Malaki 2:8 - Luganuzi Luswanu Kuli Wanhu Wose 2002

⁸ “Ninga alu, anye nyo wakohani, mwakondya kuwuka mu zinzila ze ling'ani, no wijize wenyu, wukuwatonga wenji ku wituma zimbi. Mwabena icilagane cangu cono calagana nanye.

Malaki 2:8 ပူးပေါင်းရင်းမြစ်များ

2 Watemi 16:11

Nayo mukohani Uliya, yakawa kuzenga cikumbicilo cono cihwanile cikumbicilo cico ca ku Damesiki, yakamalila kucizenga lono mutemi Ahazi yali yakali nawuya ku wulawa ku Damesiki.

Nehemiya 13:29

Wukumbucile Gwe go Mulungu, vyono i wanhu awa wakondya kuwutipiza wukohani, hamonga ne cilagane, cono walagana ne wakohani ne Walawi.

Zabuli 119:102

Nghali hamba si ninawubedegala yaye, wijize wako, hambi nha yo gwegwe du yo wuli mwijizi wangu.

Zabuli 18:21

Ane niyityatyaga nzila yo Muwaha Mulungu du, hamba nghali namuleka Mulungu wangu.

Zimbazi 12:8

Hono wuwe wina mahala, wanhu wokulumba. Ninga hono wuwe wuli mulele, wanhu wokubedegala.

Isaya 30:11

Holeka muwuce mu nzila yetu, hamba mulece kucimila mu wukolo wetu. Nase hamba si cikusacila lukulu kuzihulika zinghani zo Mulungu wenyu, u Mulungu wa Isilayeli.”

Isaya 59:13

Cakubeza, cikakulema, si casaka hamba no kukutyatya bwete. Kanyhi cikuvumila nha vyono mbeka cawewonela wanji, kanyhi cikakuleka. Mbeka mahweso getu mabi, ne zinghani zetu zose za wulambi.

Isaya 9:16

Nawo wono wakuwatonga i wanhu wawa, wakuwajiliza nzila, nawo wono wakulongozwa nawo nhavivyo wakwajiliza.

Yelemiya 17:13

Gwe go Muwaha Mulungu, agwe yo gwegwe go witumbilo wa Isilayeli, no munhu wo wose mono kokuleka 'gwe, kokwikoza cevu mweneco. Hambi nha wolokwajilila wose, nhe litagwa lyono lyandicigwe mu manghundi. Ku soko vyono wakuleka gwegwe go Muwaha Mulungu, go muvwilo we malenga momi.

Yelemiya 17:5

U Muwaha Mulungu yakutya nhavi, “Nane nomulipiciza munhu wo wose mono yakundeka 'ne, no kumwitumbila munhu muyagwe, kawa kumunoza munhu muyagwe yiwa yo nyhito yakwe.

Yelemiya 18:15

Ninga i wanhu wangu wakondya kusemwa 'ne nalu wakuvifusiza wuvumba i vihwani. Nawo wekobaza mu zinzila zawo, hamba si wakusuma kuzityatya kanyhi zinzila ze katali, alu weza kukola mu zinzila zono si nozelezwe yaye.

Yelemiya 2:8

Ne wakohani nawo, hamba si wawuza watye, ‘Alu u Muwaha Mulungu yali hayi lo?’ Heya si wasuma kuwuza, hambi i wejizi wangu wo wulajilize nha si wali wamanyile 'ne. Nawo i walongola wakambedegala 'ne, i wawizi nawo, wakawa wakuwilila mwi'tagwa lya Baali, wakawa wakuvihemba vihwani, vyono si vikwiliye cinji co cose.

Ezekiyeli 22:26

Nawo i wakohani, wakondya kubena lilajilizo lyangu, sunga nalu, hamba si wakuvicelelela kanyhi i vinhu vyono vyelile yaye. Hamba si wakusuma kuwika wisimajile we vinhu vyono vyelile, ne vinhu vyono si vyelile. Hamba si wakusuma kwijiza wanhu, ho wasume kutemanula i vinhu vyono vyavufywe, ne vinhu vyono si vyavufywe. Na kanyhi wayibedegala ne Sabato. Na yiyi yo yikuleka sunga ne wanhu wa Isilayeli hamba si wanyogopile 'ne yaye.

Ezekiyeli 44:10

U Muwaha Mulungu yakanonjela yakatya, “Alu ane neza kuwalipiciza wawo i Walawi, hamonga ne wanhu wanji wa muli Waisilayeli, wono vyahangana hamonga, wakawa kundeka no kuhemba i vihwani viseswe.

