Malaki 2:9 - Luganuzi Luswanu Kuli Wanhu Wose 2002

⁹ Holeka nane, nowanoza i wanhu wa Isilayeli, wamusekanjenyi muno, vyono si mukuwutyatya wuhile wangu. Na lono mukuwejiza wanhu wangu, hamba si mukuwanozeza wose muling'ano.”

Malaki 2:9 ပူးပေါင်းရင်းမြစ်များ

1 Watemi 22:28

Nayo Mikaya yakamupitula yakatya, “Hono wuze wu wuye wupolile, Muwaha Mulungu yeze si yalongane nane! Holeka nyo wanhu wose, muhulice zono nonjile!”

Jobu 32:21

Nane mu zinghani zizi, hamba si nosuma kwima ku lubavu lwa yunji yaye, hamba kwiyendeza kuli munhu wo wose.

Zimbazi 10:7

Ne wanhu waswanu wowa kukumbucilwa nha wumoteswe. Ninga i wanhu wabi, matagwa gawo gowa kuwola kamonga du.

Zimbazi 12:8

Hono wuwe wina mahala, wanhu wokulumba. Ninga hono wuwe wuli mulele, wanhu wokubedegala.

Ezekiyeli 13:21

Noziwusiza lukulu zimhiji zenyu, niwalece kamonga wanhu wangu wawuce mu miwoko yenyu, sunga cibitilila. Nanye baho nhondo, ho momanyila vyono ane yo nene Muwaha Mulungu.

Ezekiyeli 7:26

Ne magazo golowa kuza getunjiliye gakwilecela linji ne liyagwe. Ne mapwepwe nago, golowa menji ako na ako. Nanye molowa kuwalomba wawizi ho wamulonjelenyi zono zokuza. Nawo wakohani, wolowa wasina nghani yo yose yo kuwejiza wanhu. Nawo wanyamhala, lulo wolowa wasina cono wowasugula wanhu.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Nahumu 3:6

Nane nokunoza wuwe cinhu cono cibedegaywe, kanyhi wuwe wuli cinhu cavu, ne wanhu wokulanga ko woga.

Malaki 2:3

Nane nowalipiciza wana wenyu, niwubuluje wusu wenyu ne matope ge mitugo zenyu zono mukulavya. Nanye mosolwa mutagwe ku cugulu hamonga ne matope gago.

Malaki 2:8

“Ninga alu, anye nyo wakohani, mwakondya kuwuka mu zinzila ze ling'ani, no wijize wenyu, wukuwatonga wenji ku wituma zimbi. Mwabena icilagane cangu cono calagana nanye.

Luka 10:29

Ninga u mwijizi wo Wulajilize vyono yahilaga kwinoza muswanu, yakamuwuza Yesu, “U muyangu yo nani kanyhi.”

Luka 11:42

“Ninga woyi he nyo Wafalisayo! Hambi nha mulifyaga wanhu zaka, sunga na mu hati yose yo kutajila mu zindigwa, sunga na mu fwene, ne zimboga zinji, kuno mukuleka ling'ani no wendo wo Mulungu. Ninga zizi cinojele mwali muzitume hamba kuleka zinji.

Wagalatiya 2:6

Ninga i wanhu wawa wono wakutegwa wo walongola, hono mbeka vyo wali wenha, hamba yiwe si nhavivyo, kwangu si nghani yaye, hambi u Mulungu nha siyakuwa kuling'aniza so wulanga za kunze, ne wanhu wawa wali wasina cinji cono wali wadahile konjeleza mu Luganuzi lulu Luswanu nha vyono ane nghuluganula no mweneco.

Wukumbucize wo Wulajilize 1:17

Mulanjilile mulece kulamula ko wuhijilambejele, langa mweze kuwalamula wanhu wose ko muling'ano, mulece kulanga vyono ayu nani, hamba ayo nani. Mulece kumogopa munhu wowose, hambi u wulamuzi wono mowa kuwunoza, nha wukulawa kuli Mulungu. Ne nghani yoyose yono moyiwona nghamu kuli'nye, mundetelaje nene, nane no mweneco noyilamula.’

1 Samwili 2:30

Agwe Eli, mono ane no Muwaha Mulungu we Waisilayeli, nehuwiza mu vilo vyono vipulute, nha vyono i mhuga yako, hamonga na wo mulango wako, wo wonyitumamila du nha wakohani mu vilo vyose. Ninga aluno nghutya, ane si nosuma kujendelela kugakangalila kanyhi, makani gono genha gaga! Langa, nowakumya du wono wakunghumya, kanyhi nowabedegala wono wakumbedegala.