Luka 9:47 - Luganuzi Luswanu Kuli Wanhu Wose 2002

⁴⁷ Ninga Yesu yakagamanya mahweso gono gali mu zinhumbula zawo, holeka yakasola mwana mudodo, yakamuwika behi nayo,

I CILAGANE CIPYA 1991

⁴⁷ Ninga Yesu yakagamanya mahweso gono gali mu zinhumbula zawo, holeka yakasola mwana mudodo, yakamuwika behi nayo,

Luka 9:47 ပူးပေါင်းရင်းမြစ်များ

Zabuli 139:2

Agwe wuzimanyile zose zono nitumaga, kanyhi wugamanyile sunga, ne mahweso gangu gose.

Zabuli 139:23

Wulondole mu nhumbula yangu 'gwe go Mulungu, ho wumanye vyono ninha, wumhime, wugamanye mahweso gangu.

Yelemiya 17:10

Ninga ane no Muwaha Mulungu, yo nene du mono nigajelaga mahala, no kuzisunjilila zinhumbula ze wanhu, ho nimutendele munhu mu nghango ye zinzila zakwe, mu nghango ye mikalo ye metumo gakwe.”

Matayo 12:15

Ninga Yesu yaza yimanya nghani yiyo, yakawuka i hanhu baho. Ne wanhu wenji wakamutyatya, nayo yakawaponya watamwa wose.

Matayo 9:4

Nayo Yesu yakagamanya i mahweso gawo, yakawatya, “Alo so cici mukwihwesa zimbi mu zinhumbula zenyu?

Luka 5:22

Ninga Yesu yakawatanga mahweso gawo, yakapitula yakawatya, “Alo mukwihwesa cici mu zinhumbula zenyu?”

Yohana 16:30

Alu nhondo camanya he, vyono wuzimanyile zose, hamba si wukusaka munhu yakuwuze cinji, holeka cihuwiye vyono walawa kuli Mulungu.”

Yohana 2:25

Holeka kwali kusina soko ya yunji yamulonjele zono zili muli wene, hambi nha yali yazimanyile mweneco zose zono zili mu zinhumbula zawo.

Yohana 21:17

Lwe kadatu kanyhi yakamutya, “Ati Simoni go mwana wa Yohana, wunyendile ane 'mbi?” Nayo Petelo yakakalala vyono Yesu yamuwuzize kadatu yakutya, “Wunyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

1 Wakolinto 14:20

Nye wandugu zangu, mulece kuwa nhe wana wadodo mu mahala genyu. Kuli zo wavu, muweze nhe wana wagalika, ninga mu wihwese wenyu, yinojeye muwe nhe wanhu wono wakangaye.

Wahebelaniya 4:13

Kanyhi hasina hamba ciwumbwa co cose cono cihundice hali Mulungu, ninga vyose vili calinze ha meso gakwe. Na ase wose cololonga hali mwene ze metumo getu munhu na lwakwe.

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono, yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.’