Malaki 3:3 - Luganuzi Luswanu Kuli Wanhu Wose 2002

³ Kolokuza yaling'anize kotya mono yakukwema fweza no kuyeza. Kotya mono yakwituma mulimo wo kukwema fweza na zahabu. Nayo mutumwa wo Muwaha Mulungu, koloweza wakohani, ho wasume kutegula kuli Muwaha Mulungu, i vilavywa vyono vikwilaniciye.

Malaki 3:3 ပူးပေါင်းရင်းမြစ်များ

Zabuli 116:17

Holeka nane lu, nokulavizya likumbiko lyo wulumbe, kanyhi nowa nghogopile muno muno.

Zabuli 4:5

Mulavye makumbiko go wiling'ano, akuno mukumwitumbila Muwaha Mulungu.

Zabuli 4:6

Kowali wenji wono walombaga wakutya, “Gwe go Muwaha Mulungu, wucimotyaje muno muno! Kanyhi wucilanje ko lusungu!”

Zabuli 50:14

Lilumbo lyako, liweze lyo likumbiko lyako, kuli Mulungu wumufisilizize wilahe wako, u Mulungu Mono Yalawiliciye Muli Vyose.

Zabuli 50:23

Nayo mono yakumhela lilumbo liwa lyo likumbiko lyakwe, yuyo langa yo yanyogopile, no munhu wo wose mono yakuhulika ane, nane nomuponya.”

Zabuli 51:19

Ale, baho langa, ho kokwendezwa ne vilavywa vinyanywe, sunga ne vilavywa vinyanyilwe lukulu, sunga ne zinghongolo, nhondo, ho zolavizywa mu cikumbicilo cako.

Zabuli 66:10

Hambi 'gwe go Mulungu, nha wacipima, wacijela nha vyono fweza yikuwa kujelwa mu moto.

Zimbazi 17:3

Zahabu na fweza, vikuwa kujelwa no moto. Nayo nhumbula yo munhu yijelwaga no Muwaha Mulungu.

Zimbazi 25:4

Wuwuse makwe gawuce mu fweza, holeka nayo munghula konoza cinhu ciswanu.

Isaya 1:25

Nomunozezenyi anye nghani swanu, nomwezenyi mu wavu wenyu wose, nomuwusizenyi zimbi zose.

Isaya 48:10

Nane nghakujeleka mu moto we magazo, nha vyono fweza yikwemwaga mu moto. Ninga hamba nhavivyo nghakuwona si wukwiliye yaye.

Isaya 61:6

Nanye molowa mumanyice vyono muli wakohani wo Muwaha Mulungu i wetumami wo Mulungu wetu. Kanyhi moloyisangalalila sawo ye makungugo, akuno mukwilumba nha vyono yeza yenyu nyenye.

Yelemiya 9:7

Ku soko ya zizo, holeka nayo u Muwaha Mulungu we mihanga yakutya nhavi, “Noweza wanhu wangu nha shaba, niwajele. Hambi i wanhu wangu nha wetuma zinghani zimbi, alu ho niwanoze nhawule?

Ezekiyeli 20:38

Nolowawusiza lukulu muli nyenye, i wabedegazi wose kanyhi i wetuma wubi. Nolowawusiza lukulu mu zi'si, mono wekaye luno, ninga si wolowuyila lukulu kanyhi mu yisi ya Isilayeli. Nanye baho nhondo ho molomanyila vyono ane yo nene Muwaha Mulungu.”

Danyeli 11:35

Sunga na wanji wa muli walongola we mahala, nawo wolowulagwa. Na ku soko ya zizo, wanhu wolokwiyeza. Na zizi zolojendelela du, sunga kono wolokuziza mudumo, mu vilo vyono Mulungu yaviwaga.

Danyeli 12:10

Ne wanhu wenji wolokwezwa. Ninga i wabi, hamba si wolozizuka zizo, langa wene wolocila kuwa wabi du. Langa we mahala wo wolozizuka.

