Malaki 4:3 - Luganuzi Luswanu Kuli Wanhu Wose 2002

³ Na mwi'zuwa lyono nolokuziza kuwufisiliza wihuwizo wangu, anye molowasuma i wabi, nawo wolokwihwana manghundi hasi ye magulu genyu.

Malaki 4:3 ပူးပေါင်းရင်းမြစ်များ

Mwamulizo 3:15

Nane nowika wisule hagati yako no mucekulu yuyu, na hagati yo lulelo lwako no lulelo lwakwe, wowa wali wulugu. Lolokutijinha u mutwe, nagwe kolomuluma mu cising'anilo.”

2 Samwili 22:39

Nghawagwisa hasi, hamba si wosuma kwinuka kanyhi, heya, wagwa hasi ye magulu gangu.

2 Samwili 22:43

Nane nghawapondanga, wakawa nhe manghundi, nghawakanyanjila nha nhope ya mu nzila.

Jobu 40:12

Heya wuwalanje, wuwagwise hasi, no kuwakanyanjila iwabi kono wekaye.

Zabuli 147:6

Muwaha Mulungu kawasimyaga i wenenenyhezi ninga i wedunhumuzi, kawagwisaga.

Zabuli 49:14

Kuli wene, lifwa yo mudimi wawo, lyono lyowategula sunga ko ku citenjelo, nhe zingholo zono ziwiciywe kuwulagwa. Nawo we ling'ani, wokwilumbila muli wabi, i miwili yawo yilawa yeza kuwola kuko ku yisi ye wafu, kutali muno ne zikaya zawo zono wali wekaye.

Zabuli 91:13

Nagwe kogakanyanjila masimba ne mazoka, kozitijinha zinyana ze masimba ne mazoka.

Isaya 25:10

Muwaha Mulungu kolicitila litunda lya Sayuni, ninga i wanhu wa Mowabu, wokanyanjizwa ho hasi, nha vyono wagakanyanjilaga mabeleje gawa suji.

Isaya 26:6

Na wa walya wono wewonelwaga, alu wakugakanyanjila mucanyha yago wakugasambanjiza hasi ye magulu gawo.

I Cililo 1:15

“Hambi Muwaha Mulungu nha kawanoza vitung'ati wangu wawe si cinji kuli'ne. Hambi nha katuma wasilikale wawongomeza wazelelo wangu. Muwaha Mulungu kawakanyanjiza wanhu wangu, nha vyono wakobongaga zabibu mu ciya co kuminyila.

Ezekiyeli 28:18

Na ku soko yo wukwawi wako, wukahatajila wavufywe i hanhu hako hono helile. Na ku soko yiyo, nane nghakupembela mu moto wukatakamilila lukulu. Na wose wono wowa kukulanga, wowona nha vyono weza mavu du.

Danyeli 7:18

Nawo i wanhu wo Mulungu Mono Yalawiliciye, wolowubocela wutemi, no kutema cibitilila.”

Danyeli 7:27

Baho, i vilungo no wuwaha wo wutemi wose wa mono'nze, wolopegwa i wanhu wo Mulungu Mono Yalawiliciye. Ne vilungo vyo wutemi wawo, si viladuma yaye. Ne watemi wose wa mono'nze, wolowetumamila no kuwahulika.”

Mika 5:8

Nawo wo lulelo lwa Yakobo wono wolowa wakali wasigaye mumo mu makungugo, wolowa nha simba yono yili mu mbago mu wupelembi, hamba mu wudimilo, yikwagana zingholo no kuzizumhila no kuzihawanga, hawa hasina hamba no witumbilo wo kupona yaye,

Mika 7:10

Nawo walugu wetu, woloziwona zizi wakolwe cevu. Ne walugu wanji wolocilonga wawe kutya, “Alu yali hayi u Muwaha Mulungu, u Mulungu wenyu?” Nase colowawona wakondya kusumwa, wakukanyanjilwa hasi nhe madabaga, mu zinzila za mwi'kaya.

Zakaliya 10:5

Ne wanhu wa Yuda wowa no wusume, kotya nha wasilikale wono wakuwakanyanjila i walugu wawo, mu matope ga mu zi nzila za muwulugu. Kanyhi wowahoma, hambi Muwaha Mulungu nha yali hamonga nawo, kanyhi wowasumiza sunga walugu wawo i wajendela zifwalasi.

Malaki 3:17

Nayo Muwaha Mulungu we mihanga yakutya, “Wawo wo wowa wanhu wangu. Na mwi'zuwa lyono nolofisiliziza wihuwizo wangu, i wene wolowa wanhu wangu. Nane nowawonela lusungu, nha vyono sogo yo munhu kamuwonelaga lusungu, mwana mono yakumwitumamila.

Walumi 16:20

Nayo u Mulungu mono yo mwamulizo wo mulamu, sikocela kumuponda Setani hasi ye migulu yenyu. Ilihewa lyo Mutwa, wetu Yesu Kilisito, liwezane nanye.

Wugubule 11:15

Hanyuma, nayo malayika wo mupunghati yakayitowa ndulele yakwe. Ne mazi mawaha gakahulikwa ku wulanga gakutya, “Alu u wutemi wa mononze, weza wo Muwaha wetu na Kilisito wakwe. Nayo kotema cibitilila ne cibitilila.”

Wugubule 14:20

Zabibu zikawa kuminyilwa mu ciya cico co kukobonjela zabibu, cono cali kunze ye likaya, sakami yikalawila mu ciya cico, musululuzi mutali wukafika nha kilometa magana madatu, no wung'welele wo kubita hasi nha mita nyejete.