Malaki 3:8 - Luganuzi Luswanu Kuli Wanhu Wose 2002

⁸ Ale nane nghumuwuzenyi nghutya, wulenyi, yili viswanu munhu yamukonje Mulungu? Ng'o, si yowa viswanu. Ninga hamba nhavivyo anye mukunghonga 'ne. Kanyhi mukuwuza mukutya, ‘Alu cikumukonga nhawule?’ Mukunghogela mu nzila yo wulavya zaka ne vilavywa.

Malaki 3:8 ပူးပေါင်းရင်းမြစ်များ

Zabuli 29:2

Likumyenyi litagwa lyo Muwaha Mulungu, mumuhembe Muwaha Mulungu lono yakwilajila.

Zimbazi 11:24

Ko wali wanji wono wetumamilaga sawo zawo nha vyono wendile, ninga vyo wakucila kugolipa du. Na ko wali wanji wono wetumamilaga sawo yawo ko wulanjilizi muno, ninga vyo wakucila kuciwapa muno.

Isaya 43:23

Hamba si mwasakaga no kundavizya vilavywa vinyanywe vye zingholo, hamba si mwali mwendile kumhela cogopo mu nzila ye makumbiko genyu. Ane nha si namukatazajenyi so wusaka kuli'nye vilavywa, hamba kumukatazajenyi so wufusa wuvumba.

Walawi 19:25

Ninga mu mwaka we 'hano, mosuma kulya mana ge mibici. Na hono munoze nhavivi, mibici yenyu yolela mana kuciza. Ane yo nene Muwaha Mulungu wenyu.

Zakaliya 5:3

Baho yakawa kunonjela yakatya, “Mu citabu cici mo wandicigwe wulijitwe wono wobita mu yisi yose, no lubavu luyagwe lwe citabu, lukutya vyono, i wahizi wose wa mu yisi yiyi, wowuswa mu yisi. No lubavu luyagwe nalo, lukutya vyono, na kuli munhu wo wose mono kokwilahiza ko wulambi, nayo kowingwa.

Malaki 1:13

Akuno mukutya, “Ka! Lanje ta nghani ayi vyono yacikataza! Akuno mukunyile ne zimhula zenyu ku soko yangu. Na kuno mwandetela vilavywa vyenyu vyo mutugo wono muhize, kanyhi wina cilema na kanyhi wutamigwe, hambi nha vyo vilavywa vyono mukundetela. Alu mukwihwesa vyono 'ne, hongo nosuma kumubocelenyi vilavywa vye liwala lilyo mbi?

Malaki 1:8

Alu mwene lono mukundetela cilavywa co mutugo wono wuli cibofu, hamba wono wutamigwe, hamba we cilema, muwa kundavizya likumbiko, mukwihwesa hongo vyono kusina yisutya mu nghani yiyo? Mujele ta kumupela u mulongola we'si, mitugo yono yinha nhavivyo! Wule, mukwihwesa kokwendezwa nanye no kumulumbenyi?”

Matayo 22:21

Nawo wakamupitula wakutya, “Vya Kayisali.” Baho nayo Yesu yakawatya, “Ale mupelenyi Kayisali vyakwe Kayisali, nayo Mulungu, ivyakwe Mulungu.”

Maluko 12:17

Yesu yakawatya, “Mumulavizye Kayisali vyakwe Kayisali, nayo Mulungu vyakwe Mulungu.” Wakamwizina muno.

Luka 20:25

Nawo wakatya, “Vya Kayisali.” Yesu yakawatya, “Ale mumulavizye Kayisali vyakwe Kayisali, no Mulungu vyakwe Mulungu.”

Walumi 13:7

Mumupelaje munhu wo wose vye ling'ani yakwe, munhu we kodi, mu mupelaje kodi yakwe, nayo munhu we lilumbo mumupelaje lilumbo, lyakwe.

Walumi 2:22

Wukulonga wukutya, “Mulece kusenyha.” Na akuno gwegwe go mweneco wukusenyha, si wuvyendile vihwani vye milungu, ninga go mweneco wukwiwikaniza kuhiza mu zinyumba ze milungu.

Yoshuwa 7:11

Isilayeli lu, wakondya kwituma wubi! Kanyhi wakondya kubena ne cilagane cangu cono nawalonjela webate. Hambi nha wasola vinhu vyo mwiko, vyono vyawagwa ho vyongomezwe, wakondya kuhiza, wavihundika no kuviwika hamonga ne vinhu vyawo.