Malaki 2:7 - Luganuzi Luswanu Kuli Wanhu Wose 2002

⁷ Yinojeye wakohani wejize mafundo ge mbeka go Mulungu. Wanhu ho wabite kuli wene, wakelanjize wuhile wangu, hambi wene nha wetumami wo Muwaha Mulungu we mihanga.

Malaki 2:7 ပူးပေါင်းရင်းမြစ်များ

2 Watemi 16:11

Nayo mukohani Uliya, yakawa kuzenga cikumbicilo cono cihwanile cikumbicilo cico ca ku Damesiki, yakamalila kucizenga lono mutemi Ahazi yali yakali nawuya ku wulawa ku Damesiki.

2 Watemi 16:16

Nayo Uliya mukohani, yaketuma nha vyono mutemi Ahazi yamulajiliza.

2 Zinghomo 30:22

Nayo mutemi Hezekiya, yakawalumba muno Walawi so wuhidimbazi wawo wuwaha, mu wulongoza wuhembi wo Muwaha Mulungu. Vyali vyeza kupuluta vilo mupunghati, vyono walavyaga makumbiko, wakumulumba Muwaha Mulungu, u Mulungu we walezi wawo,

2 Zinghomo 31:4

Hamonga na zizo, mutemi yakawalonjela wanhu wose wa Yelusalemi, walete vilavywa vyono vyali viwanojeye wakohani ne Walawi wapegwe, ho wasume kujendelela viswanu, wapiligaye mu Wulajilize wo Muwaha Mulungu.

Ezila 7:10

Ezila yali yelavizye mu mikalile yakwe yose, kwiyijiza no kutyatya malajilizo go Mulungu, no kuwafunda wanji wa mu nghungugo ye wanhu wa Isilayeli zo wulajilize ne malajilizo gago.

Ezila 7:25

“Nagwe Ezila, witumamilaje mahala gono wupejigwe no Muwaha Mulungu wako, wuwahagule walongola ne walamuzi, ho wakawateme wanhu wose wono wekaye ku mhelo ye mwezi ye likolongo lya Efulata, wose wono wagamanyile malajilizo go Mulungu wako. Kanyhi wuwafundaje viswanu na wono si wagamanyile, nawo ho wagamanye malajilizo gaga.

Zimbazi 5:2

Nagwe ho komanya nzila ze nyikala ye cogopo, ne zinghani zako zokulajila vyono kumbe wina mahala.

Muganuzi 5:5

Hambi nha yowa ciba kuli'gwe hono wulece kwihuwiza cinji, si nha kwihuwiza, hamba kufisiliza yaye wihuwizo wako.

Isaya 42:19

Mwene howa hoyuli yunji mono yali cibofu yawucizize wubofu wo mwitumami wangu, hamba mono yali ciziwi yamucizize mwitumami wangu mono namutuma?

Isaya 44:26

Ninga kolo mwitumami wangu yakuwila, nane kolo nghumutuma mwitumami wangu ho yakalajile ze mahweso gangu, nane niganozaga mahweso gago hamonga no wuwile wuwo viwa vya mbeka. Nane nghuyilonjela Yelusalemi, nha vyono wanhu wowuya wekale mumo kanyhi, na vyono ne makaya ga Yuda gozengwa kanyhi. Ne makaya gago, i matongo gayo gokwinulwa.

Yelemiya 15:19

Nayo Muwaha Mulungu yakamhitula yakatya, “Hono wuwuye, nane nokugomola, nagwe kowa wuli mwitumami wangu kanyhi. Na hono wuzilece zinghani ze cibwete-bwete, wuwe kuganula zinghani zangu, baho langa ho kowa wuli muwizi wangu kanyhi. Ne wanhu wokuziza gwegwe, ninga agwe kowa wusina soko yo kuwabitila wene.

Yelemiya 18:18

Hanyuma i wanhu nawo wakalongana weneco wose, wakutya, “Alu nye! Alenyi cimunozeze Yelemiya ciwungu cibi! Hambi nha cowa cina wakohani nhondo zose, wono wowa kucijiza, ne wanhu we mahala, wono wowa kucitonga, hamonga ne wawizi, wono wowa kuyiganula i nghani yo Mulungu. Holeka lu muze cimulonganje, cilece kuzihuliciza kanyhi ne zinghani zakwe.”

Yelemiya 2:8

Ne wakohani nawo, hamba si wawuza watye, ‘Alu u Muwaha Mulungu yali hayi lo?’ Heya si wasuma kuwuza, hambi i wejizi wangu wo wulajilize nha si wali wamanyile 'ne. Nawo i walongola wakambedegala 'ne, i wawizi nawo, wakawa wakuwilila mwi'tagwa lya Baali, wakawa wakuvihemba vihwani, vyono si vikwiliye cinji co cose.

Ezekiyeli 22:26

Nawo i wakohani, wakondya kubena lilajilizo lyangu, sunga nalu, hamba si wakuvicelelela kanyhi i vinhu vyono vyelile yaye. Hamba si wakusuma kuwika wisimajile we vinhu vyono vyelile, ne vinhu vyono si vyelile. Hamba si wakusuma kwijiza wanhu, ho wasume kutemanula i vinhu vyono vyavufywe, ne vinhu vyono si vyavufywe. Na kanyhi wayibedegala ne Sabato. Na yiyi yo yikuleka sunga ne wanhu wa Isilayeli hamba si wanyogopile 'ne yaye.

