Malaki 4:4 - Luganuzi Luswanu Kuli Wanhu Wose 2002

⁴ “Ninga mukumbucile mejizo go mwitumami wangu Musa, hamonga no wulajilize, ne malajilizo gono namupelela kwi'tunda lya Sinayi, anye wanhu wose wa Isilayeli, mugebate.

Malaki 4:4 ပူးပေါင်းရင်းမြစ်များ

Isaya 42:21

U Muwaha Mulungu, yo Mulungu mono kezaga no wuhile wo kuponya, holeka yendile kuwukumya wulajilize wakwe hamonga ne mafundo gakwe kanyhi yendile ne wanhu wakwe wagakamise.

Isaya 8:20

Nanye muwapitule muwe kutya, “Ciba muzihulice zono Muwaha Mulungu yakumwijizenyi! Mulece kuwahulika i waganga wo wulambi. Hambi zizo zono wakumulonjelenyi, nha sizo-mutazenyi cinji yaye.”

Yelemiya 6:16

U Muwaha Mulungu yakuwalonjela wanhu wakwe yakutya nhavi, “Nye nyo wanhu wangu, ale mwime mu zinzila zimbaha, mulanje. Mukawuze zinghani zo wukolo we katali, muyiwone nzila yo mugoloka. Nanye muyikole nzila yiyo, holeka nanye mokwikala mupolile.” Ninga wene wakatya, “Ase calema, hamba si cokola mu nzila yiyo ng'o.”

Walumi 3:31

Alu cikuwitumamila u Wihuwilo ho ciwuwembule u Wulajilize? Aa, ng'o, langa cikuwukamya u Wulajilize.

Wukumbucize wo Wulajilize 4:10

ze lizuwa lyono anye mwema ha mwande yo Muwaha Mulungu, u Mulungu wenyu, he'tunda lya Sinayi, lono yanonjelela ane Musa, yakunyitya, ‘Wakongholelaje wanhu hamonga, hambi nha nghusaka wahulice zono nghuhila kulonga, ho weyijize kuwa ne cihuliko kuli'ne, mu vilo vyawo vyose vyo wikale wawo. Kanyhi ho wawejize ne wana wawo, nawo ho watyatye luzu lwawo.’

Wukumbucize wo Wulajilize 4:23

Holeka mwilanjilile, mulece kusemwa cilagane cono Muwaha Mulungu, u Mulungu wenyu yacinoza nanye. Kanyhi mweze ne cihuliko kuli ze lilajilizo lyakwe, mulecele lukulu kwinozeza nyo weneco cihwani co cose ciseswe.

Wukumbucize wo Wulajilize 5:2

Kanyhi mumanyile nha vyono, Muwaha Mulungu, u Mulungu wetu, yanoza cilagane ne walezi wetu he 'tunda lya Sinayi,

Wukumbucize wo Wulajilize 8:11

“Mulanjilile, mulecele lukulu kumusemwa Muwaha Mulungu, u Mulungu wenyu, mugebate malajilizo gakwe gose gono nghumupelenyi izuwali.

Wukumbucize wo Wulajilize 8:19

Holeka mulecele lukulu kumusemwa Muwaha Mulungu, u Mulungu wenyu, hamba kuyityatya milungu yinji no kuyihemba no kuyitumamila. Na hono mwijelele munoze nhavivyo, nghumusugulenyi izuwali vyono mbeka wose mokongomezwa.