Malaki 4:1 - Luganuzi Luswanu Kuli Wanhu Wose 2002

¹ U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Malaki 4:1 ပူးပေါင်းရင်းမြစ်များ

Jobu 18:16

Milela yakwe hamonga ne manhambi gayo, vyonyala.

Zabuli 119:119

Wukuwawusa wabi wose we'nze nha takataka, holeka ane niwendile wutonji wako.

Zabuli 37:9

Ne wanhu wose i wetuma zimbi, nha wokongomezwa, langa wono wamwitumbiyo Muwaha Mulungu, wo wohala yisi.

Wutuluce 15:7

Nagwe ko wuwaha wako wo wizine, kuwongomezaga wose wono wakukupingapinga, kuwaputilaga wukali wako, wuwa kuwaticimiza kotya mabeleje makavu.

Isaya 40:24

Wakuwa wehwanile no mubici mudodo wono wukuhadikwa no kucindicila mulungu-yeye. Nayo Muwaha Mulungu kawa kuleta libeho, nawo wuwa kunyala no kupemheluswa ne libeho nhe mawaje.

Isaya 41:2

Mwene nani lo mono yaleta wusume ku wulawa kucilima no kumupela vilungo vyo wusume hanhu ho hose hono yakubita? Hamba nani mono kamupelaga vilungo vyo kuwasumila watemi, hamonga ne makungugo? No mumaje wakwe, wukuwatemanga wagwa ho hasi, wawa nha manghundi. Ne zisonga zakwe zikuweyagaza nhe mawaje, gono gakupemheluswa ne mbeho.

Isaya 47:14

“Ninga wumanye vyono wawo wose wokwihwana mawaje no moto wowakongojeza wose! Nawo hamba si wolosuma kwiponya wali wene yaye hambi malambi go moto nha golowasumiza, holowa hasina kanyhi moto wo kota, ho watuje civuce.

Isaya 5:24

Na ku soko yiyo, nha vyono lilambi lyo moto, ligatakamizaga mahanze, na kanyhi, nha vyono mahanze gono ganyalile, gatakamilaga mu malambi go moto, ale, nhavivyo, ne lisina lyenyu nalyo lyowola, ne maluwa gayo nago gonyala, gapemheluswe ne mbeho, hambi nha mwazilema zo wulajilize wo Muwaha Mulungu u Mudaha vyose, u Mulungu we mihanga, u Mulungu mono yelile we Waisilayeli, zono yacijiza 'se.

Isaya 9:18

No wubi we wanhu, wunyanyaga nha moto, wono wutakamizaga masanzu ne mamivya. Wutakamizaga nha mbago yono yikolelezwe moto, nawo wukwaka, ne malambi gayo gapunaga kucanyha gepalinjile nhe 'sumbili lya lyosi.

Isaya 9:19

Alu, na vyono Muwaha Mulungu we mihanga yakoligwe likuwo, holeka no wulipicize wakwe wukutakamiza nha moto mu yisi yose, no kuwongomeza wanhu. No munhu wo wose kokwimanyilila mweneco.

Ezekiyeli 20:38

Nolowawusiza lukulu muli nyenye, i wabedegazi wose kanyhi i wetuma wubi. Nolowawusiza lukulu mu zi'si, mono wekaye luno, ninga si wolowuyila lukulu kanyhi mu yisi ya Isilayeli. Nanye baho nhondo ho molomanyila vyono ane yo nene Muwaha Mulungu.”

Ezekiyeli 21:32

Nagwe kokongomezezwa mu moto. Ne sakami yako, yomwajicila mu yisi yako. Na ku wulawa lulo, howa hasina kanyhi mono kolokukumbucilila lukulu.” Vyo yakutya u Muwaha Mulungu.

Ezekiyeli 24:11

Hanyuma wuyijelece mu moto yiyo sufuliya ye shaba, yono yisina cinji mugati yayo, wuyilece yipye sunga yidunghuwale. Nawo wavufwe wayo, hamonga ne nghangaga yayo, vyowa vyakondya kukongojela, nayo yowa yezwa kanyhi,

Ezekiyeli 34:17

Alu ane no Muwaha Mulungu, nghumulonjelenyi anye nyo litewa lyangu nghutya nhavi, ane nolomuling'anizenyi nyenye wose, munhu na lwakwe, nimutemanulenyi i waswanu wawuce muli wabi. Nazo zingholo nizikome ziwuce mu zimhene.

Ezekiyeli 7:10

Langa ta, lizuwa lye magazo lyeza kumuzizenyi 'nye nyo Isilayeli. Woyi he kuli'nye so magazo gago mawaha. Hambi wiwoni wenyu nha woduma.

Yoweli 2:1

Towenyi ndulele ye citanjilo mu Sayuni, mwi'tunda lyono lyelile lyo Muwaha Mulungu. Wanhu wose mono mwikaye mu Yuda, mucicime. Hambi lizuwa lyo Muwaha Mulungu nha likuza, kanyhi lyasejelela.

