Lutu 3:2 - Luganuzi Luswanu Kuli Wanhu Wose 2002

² Wukumbucile vyono munhu ayu Bowazi, mono mwetumanaga hamonga ne wetumami wakwe we cicekulu mu mugunda, ase ndugu yetu. Alu hulicize, cinyamihe cici, mwene kowa kwela wuhemba.

Lutu 3:2 ပူးပေါင်းရင်းမြစ်များ

Mwamulizo 50:10

Nawo wali weza kufika mu cuga co wuhemba ca Atadi, ku nhumbi ye likolongo lya Yoludani, wakalila muno ko wukalale wuwaha, nayo Yusufu yakamulilila sogwe vilo mupunghati.

Lutu 2:1

Nawomi yali yena nduguye mono yacemwaga Bowazi, munhu mugoli kanyhi munhu muwaha, mono yali we mhuga yo mulume wakwe Elimeleki.

Lutu 2:8

Baho Bowazi yakamulonjela Lutu yakatya, “Hulicize mwanangu, wulece kanyhi kwihalaliza wuhemba mu migunda yinji, langa mu mugunda wuwu du. Witumaje baha, hamonga ne wetumami wangu wawa we cicekulu,

Lutu 3:1

Hanyuma Nawomi yakamutya Lutu, “Mwanangu, ane nghuwona vyono yowa viswanu, hono nghulondolele mulume yakutole, ho wutuje nyumba yako go mweneco.

Lutu 3:3

Holeka wihovugaje no kwibaka mafuta ge mhunjile swanu, wuvwale ne vivwalo vyako viswanu. Hanyuma wubite kuko ku cuga kono yakwelela wuhemba. Ninga mwene yalece manya vyono nagwe wuli baho, sunga kolo yamala kulya no kung'wa.