Hoseya 14:2

Muwuyilenyi Muwaha Mulungu, no wulombe awu wuwe co cilavywa cenyu kuli mwene. “Gwe Muwaha Mulungu, wucinenelaje wubi wetu wose, kanyhi wubocele wulombe wetu nase cokukumya agwe nha vyono cehuwiza.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Malaki 4:1

U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Wuwale 8:6

“Ale wawagulaje i Walawi muli Waisilayeli, kanyhi, wuweze.

Luka 3:16

Yohana yapitula yakawatya wose, “Ane nghumubaputizenyi mu malenga, ninga yakuza mono yali vilungo kuciza ane, hamba si nghwiliye kukowolola mikowa ye malatu gakwe, mwene komubaputizenyi mu Muhe Mono Yelile na mu Moto.

Walumi 12:1

Holeka wandugu zangu, vyono u Mulungu yo wo lusungu lwinji, holeka nghumunenenyi ko mutima wangu wose, mwiyilavye nyenye mo weneco muwe likumbiko lyumi, lyelile, lyono likumunojeza u Mulungu. Na yiyi yo nzila yenyu yo kumuhembela mu wulunji.

Walumi 15:16

ho niwe mwitumami wa Kilisito kuli wanhu wono si Wayahudi. Wo mulimo wangu we cikohani kuwaganulila u Luganuzi Luswanu lo Mulungu, ho wanhu we wono si Wayahudi wawe yikumbiko lyono likuvumilwa no Mulungu, likumbiko lyono lyezigwe no Muhe Mono Yelile.

Wafilipi 2:17

Ninga hamba ndavywe hamonga no wihuwilo wenyu wono lye kumbiko kuli Mulungu, hodu nosecelela muno kanyhi nosangalalana na nyenye wose mu nyemo yiyo.

Wafilipi 4:18

Ale, nakondya kuvibocela vinhu vyose vyono mukamhela, kanyhi vicizize kuciza na vyono navihilaga. Alu nina navyo vyose ku soko Epafulodito yakondya kundetela i vipegwa vyenyu. Vipegwa vivino vikuwa nha vilavywa vye mhunjile swanu, likumbiko lyono likuvumilwa no kumwendeza u Mulungu.

2 Timoteyo 4:6

Ninga ane ku lubavu lwangu, niwikanize du, ku wulavywa niwe yikumbiko, ne lidaha lyo wufwe wangu nha lyasejelela.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Wahebelaniya 12:10

I walezi wetu wa baha hono yinze, wacifunda kwa cipango du, nha vyono wawonaga viswanu weneco, ninga u Mulungu yakucifunda ku so cambuzi cetu sese co weneco, ho cihanje u wele wakwe.

1 Petelo 1:7

Ne nhunizo yayo, anye ho musume kukangazwa mu wihuwilo wenyu. Hambe zizahabu zeneco, zono zihodanjikaga, zijelwaga no moto, nhavivyo sunga no wihuwilo wenyu, wono yo sawo kuciza zizahabu, siwoleka kujelwa ho wuwe wuli vilungo. Hanyuma ho mubocele lilumbo no lukumyo no wutogoze, lizuwa lilyo kolo Yesu Kilisito yakugubulwa.

1 Petelo 2:5

Ale mubitilenyi mwene nha mabwe momi, mukazenjece, no kuwa nyumba ye cimuhe, mono mosuma kwitumama nhe wakohani wono welile, ku wulavya i makumbiko ge cimuhe gono gakumwendeza Mulungu mu nzila ya Yesu Kilisito.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

Wugubule 1:6

yakacinoza ciwe wutemi, ciwe wakohani, ho cimwitumamilo Mulungu u Sogwe. Ale, kuli mwene Yesu Kilisito, lweze lukumyo ne vilungo, cibitilila ne cibitilila! Heya.

Wugubule 3:18

Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.

Wugubule 5:10

Yo gwegwe mono wawanoza wawe wutemi we wakohani, wamwitumamile Mulungu wetu, nawo wotema mono'nze.”