Malaki 2:2 - Luganuzi Luswanu Kuli Wanhu Wose 2002

² Ninga hono mulece kuzihuliciza zono nghulonga, nane nomuletelenyi wulijitwe. Novilijita sunga na vyose vyono mukuvibocela so vitumamilwa vyenyu. Heya, nakondya kuvilijita, ku soko vyono si mukwibata lilajilizo lyangu musimbiliye.

Malaki 2:2 ပူးပေါင်းရင်းမြစ်များ

Zabuli 69:22

Ne zindigwa zawo, ze zi sikukuu ze makumbiko, ziweze mutego kuli wene, Ne zi sikukuu zawo ziwagwize weneco.

Zimbazi 3:33

Muwaha Mulungu kazilijitizaga zikaya ze wanhu wabi, ninga zikaya ze weling'ani, mwene kazimotyaga.

Isaya 42:25

Holeka nayo yacijidila wukali we likuwo lyakwe, no wusungu we milewo. Ne likuwo lyakwe, likawakolelwa Isilayeli nha moto mukali ninga 'se hamba kumanya zono zacijelelaga yaye, hamba kumanya co cose muli zizo.

Isaya 47:7

Hambi nha wehwesaga nha vyono kojendelela kuwa mugolece we likulu vilo vyose, hamba kuzihwesa zizi zose mu nhumbula yako, nha vyono zose zina ndumo.

Isaya 57:11

Ninga Muwaha Mulungu yakutya, “Alu mwene yiyi yo milunguci waco yono yikumogofyenyi, sunga muwe kunonjela ane zo wulambi, no kusemwa 'ne? Hamba vyono nali nyamaye vilo vinji si nghulonga cinji, holeka nanye mweza hamba si mukumhela cogopo yaye?

Yelemiya 34:17

Holeka nane, ane no Muwaha Mulungu, nghuwona nha vyono, anye mwawula cogopo kuli 'ne. Hambi nha si muwakomboye wawe welecele i wandugu zenyu Waisilayeli. Ale, heya, viswanu. Nane nomupelenyi nanye welecele, u welecele wo kufwila ku wulugu, na mu matamwa, na mu nzala. Nane nowanoza makungugo gose, wogofywe muno so zono nomutendelenyi 'nye.

Ezekiyeli 3:7

Ninga muli wanhu wa Isilayeli, howa hasina hamba yumonga mono kokuhulika yaye. Kanyhi hamba na nene siwosuma kuhulika yaye. Hambi wose nha wasina cihuliko, kanyhi wali cibede.

Hagayi 1:6

Mulanje ta, anye mwahadika mbeyu nyinji, ninga mwadudula wucefu du, mukulya, ninga simukwiguta yaye, mukung'wa divayi, ninga hamba simukuca ng'o, mukuvwala myenda, ninga siyikukondya kumupenyi civuce. No munhu mono yakwituma milimo, u musahala wakwe, wukuwa nha wutajilwa mu mufuko wono wutoboce-toboce.

Hagayi 1:9

“Mwali mwitumbiye vyono motuga nhwanga mbaha, ninga yipituka yiwa ndodo. Nanye mwali mweza kugomola nhwanga yenyu mu zikaya, nane nghayipemhelusa. Na ku sokoci nghazinoza zizo? Vyono Nyumba yangu yikaye mu wuhodanjice, akuno anye mukujendelela kwipiganza mu zikaya zenyu, munhu na kaya yakwe.

Malaki 2:1

U Muwaha Mulungu we mihanga yakuwalonjela wakohani yakutya, “Lilajilizo lyenyu lyo lino. Munojeye munyogope nene muli zose zono mukwituma.”

Malaki 3:9

Holeka wulijitwe wuli muli nyenye wose, hambi likungugo lyose nha likunghonga nene.

Luka 17:18

Si yejeye yunji mono yazize kumupela Mulungu lilumbo, langa mujenzi ayu du?”

Yoshuwa 7:19

Yoshuwa yakamutya Akani, “Mwanangu Akani, wulonje ze mbeka lu hali Muwaha Mulungu, u Mulungu we Waisilayeli, kanyhi wunene wubi wuwo. Wunonjelaje lu ta cono witumile. Wulece kuhundicila 'ne nghani hamba monga.”

1 Petelo 4:11

Na mono yakulonga nghani yo yose, u wulonje wakwe, weze nho wulonje we zinghani zo Mulungu, na mono yakuwetumamila wanji, yimunojeye yawetumamile ne vilungo nha vyono yakupegwa no Mulungu. U Mulungu ho yakumizwe muli vyose, mwitagwa lya Yesu Kilisito, mono ulukumyo ne vilungo nha vyakwe cibitilila na cibitilila! Heya.

Wugubule 14:7

Nayo malayika yuyo, yakalonga kwe'zi yiwaha yakutya, “Ale mumogopajo Mulungu, kanyhi mumukumye! Hambi cidaha co kulavye ning'aniza yakwe, nha cakondya kuza. Holeka mumuhembaje mweneco mono yawumba wulanga ne yinze, lilenga ne mivwilo ye malenga.”

Wugubule 16:9

Iwanhu wakanyanywa vibi muno muno, wakawa kumuliga Mulungu mono yena vilungo muli magazo gago mawaha. Ninga hamba si wawuleka u wubi wawo, no kumukumyo Mulungu