Malaki 3:7 - Luganuzi Luswanu Kuli Wanhu Wose 2002

⁷ Anye, mwihwanile ne walezi wenyu walongola, wagabedegala malajilizo gangu, hamba kugebata yaye. Ale mbuyilenyi nene, nane nomuwuyilenyi nanye. Ninga hono mutye, ‘Alu citende wule ho cisume kukuwuyila?’

Malaki 3:7 ပူးပေါင်းရင်းမြစ်များ

Nehemiya 9:26

“Ninga hamba nha vivyo i wanhu wako siwakuhulika yaye. Wene wakakugaluka, wakataga ne malajilizo gako. Wakawawulaga sunga ne wawizi wono wawasugulaga, no kuwalonjela wakupitucile gwegwe. Wakakutovula kenji na kenji.

Isaya 65:2

Nane nha niwikanize du nhondo zose ho niwabocele wanhu wangu wono wasina cihuliko, kanyhi wendile kwituma zimbi nha vyono wendile weneco, no kubita kono wendile.

Yelemiya 16:11

Nagwe wuwapitule, wuwalonjele zono u Muwaha Mulungu yakulonga yakutya nhavi, ‘I walezi wenyu, wandeka ane no Mulungu wawo, wakawa kuyihemba milungu yinji, no kuyitumamila. Wakalemela lukulu no kugahulika i mejizo gangu.

Yelemiya 16:12

Anye nanye luno mwetuma vibi muno kuciza ne walezi wenyu. Nanye wose, mweza musina hamba cihuliko, kanyhi mweza muli wanhu wabi muno, hamba si mukusaka kuwa na cihuliko kuli'ne yaye.

Yelemiya 3:22

Holeka anye wose, mono mwali mwakondya kumuleka u Muwaha Mulungu wenyu, alu mumuwuyilaje nhondo. Nayo komuponyenyi, no kumunozenyi muwe wehuwilwa kuli mwene. Nanye mukutya, “Heya cikuza kuli'gwe go Muwaha Mulungu, hambi 'gwe nha yo gwegwe go Muwaha Mulungu wetu.

Yelemiya 7:25

Na ku wulawa lono i walezi wenyu wawucila mu yisi ya Misili, nghali niwatumaga kuli'nye wetumami wangu i wawizi sunga nalu.

Yelemiya 7:26

Ninga hasina hamba munhu monga, mono yawahulika, hamba kuzicelelela bwete zono wazilongaga. Ninga 'nye mukajendelela kuwa musina cihuliko kuli'ne, no kuwa wabezi muno si nhe walezi wenyu.

Ezekiyeli 2:3

“Gwe go munhu, ane nghukutuma kuli wanhu wa Isilayeli. Hambi nha wambedegala no kundeka, kanyhi vyo wakali wakumbedegala du, nha vyono wali wambedegaye i walezi wawo.

Ezekiyeli 20:13

Ninga hamba nhavivyo, wene wakewubavya mu nyika, wakeyavufya. Wakawubena wulajilize wangu, wakagalema malajilizo gangu, gono gamupelaga wumi munhu wo wose mono yakugebata. Wakazavufya ne zisabato zangu. Sunga nhondo nasakaga niwalajile likuwo lyangu vyono linha, niwongomezeze mumo mu nyika.

Ezekiyeli 20:21

“Ninga hamba nhavivyo, ne likungugo lilyo nalyo, wakalema kuhulika 'ne. Wakawubena wulajilize wangu, hamba si wagebata ne malajilizo gangu yaye, gono gamupelaga wumi u munhu wo wose mono yakugebata. Kanyhi wakazavufya Sabato zangu. Nane ku soko yiyo, nasakaga niwalajile likuwo lyangu vyono linha, niwawulajile mumo mu nyika, niwongomeze wose.

Ezekiyeli 20:28

Ninga nane, lono nawenjiza mu yisi yono nali nehuwiza nha vyono nowapela. Nawo wali weza kugawona matunda matali, hamonga ne mibici yono yidedewaye, ati hodu, wakawa kuvilavizya makumbiko. Nane nhondo, ho wakanghoza likuwo muno, so makumbiko gawo manyanywe, hamonga ne divayi yono wayilavya.

Ezekiyeli 20:8

Ninga wene wakebavya, hamba si wenda no kuhuliciza yaye. Hamba si waviwusa vihwani vye milungu yawo ye mawifyo, hamba kuyileka i milungu ye Wamisili yaye. Sunga nhondo, nasakaga niwalajile likuwo lyangu liwaha, kuko ku Misili.

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Zakaliya 1:3

Ninga 'lu nghumutyenyi, mbuyilenyi, nane nomuwuyilenyi nye.”

Malaki 1:6

Muwaha Mulungu we mihanga yakuwatya wakohani, “Mwana kamogopaga sogwe, no mutumwa nayo kamogopaga u muwaha wakwe. Ane nili sogo yenyu, alu nhawule si mukunyogopa? Nane ho nili mutwa wenyu, alu nhawule nha si munyogopile, langa mukunyihepa? Akuno kanyhi mukuwuza ti mukutya, Cikukwihepa wule?

Malaki 3:13

Muwaha Mulungu yakutya, “Anye mwalonga nghani zo wogofye muno kuli'ne. Ninga kanyhi mukuwuza ti, mukutya, ‘Alo 'se cakulonga nghanici?’

Matayo 23:27

“Woyi he, kuli'nye mo wejizi wo Wulajilize ne Wafalisayo mo wakoci! Anye, mono mwihwanile vitenjelo vibakwe swakala, vyono kunze vijelaga viswanu muno muno, ninga mugati, mbeka vimemile mafupa ga wono wafwa, ne takataka yose.

Luka 15:16

Nayo yasulumilaga yegutye yinda yakwe ne salagunga yono galizaga magubi; hamba yunji si yamupela cinji co kulya.

Walumi 10:21

Ninga kuli Isilayeli, yakutya, “Misi yose nghawagololela imiwoko yangu nghuwacemela u kwangu, I wanhu we cibede kanyhi wono wasina cihuliko.”

Walumi 10:3

Hambi nha si wamanya vyono u Mulungu kawanozaga wanhu, ho wavumilwe hali mwene, wene wakajela kwinozeza nzila yawo weneco, holeka si wasuma kuyivumila inzila yiyo yo Mulungu, yono yowanoza ho wavumilwe hali mwene.

Walumi 7:9

nane ha mwamulizo, nekalaga mumi hono hasina Wulajilize, ninga ililajilizo lyali lyeza kuza, uwubi wukawumipa,

Wukumbucize wo Wulajilize 31:20

Ho yiwe kolo nawenjiza mu yisi yono yina moso, yisi yono nehuwiza vyono nowapela i walezi wawo, nawo kolo walya vya mumo weguta, kanyhi wajina, ninga woloyiwuyila milungu yinji wayihembe no kuyitumamila, wolondeka no kucibena cilagane cangu kuli wene, hambi lu kanyhi nha wakondya kwiguta.

Yakobo 4:8

Mumusejelelaje Mulungu, nayo komusejelelenyi. Kwemenyi miwoko yenyu nyo wahodanji! Mweze zinhumbula zenyu nyo wakoci!