ne, hamba niwe neyoha muno kuwejiza, ninga wene hamba si wahuliciza 'ne yaye, hamba kwiyijiza kose.

Matayo 26:55

Lo lulo lulo, Yesu yakawa kulilonjela ilipuga lye wanhu wono wazaga ho wamwibate, yakawatya, “Alu mwene ho muza kunyibata akuno mwina ne mimaje ne zinhumbi, kotya ane nha nili muhizi? Alu ane, nha nhondo zose nali kuwezaga hamonga nanye mu Nyumba yo Mulungu nghwijiza, nanye kumbe hamba si mwanyibata!

Matayo 4:23

Yesu yapilimaga mose mu yisi ya Galilaya, yakwijiza mu matang'anilo go wuhembelo, no kuluganula u Luganuzi Luswanu lo Wutemi wo Mulungu. No kuponya i mawala gose go wutamwa no wunyenyanjice wa muli wanhu.

Maluko 1:21

Wakafika mwikaya lya Kapelanawumi, na mwizuwa lye Sabato, Yesu yakenjila mu nhang'anilo yo wuhembelo, yakanza kwijiza.

Maluko 10:2

Ale, Iwafalisayo wakamuziza, wakasaka kumujela, wakamuwuza, wakutya, “Wule, munhu yena wukombolwe yamupele u mugolece wakwe talaka.”

Maluko 12:35

Na lono Yesu yejizaga mu Nyumba yo Mulungu, yakawuza yakutya, “Alu nhawule iwejizi wo Wulajilize watezaga vyono Kilisito yo mwana wa Dawudi?

Maluko 14:49

Na kumbe nhondo zose nawezanaga nanye nghwijiza mu Nyumba yo Mulungu, ninga simwanyibata ng'o. Ninga alu yinojeye i Mandiko Gono Gelile gafisilizwe.”

Maluko 2:13

Yesu yakabita kanyhi ku nhumbi ye lilamba. Lipuga lye wanhu likamuziza, nayo yakanza kuwejiza.

Maluko 4:2

Nayo yakawejiza nghani nyinji mu vihwanicizo, na mu mejizo gakwe yakawalonjela, yakutya,

Maluko 6:2

Ne lizuwa lye Sabato lyaza fika, yakanza kwijiza mu nhang'anilo yo wuhembelo. Ne wanhu wenji wono wamuhulika wakezina, wakatya, “Alu kazisola hayi i zinghani zizi? Na mahalaci gaga gono yapejigwe? Kanyhi, yakwituma wule i metumo gaga mawaha go wizine gono yakwituma?

Maluko 6:34

Nawo wali weza kutima hasi ye ngalawa, Yesu yakagawona i mapuga mawaha ge wanhu, yakawawonela lusungu, hambi nha wali wenha zingholo zono zisina mudimi. Nayo yakanza kuwejiza nghani nyinji.

Maluko 6:6

Yakezina muno so wuleka kwihuwila kwawo. Ale, Yesu yakapilima mu vikaya vyono vyali vili behi behi, yakwijiza wanhu.

Yohana 10:40

Yesu yakabita kanyhi ku nhumbi nzagwe ya Yoludani, hono Yohana yabaputizizaga, yakekala kuko.

Yohana 11:7

Hanyuma yakawatya iwejizwa wakwe, “Ciwuye kanyhi ku Yudiya.”

Yohana 18:20

Nayo Yesu yakamupitula yakutya, “Ane nali walonjelaga wanhu wose nhondo zose cagalanze. Nane nali kwijiza hanji na hanji mu matang'anilo gawo go wuhembelo, sunga na mu Nyumba yo Mulungu, ihanhu hono wekongholelaga Wayahudi wose, hamba nghali si nalonga cinji co cose cinyele.