Malaki 2:6 - Luganuzi Luswanu Kuli Wanhu Wose 2002

⁶ Wakejiza zono zali zili ling'ani, hamba si zimbi yaye. Wakawa wali hamonga nane, kanyhi hamba si wetuma ze ling'ani weneco du, langa kanyhi wakawataza sunga ne wanhu wanji walece kwituma zo wubi.

Malaki 2:6 ပူးပေါင်းရင်းမြစ်များ

Danyeli 12:3

Ninga i walongola we mahala, wolonga'lala nhe limuli lya ku wulanga. Na wono wawatongaga wanhu wenji, ho wetume ze ling'ani, awo wolong'alala nhe zinyelezi, cibitilila.”

Wugubule 14:5

Kanyhi hasina cidaha cinji co cose cono wakawa walambi, wasina hamba yilema lyo lyose.

Yelemiya 23:22

Ninga mbeka hono wali wawe wagamanyile mahweso gangu ge cinyele, baho langa, ho wali wasume kuyiganula nghani yangu kuli wanhu wangu, no kuwanoza wasume kugaleka i metumo gawo mabi, gono wetumaga hamonga ne zinzila zawo zimbi.

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

Luka 1:6

Wose vyono wejete, wali wali ling'ani hali Mulungu, wali webate myoto ne malajilizo gose go Mulungu.

Luka 20:21

Wawo watandizi, wakamuwuza wakutya, “Ati Mwijizi, cimanyile vyono wukulonga kanyhi wukwijiza nghani ze mbeka; cimanyile vyono si kulangaga lilumbo lya munhu, langa kwijizaga mu mbeka nzila yo Mulungu.

Matayo 22:16

Holeka wakawatuma i wayawo wanji, hamonga ne watyatyi we cipuga ca Helode. Wakabita kuli Yesu, wakamuwuza wakutya, “Gwe Mwijizi, ase cimanyile vyono kulongaga mbeka, na kanyhi vyono kwijizaga i mbeka yo wuhile wo Mulungu kuli wanhu, hamba sikogopaga munhu wo wose, hambi ililumbo lyo munhu nha si cinji kuli'gwe.

Hoseya 4:6

Wanhu wangu wongomezwa ku soko vyono si wamanyile'ne. Nanye mo wakohani si mukusaka mumanye 'ne, kanyhi mukagalema ne mafundo gangu. Holeka nane nghumulemenyi nanye, hamba si nowavumila ne wana wenyu wawe wakohani wangu.

Zabuli 37:30

U munhu we ling'ani, kalongaga nghani ze mahala. Kanyhi kalongaga ze ling'ani no lulimi lwakwe.

Mwamulizo 17:1

Mu vilo vyono Abulamu yali yaficila myaka makumi cenda ne 'cenda, u Muwaha Mulungu yakamulawila, yakamutya, “Ane yo nene mono nili Mulungu u Mudaha Vyose. Holeka agwe wutyatye wutonji wangu du, ho wuwe wusina yilema.

Mwamulizo 6:9

Awuno wo wityatye we zinghani za Noha. Yuyo Noha yo yali yo munhu mono yali yali ling'ani du yali wene, mono yali yasina yilema mu wikale wakwe. Noha vyawezanaga hamonga no Mulungu.

Maluko 12:14

Wakamubitila, wakamutya, “Mwijizi, nha cimanyile vyono agwe uli munhu we mbeka, mono kulongaga ze mbeka du, hamba sikucelelelaga munhu wo wose. Hamba lilumbo lya munhu, nha si cinji kuli'gwe, ninga kuwejizaga imbeka ye nzila yo Mulungu. Wule, viswanu kumulipa kodi Kayisali, hamba ng'o? Alu cilavye, hamba cilece kulavya?”

Wukumbucize wo Wulajilize 33:10

Nawo wowejiza ne wanhu wako webate Lilajilizo lyako. Wokulavizya ne makumbiko mu cikumbicilo cako.

Wukumbucize wo Wulajilize 33:8

Na kuli za wo mulango wa Lawi, yakatya, “Gwe go Muwaha Mulungu, wuwalajililaje zo wuhile wako, i wetumami wako wehuwilwa i Walawi, mu nzila ye Ulimu na Tumimu. Wono wawajela ku Masa, ho wuwawone hono wali wanhu we mbeka, ha malenga ga Meliba.

Wukumbucize wo Wulajilize 33:9

Wakalajila cogopo ciwaha hali'gwe, si nha kuli walezi, hamba kuli wandugu, hamba kuli wana. Kanyhi wakagakamisa ne malajilizo gako. Kanyhi wakawa wehuwilwa kuli ze Cilagane cako.

Zabuli 37:37

Ninga lanje ta, u munhu muswanu munhu we ling'ani, u munhu mono yendile mulamu, yo kapegwaga lulelo.

Zabuli 119:142

Ling'ani yako yo ye ling'ani cibitilila, no wulajilize wako wo we mbeka.

Zabuli 119:151

Ninga agwe go Muwaha Mulungu, wuli behi nane, ne malajilizo gako gose, go ge mbeka.

1 Samwili 2:12

Ale, i wana we cilume wa Eli, wakawa wanhu wono wali wali caka caka du, wakawa wasina cogopo hamba cidodo hali Muwaha Mulungu.

Zimbazi 5:2

Nagwe ho komanya nzila ze nyikala ye cogopo, ne zinghani zako zokulajila vyono kumbe wina mahala.