Ezekiyeli 44:12

Na kanyhi vyono wene wali wo watonji we wanhu wa Isilayeli, mu wuhembi wo kuhemba vihwani viseswe, no wituma wubi. Holeka nane, ane no Muwaha Mulungu, nghelahiza nha vyono nane nowalipiciza du.

Ezekiyeli 44:7

Hambi nha wawenjiza mu Nyumba yangu i wajenzi wono si walame, wono wasina cihuliko kuli'ne, ho wawe mugati, mwi'pango lono wakundavizya mafuta ne sakami vye makumbiko, vyono vikulavywa kuli'ne. Na mu nzila yiyo, wakawa kuyavufya Nyumba yangu. Holeka i wanhu wangu wakondya kucibena i cilagane, ku soko ye makani gawo gose ge mawifyo gono wakwituma.

Hoseya 4:6

Wanhu wangu wongomezwa ku soko vyono si wamanyile'ne. Nanye mo wakohani si mukusaka mumanye 'ne, kanyhi mukagalema ne mafundo gangu. Holeka nane nghumulemenyi nanye, hamba si nowavumila ne wana wenyu wawe wakohani wangu.

Walawi 21:15

Hono si nhavivyo, iwana wono kolela, wowa wavufywe, hamba si wowa welile, nha vyono wakusakwa wawe. Ane yo nene Muwaha Mulungu nimusiwanula nha Mukohani Muwaha.”

Zefaniya 3:4

Ne wawizi wayo si wehuwilwa, kanyhi wakonji. Wakohani nawo, wahatajila wavu i hanhu hono helile, kanyhi wakulipitula ne lilajilizo lyo Mulungu ku soko ye cambuzi cawo weneco.

Malaki 1:6

Muwaha Mulungu we mihanga yakuwatya wakohani, “Mwana kamogopaga sogwe, no mutumwa nayo kamogopaga u muwaha wakwe. Ane nili sogo yenyu, alu nhawule si mukunyogopa? Nane ho nili mutwa wenyu, alu nhawule nha si munyogopile, langa mukunyihepa? Akuno kanyhi mukuwuza ti mukutya, Cikukwihepa wule?

Malaki 2:5

“Na mu cilagane cangu cico, nawehuwiza wumi no mulamu, na zizi zo nawapela wene, ho wawe ne cogopo kuli'ne. Na mu vilo vivyo wakahulika no kunyogopa nene.

Wuwale 25:12

Holeka wumulonjele Finehasi nha vyono, alu neza kunoza cilagane co mulamu.

Wuwale 25:13

Mwene, hamonga ne wanagwe wose, mu ndelo zakwe zose, ane nakondya kuwawika kuwa wakohani mu vilo vyose. Hambi mwene nha si yali kusuma kuvikangalila i vinhu vyose vyono vikujela kwisumaniza nane. Kanyhi kasuma kuwanozeza wanhu wa Isilayeli wilamule.”

Walumi 14:21

Yili ciba kuleka kulya nyama, hamba kung'wa divayi, hamba kwituma nghani yo yose yono yosuma kumukobaza u nduguyo ho yagwe.

Wahebelaniya 3:12

Holeka wandugu zangu, mwilanjililaje, halece kuwa na yunji muli nyenye, mono yena i nhumbula yimbi nhavivyo, mono si yehuwiye no kumuleka u Mulungu mumi.

1 Samwili 2:17

No wubi wuwu we wana we cilume wa Eli, yikawa nghani 'mbi muno muno hali Muwaha Mulungu, vyono wagatendelaga makumbiko go Muwaha Mulungu mu wu wula cogopo.

1 Samwili 2:24

Alu nghumutyenyi nhavi anye wanangu, ku wulawa izuwali, mulecele lukulu kwituma kanyhi makani gono genha gago! Hambi makani ge liwala lili, gono wanhu wo Muwaha Mulungu wakugalonga, nha mabi muno, kanyhi ga cevu ciwaha!

1 Samwili 2:30

Agwe Eli, mono ane no Muwaha Mulungu we Waisilayeli, nehuwiza mu vilo vyono vipulute, nha vyono i mhuga yako, hamonga na wo mulango wako, wo wonyitumamila du nha wakohani mu vilo vyose. Ninga aluno nghutya, ane si nosuma kujendelela kugakangalila kanyhi, makani gono genha gaga! Langa, nowakumya du wono wakunghumya, kanyhi nowabedegala wono wakumbedegala.