Ezekiyeli 7:26

Ne magazo golowa kuza getunjiliye gakwilecela linji ne liyagwe. Ne mapwepwe nago, golowa menji ako na ako. Nanye molowa kuwalomba wawizi ho wamulonjelenyi zono zokuza. Nawo wakohani, wolowa wasina nghani yo yose yo kuwejiza wanhu. Nawo wanyamhala, lulo wolowa wasina cono wowasugula wanhu.

Danyeli 11:33

Ne walongola we wanhu wono wena mahala, wolowejiza wanhu wenji. Ninga hamba nhavivyo, wanji wa muli wene wolowulagwa mu wulugu, hamba wologumilwa mu moto, na wanji wolosolwa wawopwe mu jela.

Hoseya 4:6

Wanhu wangu wongomezwa ku soko vyono si wamanyile'ne. Nanye mo wakohani si mukusaka mumanye 'ne, kanyhi mukagalema ne mafundo gangu. Holeka nane nghumulemenyi nanye, hamba si nowavumila ne wana wenyu wawe wakohani wangu.

Walawi 10:11

Kanyhi munojeye muwejize wanhu wa Isilayeli, imalajilizo gose gono namupelenyi mu nzila ya Musa.”

Zefaniya 3:4

Ne wawizi wayo si wehuwilwa, kanyhi wakonji. Wakohani nawo, wahatajila wavu i hanhu hono helile, kanyhi wakulipitula ne lilajilizo lyo Mulungu ku soko ye cambuzi cawo weneco.

Hagayi 1:13

Baho Hagayi yakawalonjela wanhu nghani yo Muwaha Mulungu, yakawatya, “Muwaha Mulungu yakutya, awu wo wihuwizo wangu, vyono ane nowa hamonga nanye.”

Zakaliya 7:3

kanyhi wawuze kuli wakohani ne wawizi i liwuzo ali, watye, “Alu cijendelele kulila mu nzila yo kuleka kulya, mu mwezi we hano kusoko yo wongomezwe we Nyumba yo Mulungu, nha vyono cetuma mu myaka minji yono yipulute?”

Malaki 3:1

Nayo Muwaha Mulungu yakupitula yakutya, “Ane, nomutuma mutumwa wangu yanozelezeze nzila. Nayo Muwaha Mulungu mono mukumulanjilila, kolokuza nhinicizo mu Wuhembelo wakwe. No mutumwa mono mukumulanjilila, kolokuza no kuganula icilagane cangu.”

Wuwale 27:21

Nayo kowa yali hamonga na Eleyezali u mukohani, mono kosuma kuwumanya wuhile wangu mu nzila yo witumamila Ulimu na Tumimu. Na mu nzila yiyo, Eleyezali kosuma kumutonga Yoshuwa, hamonga ne mhuga yose ye Waisilayeli, muli zinghani zawo zose.”

Yohana 13:20

Mbeka nghumutyenyi, Mono yakumubocela mono yanhuma, yakumbocela nene, nayo mono yakumbocela nene, yakumubocela mono yanhuma.”

Yohana 20:21

Nayo Yesu yakawatya kanyhi, “Mulamu wuweze muli nyenye. Nha vyono ane Baba yanhuma, nane vyo nghumutumenyi nanye nhavivyo.”

Metumo ge Watumwa 16:17

Hodu, muhinza yuyo, yakawa kumutyatya Pawulo na sese, akuno yakuzoza, yakutya, “Wanhu awa wo wetumami wo Mulungu Mono yalawiliciye Muli vyose, wono wakumuganulilenyi nzila ye mhonelo.”

2 Wakolinto 5:20

Holeka ase cili watumwa so Kilisito, nayo Mulungu mweneco yakucitumamila sese, cimunenenyi anye. Holeka cikumunenenyi ku so Kilisito, mwilamule no Mulungu.

Wagalatiya 4:14

Hamba nhavivyo mwidaha lilyo si mwambedegala hamba kusemuna ku soko yo wusocele wangu, hamba muwe mwajelwa ho munoze nhavivyo, ninga mwambocela nha malayika wo Mulungu, kotya nha nali nawa yo Kilisito Yesu mweneco.

Wukumbucize wo Wulajilize 21:5

Nawo wakohani Walawi wanojeye weze wali baho. Hambi nha wowanojeye walamule zinghani zo wuwulaji. Hambi Muwaha Mulungu, u Mulungu wenyu nha yawahagula wamwitumamile no kulavizya wulugute mwi'tagwa lyakwe.

Wukumbucize wo Wulajilize 24:8

“Na lono watuga wutamwa wo wukoma, wulanjilile witume nha vyono Wakohani Walawi wowa kukulonjela. Weze kwituma zose nha vyono nawalonjela.

1 Watesalonike 4:8

Holeka mono yakugabedegala i mejizo gago, si yakumubedegala munhu, langa yakumubedegala u Mulungu mweneco mono yakumupelenyi u Muhe wakwe Mono Yelile.

1 Samwili 2:17

No wubi wuwu we wana we cilume wa Eli, yikawa nghani 'mbi muno muno hali Muwaha Mulungu, vyono wagatendelaga makumbiko go Muwaha Mulungu mu wu wula cogopo.