Malaki 3:6 - Luganuzi Luswanu Kuli Wanhu Wose 2002

⁶ “Ane yo nene Muwaha Mulungu, mono sina cipitupitu yaye. Holeka nanye nyo lulelo lwa Yakobo, mukali si najililila lukulu ng'o.

Malaki 3:6 ပူးပေါင်းရင်းမြစ်များ

Mwamulizo 15:18

Na mwi'zuwa lilyo, ho Muwaha Mulungu yacinozeza i cilagane cakwe na Abulamu, yakumutya, “Gwe Abulamu, ane nowapela u lulelo lwako yisi yiyi, ku wulawilila kwi ‘kolongo lya Nile lya Misili, sunga ko kwi’ kolongo lililya liwaha lya Fulata.

Mwamulizo 15:7

U Muwaha Mulungu yakamulonjela Abulamu, yakatya, “Ane yo nene Muwaha Mulungu mono nakuleta bahano ku wulawa ku Uli, likaya lye Wakalidayo, ho nghupele yisi yiyi yiwe yako.”

Mwamulizo 22:16

yakatya, “U Muwaha Mulungu yakutya nhavi, Nilahiza nene no mweneco vyono, ku soko vyono witumile nhavivi, hamba siwunemeze u mwanago we ciwene,

Zabuli 102:26

Azo zokwajilila no kusakala nha mwenda, nazo zopuluta no kwajililila lukulu, ninga agwe kosigala baho du vyo winha.

Zabuli 102:27

Hambi agwe, nha yo gwegwe du cibitilila, no wikale wako wusina ndumo.

Zabuli 102:28

Ne wana wetu wokwikala wapolile, ko wudimi wako, ne wana wawo nawo, wowa wakamile hali'gwe.

Zabuli 103:17

Ninga lusungu lo Muwaha Mulungu, lwikalaga cibitilila, kuli wose wono wamogopile, no wuswanu wakwe wikalaga mu zindelo zose,

Zabuli 78:38

Ninga hamba nhavivyo, Mulungu yakawa yali lusungu, yakawanenela wubi wawo, hamba si yawongomeza yaye. Yeyimila likuwo lyakwe kali kenji, hamba si yalileceleza likuwo lyakwe limukole muno.

Zabuli 78:57

Wakawa wasina cihuliko, hamba kuwa wehuwilwa, wakawa nha vyono wali wenha walezi wawo, wakayumba-yumba nhe songa yono si nghangale.

Isaya 41:13

Ane yo nene Muwaha Mulungu, u Mulungu wenyu, mono nghumusikamyenyi nghutya, Mulece kogopa, ane nomutazenyi.”

Isaya 44:6

Nayo Muwaha Mulungu mono yatemile, kanyhi mono kawadimaga Waisilayeli u Muwaha Mulungu we mihanga, yakutya nhavi, “Ane yo nene mulongozi, na wo mundumo, ane mono nili Mulungu nili wene, na hasina kanyhi mulungu yunji langa nene du.

Isaya 46:4

Ane yo nene Mulungu wenyu, nane nomukamisenyi, na mu wukombi wenyu sunga zimwi zicindice ane nomudimenyi. Hambi nha yo nene mono namuwumbenyi, holeka nomudimenyi kanyhi nomupelenyi wutazi no kumuponyenyi.”

Yelemiya 32:27

“Ane yo nene Muwaha Mulungu, u Mulungu we wanhu wose. Holeka hasina nghani nghamu yono yonemela 'ne.

Danyeli 6:26

Nene Daliyo, nghumulajilizenyi anye wose wa mu wutemi wangu, vyono wanhu wose, munojeye mumogope no kumupela cogopo Mulungu wa Danyeli. “Mwene yo Mulungu mumi, Mono kolotema cibitilila. No wutemi wakwe, siwulahodanjika yaye, ne vilungo vyakwe sivyoloduma yaye.

Hoseya 11:9

Holeka si nomulipicizizenyi mwi'kuwo lyangu ng'o. Hamba sinoyongomeza Isilayeli kanyhi. Hambi 'ne nha nili Mulungu, hamba si nili munhu yaye. Ane yonene Mono Yelile, mono nili hamonga nanye. Hamba sinomuzizenyi mwi'kuwo lyangu yaye, ho nimongomezenyi.

Habakuki 1:12

Muwaha Mulungu ku wulawa mwamulizo yo gwegwe Mulungu, agwe yo wuli Mulungu wangu, mono welile na we cibitilila, Muwaha Mulungu wangu no mudimi wangu. Alu wawahagula i Wababiloni no kuwanoza wawe ne vilungo, ho wasume kucilipiciza ase.

Wuwale 23:19

Mulungu si yehwanile wanhu wono walambaga. Hamba si yehwanile wuwe wo wuhile wo munhu wono wupitukaga, Ninga mwene ketumaga zose zono yehuwize, Mwene kalongaga ko mulomo, nazo ziwa kwijela.

Walumi 5:10

Hambi ase lono cali cikali cili sili nayo, u Mulungu yakacilamulila mu wufwe wo mwanagwe. Naluno vyono cakondya kwilamula no mwene, yili calinze vyono coponywa so wumi wa Kilisito.

Wafilipi 1:6

Holeka nitumbiye vyono, u Mulungu mono yawanza u mulimo wuwu muswanu muli nyenye, kowujendeleza sunga ko ku wukondelecele mwi'zuwa lilya lya Kilisito Yesu.

Wahebelaniya 13:8

Yesu Kilisito yo yuyo du igolo ne zuwali, na ku cibitilila.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli ha mwande yetu.

Yakobo 1:17

Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo yo munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

Wugubule 1:8

“Ane yo nene wo Mwamulizo na wo Mudumo,” vyo yakutya Muwaha Mulungu u Mudaha Vyose, mono hoyuli, mono yali ho yali, na mono yakuza.

Wugubule 22:13

Ane yo nene wo Mwamulizo na wo Mudumo, u Mulongozi na wo Mudumo.”

1 Samwili 15:29

Hambi Muwaha Mulungu mono mwene, wo lukumyo, lwe Waisilayeli, nha si kalongaga zo wulambi, kanyhi yasina cipitupitu mu mutima wakwe.” Hambi mwene nha si munhu yaye ho yawe ne cipitu-pitu.