Malaki 3:1 - Luganuzi Luswanu Kuli Wanhu Wose 2002

¹ Nayo Muwaha Mulungu yakupitula yakutya, “Ane, nomutuma mutumwa wangu yanozelezeze nzila. Nayo Muwaha Mulungu mono mukumulanjilila, kolokuza nhinicizo mu Wuhembelo wakwe. No mutumwa mono mukumulanjilila, kolokuza no kuganula icilagane cangu.”

Malaki 3:1 ပူးပေါင်းရင်းမြစ်များ

Zabuli 110:1

Muwaha Mulungu yakamutya muwaha wangu mutemi, “Wikale ku muwoko wangu wo kulume, sunga kolo nawanoza i walugu wako, wawe cibawo co wusambo we migulu yako.”

Wutuluce 23:20

“Lanjenyi, ane nomutuma malayika yamulongolelenyi ku mwande yenyu, mu muhinzo wenyu. Ho yamudimenyi mu nzila, sunga yamufisenyi mu yisi yono niyiwikanize.

Wutuluce 23:21

Holeka mumuhulikaje, kanyhi mweze ne cihuliko kuli zose zono komulonjelenyi. Mulece kumubedegala, hambi nha yo nene mono nimutumile. Nayo hamba si kosuma kumunenelenyi hono mumubedegale.

Isaya 40:10

Muwaha Mulungu we mihanga kolokuza yateme ne vilungo, kolowaleteleza hamonga ne wanhu wono yawaponya.

Isaya 63:9

ku wulawa mu magayo gawo. Hamba si yali malayika yaye mono yawaponya, langa Muwaha Mulungu mweneco du yo yawaponya. Yawaponya ku soko yo wendo wakwe no lusungu lwakwe. Hambi nha yawadima sunga na mu vilo vyono vyapuluta,

Isaya 7:14

Ale, du, ninga Muwaha Mulungu mweneco komupelenyi citanjilo. U muhinza kodinghula 'nda, nayo kolela mwana wa cilume, ne litagwa lyakwe kocemwa ‘Imanuweli.’ ”

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Hagayi 1:13

Baho Hagayi yakawalonjela wanhu nghani yo Muwaha Mulungu, yakawatya, “Muwaha Mulungu yakutya, awu wo wihuwizo wangu, vyono ane nowa hamonga nanye.”

Malaki 2:4

Nanye baho ho molomanyila vyono, yo nene mono namupelenyi lilajilizo lili, ne cilagane cangu mu nzila ye wakohani wo lulelo lwa Lawi, naco hamba si colobenecela lukulu yaye.

Malaki 2:7

Yinojeye wakohani wejize mafundo ge mbeka go Mulungu. Wanhu ho wabite kuli wene, wakelanjize wuhile wangu, hambi wene nha wetumami wo Muwaha Mulungu we mihanga.

Malaki 4:5

“Ninga lono likali si naza lizuwa lilyo liwaha lyo wogofye lyo Muwaha Mulungu, ane nomutumilenyi muwizi Eliya.

Matayo 11:14

Holeka hono musume kuvumila, ale, yuyu Yohana yo ayulya Eliya mono yali yaze.

Luka 1:76

Nagwe, mwanangu, kocemwa muwizi wo Mulungu Mono Yalawiliciye muli vyose, hambi nha kolongola ha mwande yo Muwaha wumunozelezeze nzila yakwe.

Luka 19:47

Yesu yakawa kwijiza vilo vyose mu Nyumba yo Mulungu. Ninga Wakohani wawaha, ne wejizi wo Wulajilize ne walongola we wanhu, wasakaga kumuwulaga,

Luka 2:11

hambi izuwalili nha mulelelwa Muponyi ku soko yenyu, mu kaya ya Dawudi, yo Kilisito u Muwaha.

Luka 2:38

Na mu cipango cico Ana yakalawila, nayo yakanza kumulumba Mulungu, nayo yakalonga zo mwana yuyo kuli wose wono walanjililaga wukombozi wa Yelusalemi.

Luka 2:46

Kukawa vyaza kupuluta vilo vidatu, wakamwagana yali mu Nyumba yo Mulungu yekaye haciligati ye wejizi, yakuwahuliciza, akuno yakuwawuza:

Metumo ge Watumwa 19:4

Nayo Pawulo yakatya, “U wubaputizo wa Yohana, walajilaga du vyono wanhu wanena. Yohana yawalonjelaga wanhu vyono wamwihuwile mono yakuza mu nyuma yakwe, yo mwene Yesu.”

Metumo ge Watumwa 7:38

Mwi'pango lyono Waisilayeli wetang'anila ku nyika, yo Musa mono yali yali kuko, hamonga nawo. Yali yali kuko hamonga ne wakuku zetu, hamonga na ayulya malayika mono vyalongana nayo mwi'tunda lya Sinayi, yo yuyo mono yazibocela zinghani zo wumi, ho yacipele ase.