Malaki 3:2 - Luganuzi Luswanu Kuli Wanhu Wose 2002

² Nani 'mbi mono kolosuma kukangalila mwi'zuwa lilyo lyo wuze wakwe? Hamba nani mono kolosuma kwima kolo yakwijela mwene? Hambi mwene nha kolowa nha sabuni yono yikukanza myenda, kanyhi kolowa nha moto wono wukukwema fweza.

Malaki 3:2 ပူးပေါင်းရင်းမြစ်များ

Mwamulizo 19:28

Nayo lono yali yemile baho, yaza kulanga lubavu lwa ku Sodoma na Gomola na ku lubavu lose lwe lilolo, yakezina muno muno kuwona lyosi lyono lyabitaga kucanyha, lyosi lyono linha lye nyanyilo yiwaha.

Jobu 28:1

“Heya, kolili yikweme lyo kuhimba fweza, Ne hanhu ho kwenjedulila zahabu.”

Zabuli 130:3

Gwe go Muwaha Mulungu, hono wali wuwe kukumbucilaga zo wubi wetu, nani 'mbi mono yali yavumilwe nagwe?

Zabuli 2:7

Nayo mwitilwa mafuta yakutya, “Nowanza wuhile wo Muwaha Mulungu. Muwaha Mulungu yanonjela yakatya, ‘Agwe wuli mwanangu, zuwali nghulela.

Zabuli 76:7

Agwe go Mulungu, mbeka wuli wa kogofya muno, alu nani kanyhi 'mbi, mono kosuma kukangalila hono wuwe wakolwa likuwo?

Zimbazi 25:4

Wuwuse makwe gawuce mu fweza, holeka nayo munghula konoza cinhu ciswanu.

Isaya 1:18

Alu Muwaha Mulungu yakutya nhavi, “Ale, muze cilongane cizimale. Vyono hamba masutya genyu gawe madunghu ninga ane nomukwemenyi muwe wazelu swee nha seluji. Hamba gawe madunghu kasu, gowa mazelu swee, nho wukunzeje we ngholo nzelu.

Isaya 33:14

Ne wanhu wabi wa ku Sayuni, wose wakucicima so woga, akuno wakutya, “Mbeka ning'aniza yo Mulungu yihwanile no moto wono wunyanyaga cibitilila. Alu mukwihwesa, yunji wa muli sese kosuma kupona mu moto wuwo?”

Isaya 4:4

Nayo Muwaha Mulungu, kwe vilungo vyakwe, kololing'aniza no kulyeza likungugo, no kuwukwema wubi wa Yelusalemi, hamonga ne sakami yono yetika mumo.

Yelemiya 2:22

Holeka alu, hamba wikweme ne sabuni nghali muno, ninga u wubi wako vyo wowa wijeye du ha meso gangu.

Ezekiyeli 22:14

Alu 'gwe mwene wukwihwesa nha vyono kosuma kuwa no wukangalile, hamba kuwa ne vilungo vyo kwinulila muwoko wako, ane kolo nakondya kukunozeza zizo hongo? Ane no Muwaha Mulungu vyo nghutya, kanyhi noyifisiliza du.

Danyeli 11:35

Sunga na wanji wa muli walongola we mahala, nawo wolowulagwa. Na ku soko ya zizo, wanhu wolokwiyeza. Na zizi zolojendelela du, sunga kono wolokuziza mudumo, mu vilo vyono Mulungu yaviwaga.

Yoweli 2:11

Hambi Muwaha Mulungu nha yakuwalajiliza lipuga lye wasilikale wakwe kwe'zi yiwaha, nalyo lipuga lyono limuhulicile, wo wenji muno, kanyhi wali vilungo. Wugayeci wono wolowa, mwi'zuwa lilyo lyo Muwaha Mulungu! Nani 'mbi mono kolokangalila?

Nahumu 1:6

Nani mwene mono kosuma kupona, kolo mwene yakukolwa likuwo? Hamba nani mono kolosuma kusigala mu wogofye we likuwo lyakwe? Yakwita lilambi lye likuwo lyakwe, ne matalawe gakubiduka mu manghundi ha mwande yakwe.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Malaki 4:1

U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Matayo 25:10

Ale, baho kunyuma bwana halusi yakawa kuza, awalya i wahinza wono wali wewikanizize lukulu, wakawa kwinjila hamonga na bwana halusi mu nyumba ye halusi, no mulango wukawa kudindwa.

Maluko 9:3

ne vivwalo vyakwe vikang'alala, vikawa vizelu swee, hamba musina munhu wo wose mononze yose, mono yali yasumile kuvyeza viwe vizelu swee nha vivilya.

Luka 2:34

Simiyoni yakawalugutiza, yakamulonjela nyina Malyamu, “Muli mwana yuyu, wenji wa muli Waisilayeli wokwajilila, na wenji wopona.

Luka 21:36

Ninga mwikalaje meso mu mapango gose, mweze kulomba, ho mutuje vilungo vyo kusumila kugatiza gaga gose gono golowa, no kwima hali Mwana wo Munhu.”

Luka 3:17

U mwene yenha munhu mono yebate luheneko mu mawoko gakwe, ho yezeze lukulu cuga cakwe, no kututicila wuhemba mu nyumba yakwe; ninga mawaje yagaticimize no moto wono si wuzimaga.”

Luka 3:9

Sunga nalu nhemo mbikwe ha masina ge mabici, no mubici wo wose wono siwukulela mikalo miswanu, wotemangwa no kutajilwa mu moto.

Luka 7:23

Yo mumoti mono si yakuwona cikobazo muli nene.”

Yohana 8:55

Nanye hamba si mumumanyile ng'o, ane langa nimumanyile. Na hono nitye si nimumanyile, nowa mulambi nha nyenye. Ninga alu nimumanyile, ne nghani yakwe niyibataga.

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze, si wapona yaye. Alu ase cosuma kupona wule hono cileme kumuhuliciza ayulya mono yakucisugula, mono yalawa ku wulanga?

Wugubule 19:8

Nayo yavwalile mwenda we bafuta swanu, kanyhi yikung'alala!” (U mwenda wuwo we bafuta swanu go metumo maswanu ge wanhu wo Mulungu.)

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono, yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.’

Wugubule 6:17

Hambi lizuwa lyo kogofya, lye likuwo lyawo, nha lyakondya kuza. Alu nani 'mbi mono kosuma kwima no kwidoma nalyo?”

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swee.

1 Samwili 6:20

Holeka i wanhu wa Bete-shemeshi wakatya, “Nani 'mbi kanyhi mono kosuma kwima hali Muwaha Mulungu yuyu, u Mulungu mono yelile? Alu hamba cimutegule hayi, ho yawuce kono kwetu?”