Yoweli 2:31

Lizuwa yolotukuwala, no mwezi nawo wolopituka wuwe mudunghu nha sakami, lono likali sinafika lizuwa lyo kogofya lyo Muwaha Mulungu.

Amosi 2:9

“Holeka, 'nye nyo wanhu wangu, ku soko yenyu, yo yaleka nane nghawongomeza lukulu Waamoli, wanhu wono wali watali kotya mibici ye mihagata, kanyhi we vilungo kotya mibici ye minghola.

Obadiya 1:18

Wanhu wa Yakobo ne wanhu wa Yusufu, wolowa nha moto, wolowahodanga wanhu wa Esawu kotya nha moto wono wukutakamiza lisici. Nawo wo lulelo lwa Esawu, hasina hamba monga mono yalasigala. Ane no Muwaha Mulungu vyo nghutya.

Nahumu 1:10

Nanye mo wagalo 'jimbi, molotakamizwa nhe mamivya gono gedawilize ne mahanze makavu.

Zefaniya 1:14

Lizuwa liwaha lyo Muwaha Mulungu, lili behi kuza, likuza mbela mbela! Ne lizuwa lilyo lyolowa yizuwa lyo wusungu, hamba ne wasilikale we vilungo wololila so wuwula witumbilo!

Zefaniya 1:18

Na mwi'zuwa lyono Muwaha Mulungu kololajila likuwo lyakwe, fweza ne zahabu zawo zose, hamba si zolowaponya yaye, hambi i yinze yose, nha yolowa yakondya kutakamizwa no moto we likuwo lyakwe. Hambi nha kolowadumya wanhu wose wono wekaye mono'nze, ko mudumyo wo wogofye wuwaha.

Zakaliya 14:1

Lanjeta! Lizuwa lyono Muwaha Mulungu kolokwikala mwi'goda lyakwe lyo wuling'anizi, nha lili behi. Baho Yelusalemi yolotekwa. Ne mateka wose wologawilwa ha mwande ye meso genyu.

Malaki 3:15

Ninga nha vyono ase cikuwona, i wanhu wevuni wo wawo wono wekalaga wena nyemo. Ninga i wanhu wabi, si vyono wakumota du, langa kanyhi wakuwa kumujela Mulungu wukangalizi wakwe mu metumo gawo mabi, nawo wakupona.’ ”

Malaki 3:18

Kanyhi i wanhu wangu, ho wolowuwonela wisimajile wono wolowa, kuli we ling'ani na kuli i wanhu wabi, na kuli munhu mono yakunyitumamila, na kuli yulya mono si yakunyitumamila'ne.”

Malaki 3:2

Nani 'mbi mono kolosuma kukangalila mwi'zuwa lilyo lyo wuze wakwe? Hamba nani mono kolosuma kwima kolo yakwijela mwene? Hambi mwene nha kolowa nha sabuni yono yikukanza myenda, kanyhi kolowa nha moto wono wukukwema fweza.

Malaki 3:3

Kolokuza yaling'anize kotya mono yakukwema fweza no kuyeza. Kotya mono yakwituma mulimo wo kukwema fweza na zahabu. Nayo mutumwa wo Muwaha Mulungu, koloweza wakohani, ho wasume kutegula kuli Muwaha Mulungu, i vilavywa vyono vikwilaniciye.

Malaki 4:5

“Ninga lono likali si naza lizuwa lilyo liwaha lyo wogofye lyo Muwaha Mulungu, ane nomutumilenyi muwizi Eliya.

Matayo 3:12

U mwene yebate u luheneko mu mawoko gakwe, ho yezeze lukulu icuga cakwe, no kuwututicila u wuhemba mu nyumba yakwe, ninga i mawaje kogaticimiza no moto wono si wuzimaga.”

Luka 19:43

Hambi vilo nha vyolokuziza, lono Walugu wako wolokupilima no kukutejela kose kose.

Luka 21:20

“Ninga kolo mukuwona Yelusalemi yipilimwe ne walugu, ale, mumanye vyono wongomezwe wayo wasejelela.

Luka 6:23

Mu cidaha cico zilakwijela zizo, nhondo muze musecelele mwizuwa lilyo so nyemo. Hambi wuhumbilizwe wenyu nha wuwaha ku wulanga. Hambi walezi zawo nha vyo wawatendela i wawizi.

2 Watesalonike 1:8

hamonga ne malambi go moto, ho yawalipicize wawalya wose wono wakumulema u Mulungu, na wawalya wono si wakuluhulika u Luganuzi Luswanu lo Muwaha wetu Yesu.

2 Petelo 3:7

Ninga wulanga ne yinze za lulu mbikwe ne nghani yo Mulungu, ziwiciywe moto. Ziwicigwe ku soko ye lizuwa lililya lono wanhu wono siwamogopile Mulungu wololing'anizwa no kongomezwa.